Lankɛnimayɛ 4:6 - ALLALA KUMƐ

⁶ Fan do ye mansaya-sigi-fan wo yakɔrɔ min manɛ iko dalɛ. Wo gbɛnɛ iko kuru-da-gbɛlɛ. Dali-fen nani ye mansaya-sigi-fan tɔnkɔn nani bɛɛ rɔ. Anu yarɔ anubɛ anu kɔma, ya gbansan!

Lankɛnimayɛ 4:6 ပူးပေါင်းရင်းမြစ်များ

1 Mansɛnu 7:23

Huram ya yi-sigi-kunan kinama-wɛ do ladan silɛɛ la. A kɔnɛ ya nunkan-nya tan bɔ. A burɛ rayanyɛ ya nunkan-nya loli bɔ. Ala minɛ ya bolo-bira-nya bi-kɔnɔntɔ bɔ.

Yobu 28:17

Mɔlɔn wo tenbira sɛnɛ-miran anubɛ kuru-da-gbɛlɛnu bi fan minnu tɔ pirr!

Bɔ-Koe-Iyipiti 38:8

Musi minnu bi wɔlila Marita Fani-Bɔn dafɛ dagɛ kɔma kilɛ la, wonu nara anuna sila-nyɛrɛ-mafɛlannu na ka anu ma kɔ-fan la Mari ye. Bɛsalɛli ya wonu ma yi-sigi-miran anubɛ a sigi-fan la.

Isikiyɛli 10:12

Anu fɛrɛ wo, anu kɔɛ wo, anu bole wo, anu kanban wo, anu kin-natintannɛ wo, anu fɛrɛ mumɛ bɛɛ, ya-gbansan!

Isikiyɛli 10:14

Nima-fan kɛ bɛɛ yakɔrɔ nani-nani. Anu yakɔrɛ kelan, turɛ. Anu yakɔrɛ fila nyɔgɛ, hadama-dan. Anu yakɔrɛ sawa nyɔgɛ, yarɛ. Anu yakɔrɛ nani nyɔgɛ, kokɛ.

Lankɛnimayɛ 14:3

Nyama-siyaman-wɛ wonu sɔra mansaya-sigi-fan anubɛ dali-fen nani anubɛ kɛmɔgɛnu yakɔrɔ. Anu ya bɛti-kurɛ do bɔ, mɔgɔ-wo-mɔgɔ ti ke min bɔla fɔ mɔgɔ waga kɛmɛ, waga bi-nani ani waga nanɛ wonu (144,000), ado wonu denu dɔrɔn kunkara ka bɔ dugu-kole kuma.

Lankɛnimayɛ 15:2

Wo kɔma, n ya fan do bɛyabɛyɛ yen min manɛ iko kɔgɔ-yi. A manunkunɛ iko nyɛrɛ-mafɛlan. A yabasannɛ tɛ la. N ya mɔgɛ donu yen fanan minnu bara nɔlɛ sɔrɔn sogo-feremɛ anubɛ ala muninyɛ ma. Min tɔgɛ yatɛ bɛnnɛ sogo-feremɛ wo mandan ma, anu bara nɔ-ko sɔrɔn wo fanan ma. Anu sɔnɛ fan wo dafɛ min manɛ iko kɔgɔ-yi. Alla ya sɔrɔn minnu di anu ma, wonu bi anu bolo tɔ.

Lankɛnimayɛ 15:7

Dali-fen nanɛ wo kelen ya sɛnɛ-pani-kunba wɔrɔnfilɛ di melika wɔrɔnfilɛ wonu ma. Pani-kunbɛ wonu nafanɛ habadan-Allata diminyɛ la.

Lankɛnimayɛ 19:4

Kɛmɔgɔ mogan-ni-nani anubɛ dali-fen nanɛ, wonu ya anu sa dugi ma ka Alla bato min mayiginɛ mansaya-sigi-fan rɔ. Anu ko, “Amina! Alla tanto!”

Lankɛnimayɛ 21:11

A ye malan-malanna Allala gbiliyɛ bolo. Soe wo ye malan-malanna iko kuru-da-gbɛlɛ min tɔgɛ yasipa. A gbɛnɛ iko daimon.

Lankɛnimayɛ 21:18

Tarɛ wo ladanta kuri la min tɔgɛ yasipa. Soe wo nyɛrɛ ladanta sɛnɛ-hakikɛ la. A gbɛnɛ fanan iko daimon.

Lankɛnimayɛ 21:21

Kɔnɔ-kolo-da-gbɛlɛ, wonu denu nadannɛ a da tan-ni-filɛ wonu na. Da wo kelen-kelennamɛ-bɛɛ ladannɛ kɔnɔ-kolo-da-gbɛlɛ kelen-kelennamɛ-bɛɛ la. Soe wo kilɛ ladannɛ sɛnɛ-hakikɛ le la. A gbɛnɛ iko daimon.

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.

Lankɛnimayɛ 5:11

Wo kɔma, n ya n yɛ lata. N ya melikanu kan lamɔɛn. Wonu yatɛ ti ke lɔnna! Anu sɔra mansaya-sigi-fan anubɛ dali-fen nani anubɛ kɛmɔgɛnuna foolɛ rɔ.

Lankɛnimayɛ 5:14

Dali-fen nani wonu fanan ya a labira, “Amina!” Kɛmɔgɛnu ya anu sa dugi ma ka batoli kɛ.

Lankɛnimayɛ 5:6

Wo kɔma, n ya saga-den-sɔnɛ yen mansaya-sigi-fan wo tɔgɔfɛ, a lafoonɛ dali-fen nani anubɛ kɛmɔgɛ wonu na. Saga-dan wo manɛ iko anu bara min faga nun. Kere-wɔrɔnfila anubɛ ya-wɔrɔnfila ye a kuma. Allata Ni wɔrɔnfilɛ le wonu na minnu natanɛ duninya kan tinɛ bɛɛ rɔ.

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.

Lankɛnimayɛ 6:1

Wo kɔma, n ya a yen, saga-dan ya li-kɛɛn bɔ a fɔlɔtɛ ma ka a rafulen. N ya dali-fen nanɛ wo kelen kan lamɔɛn. Wo kan manɛ iko san-sɛrɛn-kan. A ko, “Bɔ gbɛ ma!”

Lankɛnimayɛ 6:6

N ya kan do lamɔɛn min mani iko kuman-kan. Wo ye bɔla dali-fen nanɛ wonu tɛma. A ko, “Pani-kunbɛ-nya kelen fui-fan si tele-kelen-sarɛ bɔ. Fui-fan min tɔgɛ bali, wo pani-kunba-nya sawɛ si tele-kelen-sarɛ bɔ. Kɔnɔ i kana fɛɛ sa ɔlifi-tuli anubɛ nɔnbɔ-gbɔ-yi la!”

Lankɛnimayɛ 7:11

Melika bɛɛ sɔra mansaya-sigi-fan anubɛ kɛmɔgɛnu anubɛ dali-fen nanɛla foolɛ rɔ. Wo kɔma, anu ya anu naburun-a-ma mansaya-sigi-fan yakɔrɔ Alla bato tinɛ.

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”