Lankɛnimayɛ 6:12 - ALLALA KUMƐ

¹² Nba, saga-dan ya a li-kɛɛn wɔrɔ nyɔgɛ bɔ gbole wo ma ka a lafulen. N ya wo yen nkɛkuna, dugu-yɛrɛyɛrɛn-ba kɛra. Tele finta iko birinkan-finyɛ. Karɛ yɛlɛmanta ka wulen pui iko yele.

Lankɛnimayɛ 6:12 ပူးပေါင်းရင်းမြစ်များ

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 34:4

San-kole si tunu yen, iko gbolo-kolonɛ la wa mini. Tele wo, karɛ wo, lolenu wo, wo bɛɛ si bunden. Lolenu si to yalanna iko toro-gbɔɛ anubɛ a yanbɛ si a ma nya min.

Aiseya 50:3

A ko a si ke san-kole lafinna le bɛff, iko mɔgɛ wa kasa-kurɛ don a nyɛrɛ ma yisi-lafinyɛ bolo.

Yowɛli 2:10

Anu kinta-kan ye dugi layɛrɛyɛrɛnna. San-kole fanan bi yɛrɛyɛrɛnna. Tele anubɛ karɛ si fin. Hali lolenu, anu mɛlan ti yen.

Yowɛli 3:15

Tele anubɛ karɛ si fin wulɔn. Hali lolenu, anu mɛlan ti yen.

Emɔsi 1:1

Saga-fɛ-biralɛ le Nɛbi Emɔsi la nun. A siginɛ Tekoya soe burɔ. San fila yanni dugu-yɛrɛyɛran ni ke, wo ya a taran, Yusaya ye mansayɛ la Yuda nyamanɛ rɔ. Wo ya a taran fanan, Yohasila den-kei Yɛrabowami ye mansayɛ la Isirɛla nyamanɛ rɔ. Alla kumara Nɛbi Emɔsi ye ka a tɛgɛ Isirɛla nyamanɛ ma.

Emɔsi 8:9

Wo wati ye nala, tele si fin tele-latelen-wati rɔ, wo kɔma, pinpi si burun wo kuma.

Sakaraya 14:5

A tɛmɛ wo si ma wunban la. Wunban wo si ma wo buri-kɛ-kilɛ la. Wo si wo buri iko wo benbanu ya a ma nya min dugu-yɛrɛyɛran kɔrɔ Yuda Mansɛ Yusayata wati rɔ. Nta Mari Alla si na ata melika bɛɛ la a bolo.

Matiyu 11:21

A ko, “Ile Koresin so-burɔ-mɔgɛnu, gbalo ye wo kuma! Ile Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛ don anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Matiyu 24:29

“Tɔrɔyɛ wonu ba tenbi tumɛ min, tele la si fin. Karɛ ti gbɛ. Lolenu si bɔ san-kole rɔ ka bui. San-koletɔ-fannu na si maga ka bɔ anu gbɛ rɔ.

Matiyu 24:7

Sibolo-gbɛrɛnu si wuli anu nyɔgɔn kan ma. Nyamanɛnu si wuli anu nyɔgɔn kan ma. Kɔnkɔ-fitinɛ si na. Dugu-yɛrɛyɛran si kɛ kan tina siyaman tɔ.

Matiyu 27:45

Tele latelan, pinpi burunta nyamanɛ wo bɛɛ kuma ha hawa sawa.

Matiyu 27:54

Kɛlɛ-den-kun-tigi anubɛ ala kɛlɛ-dan minnu bi Yisa kandanna, wonu ya dugu-yɛrɛyɛran yen tumɛ min, anubɛ koe min bɛɛ kera, anu kumakɔra kati! Anu ko, “Alla nyɛrɛta dan le kɛ la nun serr!”

Matiyu 28:2

Tiriyante wo rɔ, dugi yɛrɛyɛrɛnta tun bɛrɛkɛ! Marita melika yigira ka bɔ Arinyɛni tɔ. Melika wo ya kuri makuru-kurun ka bɔ kanba-dɛ la ka a sigi a kuma.

Maraka 15:33

Tele latelan, pinpi burunta nyamanɛ wo bɛɛ kuma ha hawa sawa.

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 16:18

Bandɛ ya a nyin masɔgɔ. A tugura. San serenta. Dugu-yɛrɛyɛrɛn-ba kɛra min yogo dugu-yɛrɛyɛran bɛɛ ko! Kebi mɔgɔ danta, wo nyɔgɔn dugu-yɛrɛyɛrɛn ma kɛ bɛ mumɛ!

Lankɛnimayɛ 16:8

Wo kɔma, melika nani nyɔgɛ ya ata pani-kunbɛ rawuya tele kuma. Alla sɔnta ko a ni mɔgɛnu mintan a wuyan-kalamɛ la.

Lankɛnimayɛ 8:12

Wo kɔma, melika nani nyɔgɛ ya ata buri fɛ. Tele faranɛ sigi tina sawa la, wo sigi tina kelan tinyara anubɛ karɛ, a sigi tina sawa nyɔgɛ anubɛ lolenu sigi tina sawa nyɔgɛ. Woletɔ anu ma ke malanna. Tele ma bɔ hawa nani nyɔgɛ kɔrɔ. Karɛ fanan ma gbɛ hawa nani nyɔgɛ kɔrɔ.

Lankɛnimayɛ 8:5

Wo kɔma, melika wo ya fen-suma-diyama-dagɛ wo bi. A ya dagɛ wo lafa tɛ la saraka-bɔ-tinɛ kuma ka a lakɛ dugu-kole kuma. San-sɛrɛn-kan anubɛ banda-tugu-kan bɔra. Bandɛ ya a nyin masɔgɔ. Dugi yɛrɛyɛrɛnta.