Lankɛnimayɛ 4:1 - ALLALA KUMƐ

¹ Wo kɔma, n ya Arinyɛnɛ dɛ-lakanɛ yen ko-rayirɛ rɔ. N ya kuman-kan min namɔɛn fɔlɔn, min manɛ iko buru-fɛ-kan, wo ya a fɔ n ye ko, “Yɛlɛ yan tɔ. Koe minnu si na ma yarɔ, n ni wonu yira i la.”

Lankɛnimayɛ 4:1 ပူးပေါင်းရင်းမြစ်များ

Bɔ-Koe-Iyipiti 1:1

Yakoba min tɔgɛ fanan Isirɛla, wola dannu tara a fɛ Iyipiti nyamanɛ rɔ anubɛ anuna denbayɛnu. Ala den-kei wonu tɔgɛ le kɛnu na,

Bɔ-Koe-Iyipiti 19:24

Mari ya a fɔ a ye ko, “Ta Aruna bi kɔnkɛ kɔrɔ. I ni yɛlɛ a la yan kɔnɔ saraka-masɔlɛnu anubɛ a mɔgɛ toenu kana tenbi dan la ka nde, Mari yen muk! Ni min tenbira, n si wo tɔrɔ.”

Bɔ-Koe-Iyipiti 24:12

Mari ya a fɔ Musa ye ko, “Na n bara ka mɛ n fɛ kɔnkɛ kun tɛma yan. N si kuru-walan fila don i bolo nna tɔnnu sɛbɛnɛ minnu ma alako i ni mɔgɛnu karan wonu na.”

Hɛnkilimaya-Kumɛnu 25:7

Yanni mɔgɛ ni ta a sigi mansɛ dafɛ, a ni tugu i la mɔgɔ-banu yakɔrɔ, a fisa worɔ, i ni i sigi a mafakɔnɔ, ale ni i kele.

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Matiyu 3:16

Yɔni ya Yisa batasi. A bɔra yi rɔ nkɛkuna, san-kolo-dɛ lakara. A ya Allala Ni-Sɛnimɛ yigimatoe yen iko kangbɔɛ. Wo sigira a kuma.

Maraka 1:10

A bɔra yi rɔ nkɛkuna, Yisa ya Arinyɛnɛ lakanɛ yen san-kole rɔ. Allala Ni-Sɛnimɛ yigira a kuma iko kangbɔɛ.

Luka 3:21

Yɔni banta sɛrɛ bɛɛ batasila lunyɛ min, wo kɔma, a ya Yisa fanan batasi. Yisa ye Alla madiyala tumɛ min, Arinyɛnɛ dɛ lakara.

Yɔni 16:13

Kɔnɔ Allala Ni-Sɛnimɛ min si tonyɛ labɔ gbɛ rɔ Alla wara-koe rɔ, wo wa na tumɛ min, a si tonyɛ bɛɛ yira wo la. A ti kuma a nyɛrɛta sɛnbɛ la fɔ a ya min namɔɛn yɛ, a si wo le fɔ wo ye. Koe minnu bi nala, a si wonu fanan fɔ wo ye.

Kɛwɔlɛnu 10:11

A ya Arinyɛnɛ dɛ lakanɛ yen. Fan min manɛ iko kura-belebele, a ya wo yen yigila. A dunnɛ a tɔnkɔn nanɛ ma ha ka yigi dugi ma.

Kɛwɔlɛnu 7:56

A ko, “Wo yɛ lata. N bara Arinyɛnɛ dɛ lakanɛ yen. Hadama-den, Yisa, sɔnɛ Alla kɔɛn-nyimɛ rɔ!”

Lankɛnimayɛ 1:10

Sulen-Tele ma, Allata Ni-Sɛnimɛ ya n bi ata sɛnbɛ la. N ya kuman-kan-wɛ lamɔɛn. Wo kuli manɛ de iko buru-fɛ-kan. A ye kumala n kɔma kilɛ la.

Lankɛnimayɛ 1:12

N ya n tintan alako min bi kumala n ye, n ni wo yen. N ya sɛnɛ-lɛnpu-sigi-fen wɔrɔnfila yen.

Lankɛnimayɛ 1:19

Nba, i wara minnu tayen, minnu bi kaka wo, minnu si na kɛ kɔma wo, i ni wo bɛɛ sɛbɛ.

Lankɛnimayɛ 11:12

Wo kɔma, nɛbi filɛ wonu ya kuman-kan-ba lamɔɛn ka bɔ Arinyɛni tɔ. A ko, “Wo yɛlɛ yan tɔ!” Anu yogenu bi anu mafɛlan kun na tumɛ min, banda-finyɛ ya anu bi ka anu nayɛlɛ Arinyɛni tɔ.

Lankɛnimayɛ 11:19

Alla-Bato-Bɔn min bi Arinyɛni tɔ, wo lakara. Tɔn-kenkirɛ ye kan min, bɛɛ si ke wo yenna Alla-Bato-Bɔn wo la. Wo kɔma, bandɛ ya a nyin masɔgɔ. A tugura. San serenta. Dugu yɛrɛyɛrɛnta. Banda-kolo-wɛnu buira.

Lankɛnimayɛ 16:17

Wo kɔma, melika wɔrɔnfila nyɔgɛ ya ata pani-kunbɛ rawuya fɔnyɔ rɔ. Kuman-kan-ba bɔra mansaya-sigi-fan rɔ Alla-Bato-Bɔn la. A ye a fɔla ko, “A ara ban!”

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.

Lankɛnimayɛ 22:6

Wo kɔma, melika ya a fɔ n ye ko, “Kumɛ kɛnu, tonyɛ le. Mɔgɛnu si la wonu na. Mari Alla min ya ata Ni-Sɛnimɛ di nɛbinu ma, wo le ya ala melika sɔ ala wɔli-kɛlɛnu ma ka koe wonu yira anu na minnu bi nala mala tiriya!”