Lankɛnimayɛ 4:7 - ALLALA KUMƐ

⁷ Dali-fen fɔlɔtɛ manɛ iko yarɛ. A fila nyɔgɛ manɛ iko turɛ. A sawa nyɔgɛ manɛ iko hadama-den-yakɔrɛ. A nani nyɔgɛ manɛ iko bibi min kanban lafulennɛ.

Lankɛnimayɛ 4:7 ပူးပေါင်းရင်းမြစ်များ

Ko-Dabirɛnu 49:9

Yuda, i bɔnsɔn si ma iko yara-bulan min si mansayɛ kɛ soge bɛɛ kuma. A wa ta soge bira, a ni na a la faran la ka a dɔn saa! A wa ban a dɔnna tumɛ min, a si a nyɛrɛ rasagan nyaratata ka a sa. Sogo-wo-sogo ti sisi a la.

2 Samuwɛli 1:23

“Mansa Sɔli anubɛ Yonatan, anu di mɔgɛnu ye. Anu sɔn bɛɛ kelen, ado anu niyi bɔra anu nyɔgɔn fɛ le. Anu natiri kokɛ ko, ado anu tagbɛlɛ yarɛ ko.

Hɛnkilimaya-Kumɛnu 28:2

Ni nyamanita-mɔgɛnu murutiyanɛ, anu si to anuna kun-tiginu mayɛlɛmana. Kɔnɔ ni hɛnkilimɛ ye nyamanɛ kun na, ala mansayɛ si sɛnbɛ sɔrɔn ka mɛ.

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Isikiyɛli 1:10

Anu yakɔrɔ nanɛ kɛnu, anu yarɔtɛ, hadama-den-yakɔrɛ le wo la. Anu bolo-nyimɛ waralɛ, yara-yakɔrɛ le wo la. Anu bolo-maran waralɛ, tura-yakɔrɛ le wo la. Anu kɔmɛ, kokɛ-yakɔrɛ le wo la.

Isikiyɛli 1:8

Wo kɔma, n ya hadama-den-bole yen kanban nani-nanɛ wonu kɔrɔ.

Isikiyɛli 10:14

Nima-fan kɛ bɛɛ yakɔrɔ nani-nani. Anu yakɔrɛ kelan, turɛ. Anu yakɔrɛ fila nyɔgɛ, hadama-dan. Anu yakɔrɛ sawa nyɔgɛ, yarɛ. Anu yakɔrɛ nani nyɔgɛ, kokɛ.

Isikiyɛli 10:21

Yakɔrɔ nani-nani bi anu bɛɛ bolo. Kanban nani-nani bi anu bolo. Fan do ye a bɛɛ kanban kɔrɔ min manɛ iko hadama-den-bole.

Daniyɛli 7:4

N ya a fɔlɔtɛ min yen, wo mani de iko yarɛ kɔnɔ a kanbannu bi a ma iko kokɛ. N bi a mafɛlan wo kun na, n ya fan do yen a kanban wonu wurunnɛ a ma. Fan do ya a bi ka a sɔ a kin filɛ kun na iko hadama-dan. Hadama-den-miriya dira a ma wati wo rɔ.

Hɔbadaya 1:4

Hali wole mirinɛ ko wola sigi tinɛnu bi san-kolo-wɛ ma iko kokɛ-nyagan tenbi lolenu tɛma san-kole rɔ. Kɔnɔ hali wo, ale Mari ko a si wo gbesi dugi la.

Yilan-Yilan Koe 23:24

Isirɛla mɔgɛ kɛnu mani de iko yara-yuwan. A ti a sulen fɔ a buyi wa fa. Ni a ya min faga, fɔ a wa ban wo yele manɛla.”

Yilan-Yilan Koe 24:9

Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

Lankɛnimayɛ 4:6

Fan do ye mansaya-sigi-fan wo yakɔrɔ min manɛ iko dalɛ. Wo gbɛnɛ iko kuru-da-gbɛlɛ. Dali-fen nani ye mansaya-sigi-fan tɔnkɔn nani bɛɛ rɔ. Anu yarɔ anubɛ anu kɔma, ya gbansan!

Lankɛnimayɛ 6:3

Saga-dan ya li-kɛɛn fila nyɔgɛ bɔ a ma ka a lafulen. N ya dali-fen fila nyɔgɛ kan lamɔɛn ko, “Bɔ gbɛ ma!”

Lankɛnimayɛ 6:5

Wo kɔma, saga-dan ya li-kɛɛn sawa nyɔgɛ bɔ a ma ka a lafulen. N ya dali-fen sawa nyɔgɛ kan lamɔɛn ko, “Bɔ gbɛ ma!” N ya so-finyɛ fanan yen. Min siginɛ a kuma fanan, fen-suman-fan ye wo bolo.

Lankɛnimayɛ 6:7

Wo kɔma, saga-dan ya li-kɛɛn nani nyɔgɛ bɔ a ma ka a lafulen. N ya dali-fen nani nyɔgɛ kan lamɔɛn ko, “Bɔ gbɛ ma!”