Lankɛnimayɛ 6:4 - ALLALA KUMƐ

⁴ So-wulan fanan bɔra. Min mayiginɛ wo kuma, Alla ya sɛnbɛ di wo ma ka kɛlɛ lana dugu-kole kuma alako mɔgɛnu ni anu nyɔgɔn faga. Alla ya faan-yan-bɛ di wo ma.

Lankɛnimayɛ 6:4 ပူးပေါင်းရင်းမြစ်များ

Yaburi 17:13

Mari, i lawuli n yogenu kan ma ka anu nɔ. N yogenu tagborokan. I ni n nakisi wunduyogenu ma.

Daniyɛli 5:19

Ala mansaya-sɛnbɛ kolo, duninya-mɔgɛ bɛɛsi kilanta a la. Ni mɔgɔ-faga-sɔgɛ ya a bira, a si wo ma. Ni a ye min tola a niyi la, a si wo fanan ma le. Ni mɔgɛ min gbiliya-sɔgɛ ya a bira, a si wo tigi gbiliya. Ni mɔgɛ min yarabi-sɔgɛ ya a bira, a si wo tigi layarabi.

Sakaraya 1:8

N ya Marita melika yen siginɛ so-wulan la gbɔfɛ kuma lɛɛ rɔ, ado so sawa sɔnɛ a kɔma. Kelan wulennɛ. Kelan mapusennɛ. Kelan gbɛnɛ. A laburilɛ siginɛ so sawɛ wonu na.

Sakaraya 6:2

Kirindi fɔlɔtɛ, so-wulannu denu bi wo saganna. A fila nyɔgɛ, so-finyɛnu denu bi wo saganna.

Matiyu 10:34

“Wo mirinɛ ko n bara na yisi-kimɛ la duninya kɛ rɔ, wa? Ade, n ma na yisi-kimɛ la fɔ kɛlɛ.

Matiyu 24:6

Wo si kɛlɛ-koenu namɔɛn anubɛ kɛlɛ-kibarɛnu kɔnɔ wo kana kilan. A fɛrɛ sa fɔ wonu ni ma kɔnɔ a laban ma wo la fɔlɔn.

Yɔni 19:11

Yisa ya a yabi ko, “Sɛnbɛ ye i bolo n kuma bawo Alla le ya wo di i ma. Woletɔ minnu ya n don i bolo, wonu hakɛ kolo itɛ ko.”

Lankɛnimayɛ 12:3

Kabana-ko-gbɛrɛ bɔra Arinyɛni tɔ. Ninkinanka-wulen-ba bɔra gbɛ rɔ nyɔ. A kunyɛ wɔrɔnfila. A kere tan. Mansaya-fulɛ ye a kunyɛ wo kelen-kelennamɛ-bɛɛ la.

Lankɛnimayɛ 13:10

Min si ma yɔɔn la, wonu si ma yɔɔn la serr! Min si faga, wonu si faga serr! Allata mɔgɛnu ni anu munyu ka to dɛnkɛninyɛ rɔ koe kɛ bɛɛ rɔ.)

Lankɛnimayɛ 17:3

Melika tara n na wulɛ rɔ Allata Ni-Sɛnimɛ baraka rɔ. N ya musi do yen nyɔ, a siginɛ sogo-ferema-wulan la. Sogo-feremɛ wo, a kunyɛ wɔrɔnfila, a kere tan. Alla-rapɔsi-kumɛnu sɛbɛnɛ a kan tinɛ bɛɛ ma.

Lankɛnimayɛ 17:6

N ya a yen ko musu-yɛlan wo mara gbɛɛtoe la Allala mɔgɛnu yele-minyɛ bolo. Allata mɔgɛ wonu fagara anuta lanayɛla ko la Yisa ye. N ya musi wo yen tumɛ min, n kawara kati!