Lankɛnimayɛ 6:8 - ALLALA KUMƐ

⁸ N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.

Lankɛnimayɛ 6:8 ပူးပေါင်းရင်းမြစ်များ

Hɛnkilimaya-Kumɛnu 5:5

A si i bi ka i layigi kanbɛ rɔ. A si i telen nyahanama-kilɛ la.

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Yɛrɛmaya 14:12

Hali wo ya sunyɛ don, a ko a ti a wɔlɔ matɔlɔ wola madiyali-kan la. Hali wo ya saraka-mintantɛ anubɛ fui-fen-sarakɛ di a ma, a ti sɔn anu na. A ko kɛlɛ wo, kɔnkɔ wo, kiraya wo, a ko a si wole, Yuda kɛnu halaki wonu na.

Yɛrɛmaya 16:16

Mari ko a ti mɛ tun, a si kilayɛ lata yɛgɛ-biralɛnu ma alako wonu ni na wole, Yuda mɔgɛnu bira. Wo kɔma, a si kilayɛ lata donsenu ma alako wonu ni na bui wola nyamanɛ kɛ bɛɛ ma. Donse wonu si to wole, Yuda mɔgɛnu napɛrɛnna kɔnkɛnu anubɛ farannu ma.

Yɛrɛmaya 16:4

A ko kiraya-fitinɛ si ta anu na. Anu kunyɛ si to kɛlɛ rɔ, ni wo ma, kɔnkɛ si anu firan dugu-kole kuma. Anu dila-wo-dila ti taran, ado anu togonna-wo-togonna ti taran. A ko anu furi-bolokanɛ si taran dugi ma iko ninki-nyɛ. Anu furinu si ma konanu de-nyini-fan la, ni wo ma, firarɔ-sogenu.

Yɛrɛmaya 24:10

A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Yɛrɛmaya 29:17

Mari Sɛnbɛ-Bɛɛ-Tigi ko kɛlɛ-fitini wo, kɔnkɔ-fitini wo, kiraya-fitini wo, a si wonu nata Yerusalɛm kɛnu ma kaka. A ko a si anu ma iko toro-gbɔ-tulunɛ minnu ti dɔn tun.

Yɛrɛmaya 43:11

Nɛbukanasa si na Iyipiti nɔ feu! Minnu bɛnta, anu tɔgɔ ni to kirayɛ la, wonu tɔgɔ si to kirayɛ la. Minnu bɛnta, anu ni ta birɛ rɔ, fɔ wonu ba ta birɛ rɔ. Minnu bɛnta, anu tɔgɔ ni to kɛlɛ la, wonu tɔgɔ ye tola wo le la.

Isikiyɛli 29:5

Wo kɔma, n si anubɛ yɛgɛ wonu nafili wulɛ rɔ pirr! A si to sani dugu ma wo nya tasakara, ka a togonbɛlɛ to! N si a latenbi soge anubɛ konanu ma. Wonu si to a dɔnna nyɔ.

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Habakuku 2:5

Wola nɔnfuli siyamɛ si wo baya. Minnu kɔrɔndi, wonu wasinɛ, ado anu yisi ti sa. Anu mani de iko sayɛ bawo wo ti wasa. Woletɔ anu bi tala buila sibole doinu ma ka anuna nyamanɛnu sa anutɛ kuma.

Sakaraya 6:3

A sawa nyɔgɛ, so gbɛnu denu bi wo saganna. Kirindi nani nyɔgɛ, so-mapusannu denu bi wo saganna.

Matiyu 11:23

Nba, ile Kapereniyam so-burɔ-mɔgɛnu! Wo ye a fɛ ka wo nyɛrɛ layɛlɛ ha ka ke Arinyɛni tɔ, nyɛ? Ade, Alla si wo lafili ka wo ladon nyahanama rɔ bawo kabana-koe minnu bara kɛ wole tɛma, ni wonu kɛra Sɔdɔm so burɔ nun, a ye nyɔ nun ha bi!

Matiyu 24:7

Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma. Kɔnkɔ-fitinɛ si na. Dugu-yɛrɛyɛran si kɛ kan tina siyaman tɔ.

1 Kɔrɛnti 15:55

“E, sayɛ, ila nɔlɛ ye mintɔ gbɛ? E, sayɛ, ila mɔgɔ-duma-sɛnbɛ ye mintɔ?”

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 12:4

Lolɛnu faranɛ sigi tina sawa la, a ya wo sigi tina kelan sagan a fɔɛn la ka bɔ san-kole rɔ ka anu nafili dugi ma. Musi min buyi gbiliyanɛ, a sɔra wo yakɔrɔ alako wo wa dan sɔrɔn nya min wo, a ni dan wo dɔn.

Lankɛnimayɛ 9:15

Mɔgɛ bɛɛ faranɛ sigi tina sawa la, melika nanɛ wonu fulenta ka mɔgɛ wonu sigi tina kelan faga. Alla ya anu namara wati wo nyɛrɛla ko la, tele wo nyɛrɛ rɔ, karɛ wo nyɛrɛ la, san wo la gben!

Lankɛnimayɛ 9:18

Mɔgɛ faranɛ sigi tina sawa la, wo sigi tina kelan fagara tɔrɔya-fitina sawɛ wo bolo. Tɛ anubɛ ta-sisi anubɛ munku-gbɛ minnu bɔra soee wonu dɛ rɔ, wo le ya mɔgɛ wonu faga.