Lankɛnimayɛ 5:5 - ALLALA KUMƐ

⁵ Nba, kɛmɔgɔ kelen ya a fɔ n ye ko, “I kana di! I yɛ lata! Yarɛ min bɔnɛ Yuda bɔnsɔn rɔ, Dawuda bɔnsɔn malɔnnɛ, kɔni, wo ara nɔ-koe sɔrɔn a yogenu ma. Wo si ke li-kɛɛn wɔrɔnfilɛ wonu bɔla gbolo-lamininɛ wo ma ka a lafulen.”

Lankɛnimayɛ 5:5 ပူးပေါင်းရင်းမြစ်များ

2 Ko-Kɔrɔta-Karan 9:18

Kin-pogoron wɔrɔ tɛgɛnɛ ye yɛlɛla anu nyɔgɔn kuma ka ke mansaya-waganɛ wo ma. Kin sa tinɛ kankannɛ waganɛ wo ma. Sɛnɛ sanɛ wo fanan ma. Yarɛla muninya tan-ni-fila ladannɛ yɛlɛla kin-sɔ-tina wɔrɛ wo tɔnkɔn filɛ bɛɛ ma. A kɔɛn filɛ sa tinɛ tɔnkɔn rɔ, yarɛla muninyɛ ladannɛ wonu fanan ma. Ala mansaya-waganɛ wo nyɔgɔn sa mansa-wo-mansa bolo duninya rɔ fɔ ale kelen pe.

Yobu 41:15

A wonke tugunnɛ ye tala anu nyɔgɔn na a kɔ-gbengbe ma. Anu gbɛrɛnnɛ anu nyɔgɔn ma iko mɔlɔnɛ.

Aiseya 11:1

Dawudata mansaya-bɔn manɛ iko kɔlɔma min tɛgɛnɛ a la, a kɔn-kundi tonɛ dugi rɔ. Iko kɔn-kundi wo ye a matiila nya min, mansɛ do si fɛrɛn Dawuda kegeyɛ rɔ wo nya na le.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Yɛrɛmaya 31:16

Kɔnɔ Mari ko a ni a fara diyi la. Ale Resɛli ni a yɛ lafiran. A ko a ara wɔlɛ minnu kɛ ala dannu ye, a si a kɔndɔn sɔrɔn wo rɔ. Ala dan wonu si bɔ anu yogenuna nyamanɛ rɔ ka sɛgi anu halala-nyamanɛ rɔ.

Daniyɛli 7:16

N tara melika kelen taran melika-siyamɛ kɛnu tɔ ka a manyinika ni kiyo kɛ kɔrɛ ye min na.” A ya a kɔrɛ fɔ n ye.

Yilan-Yilan Koe 24:9

Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”

Luka 23:28

Yisa ya a yɛ lamunun anu na ka a fɔ anu ye ko, “Wole Yerusalɛm musinu! Wo kana di ndela ko la. Wo ni di wo nyɛrɛ anubɛ wola dannuna ko la,

Luka 7:13

Mari ya musi wo yen tumɛ min, a kinikinita a ma bɛrɛkɛ! A ya a fɔ musi wo ye ko, “I kana di.”

Luka 8:52

Mɔgɛ bɛɛ ye dila ka anu dɛ sa-a-rɔ dennɛ wola ko la. Yisa ko, “Wo kana di. Dennɛ wo ma faga. A ye kinɔgɛ le tɔ dɔrɔn!”

Yɔni 20:13

Anu ya a manyinika ko, “N na, i ye dila nfenna?” A ya anu yabi ko, “Anu bara n Mari labɔ yan. Anu bara a sa kan min, n ma nyɔ lɔn!”

Romu 1:3

Kibara-nyimɛ wo tɛgɛnɛ Yisa le ma, Allala den-kei, kɔni, min sɔrɔnta Dawuda bɔnsɔn rɔ hadama-danta kilɛ fɛ.

Romu 15:12

Wo kɔma, Nɛbi Aiseya ya a sɛbɛ ko, “Mansa-kurɛ si bɔ Dawudala kebilɛ rɔ. A si sibolo-gbɛrɛnu mara. Anu si anu yigi sigi ale rɔ.”

Hiburunu 7:14

Bɛɛ ya a lɔn ko Mari sɔrɔnta Yuda bɔnsɔn le tɔ, ado Nɛbi Musa ya saraka-masɔya-koe fɔ tumɛ min, a ma bɔnsɔn wola ko fɔ.

Lankɛnimayɛ 1:1

Yisa, Allata-Mɔgɔ-Yabɔnɛ ya koe minnu yira, wonu denu sɛbɛnɛ kitabu kɛ rɔ. Alla le ya wonu di a ma alako koe minnu ti mɛ nala, a ni wonu yira Allata wɔli-kɛlɛnu na, ado Kirasiti ya ala melika sɔ ka ala wɔli-kɛla Yɔni lalɔn-koe wonu na.

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.

Lankɛnimayɛ 4:10

kɛmɔgɔ mogan-ni-nani wonu si anu sa a kɔrɔ. Ale min nimayanɛ habadan, anu bi wo batola ka anuna mansaya-fulɛnu sa mansaya-sigi-fan wo kɔrɔ ka a fɔ ko,

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.

Lankɛnimayɛ 5:4

N dira bɛrɛkɛ bawo mɔgɔ-wo-mɔgɔ ma taran min si ke gbolo-lamininɛ wo lafulenna ka a burɛ rafɛlɛn.

Lankɛnimayɛ 6:1

Wo kɔma, n ya a yen, saga-dan ya li-kɛɛn bɔ a fɔlɔtɛ ma ka a rafulen. N ya dali-fen nanɛ wo kelen kan lamɔɛn. Wo kan manɛ iko san-sɛrɛn-kan. A ko, “Bɔ gbɛ ma!”

Lankɛnimayɛ 7:13

Kɛmɔgɔ kelen ya n manyinika ko, “Duruku-yan-gbɛ ye mɔgɛ minnu kan na wo la, yon bi wonu na? Anu bɔnɛ mi?”