Lankɛnimayɛ 7:12 - ALLALA KUMƐ

¹² Anu ko, “Amina! Tantolɛ wo, gbiliyɛ wo, hɛnkili wo, baraka-birɛ wo, bonyɛ wo, sɛnbɛ wo, anubɛ fanka-wɛ le mata Allatɛ la habadan! Amina!”

Lankɛnimayɛ 7:12 ပူးပေါင်းရင်းမြစ်များ

Nihɛmaya 12:46

Ka a bi Mansa Dawuda anubɛ fɔli-kɛla Esafita wati ma, ha kaka, fɔli-kɛlɛnu bi baraka-bira-bɛtinu bɔla ka fɔli-fannu kɛ-a-rɔ Alla ye.

Nihɛmaya 12:8

Lifayi minnu bi baraka-bira-bɛti bɔ koe kun na, wonu tɔgɛ le kɛnu na, Yɛsuwa wo, Binuwai wo, Kadamiyɛli wo, Sɛrɛbaya wo, Yuda anubɛ Matanaya.

Yaburi 100:4

Min tenbi donna Bato-Bon-kata burɔ, wo ni baraka bira a ye. Wo ni baraka bira a ye ka a matɔgɔ.

Yaburi 106:48

Tantolɛ ni di Isirɛlata Mari Alla ma ka to a matɔgɔla burubukai! Mɔgɛ bɛɛ ni a fɔ ko, “Amina!” Tantolɛ ni kɛ Mari ye!

Yaburi 107:22

Fɔ anu ba baraka-bira-sarakɛnu bɔ a ye. A ara ko-nyimɛ minnu kɛ anu ye, fɔ anu ni wonu takaran bɛti-diyamɛnu tɔ.

Yaburi 116:17

N si na baraka-bira-sarakɛnu na i ye ka i madiya.

Yaburi 147:7

Ma ni matɔgɔ-bɛtinu bɔ Mari ye. Ma ni bɔlɔn kɛ a rɔ mata Alla ye.

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Yaburi 50:14

Kɔnɔ wo ni baraka-birɛ ma sarakɛ la n ye. Wo ara n yili-madiya fan min bɛɛla ko ma, wo ni wonu di nde, Mari Sɛnbɛ-Bɛɛ-Tigi ma.

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 89:52

Tantolɛ ni to dila Mari ma tolon! Amina! Amina!

Yaburi 95:2

Ma ni sɔ a yakɔrɔ baraka-birɛ la ma bolo ka tantoli-bɛtinu bɔ a ye sewɛ la.

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Yona 2:9

Kɔnɔ nde si tantoli-bɛti bɔ ile ye. N si sarakɛ bɔ ile ye. N si nna lanyiri latɔnbagaya i ye. Ile Mari kelen pe le si ke mɔgɔ kisila.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Romu 11:36

Ado nfan, ale le ya fan bɛɛ dan. Fan bɛɛ ye ale le baraka rɔ, ado atɛ le fan bɛɛsi la. Gbiliyɛ ni di ale Alla ma burubukai! Amina.

1 Kɔrɛnti 14:16

I wa baraka bira Alla ye i sɔndɔmɛ la ladɛn kuma, minnu ma kan wo lɔn, wonu si a fɔ kama ko, “Amina?” I ye min fɔla, anu ma wo lɔn.

2 Kɔrɛnti 4:15

Wo dama ye kɛla ka a tɛgɛ wole ma. Nba, Allata hinɛ min bi kela mɔgɔ siyaman ma nya min, anu siyaman si baraka bira Allata gbiliyɛla ko la wo nya na le.

Kɔlɔsi 2:7

Wo ni wo suli layigi ale rɔ pon, iko kɔlɔma ye suli layigila dugi la nya min! Wo si a ma, wo si sɛnbɛ sɔrɔn ale rɔ. Wo sɛnbɛ ni don wola dɛnkɛninyɛ rɔ iko wo karanta nya min. Ka a tɛgɛ a ara min ma wo ye, wo ni to baraka birala a ye dɛɛ!

Kɔlɔsi 3:17

Wo ye koe min bɛɛ kɛla anubɛ wo ye koe min bɛɛ fɔla, wo ni wo bɛɛ kɛ Mari Yisa tɔgɛ rɔ. Wo ni baraka bira ma Fa Alla ye Mari Yisa baraka rɔ.

Yude 1:25

Alla kelen pe, ma kisilɛ, kɔni, wotɛ ye mansayɛ anubɛ gbiliyɛ anubɛ sɛnbɛ la Yisa Kirasiti baraka rɔ kebi fɔlɔ ma, ha ka a sigi kaka la, ha habadan! Amina.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 19:4

Kɛmɔgɔ mogan-ni-nani anubɛ dali-fen nanɛ, wonu ya anu sa dugi ma ka Alla bato min mayiginɛ mansaya-sigi-fan rɔ. Anu ko, “Amina! Alla tanto!”