Lankɛnimayɛ 3:2 - ALLALA KUMƐ

² Woletɔ wo ni kunden. Sɛnbɛ-nɛ min bi wo bolo fɔlɔ, wo ni do sa wo kuma yanni a ni ban, ado n bara a yen ko wo ara min kɛ, wo kanbalini ma fɔlɔn ndeta Alla yala.

Lankɛnimayɛ 3:2 ပူးပေါင်းရင်းမြစ်များ

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

1 Mansɛnu 15:3

Mansa Abaya fanan ya hakɛ kɛ iko a fa ya a ma nya min. A ma a telen Mari ye iko a benba Mansa Dawuda ya a ma nya min nun.

2 Ko-Kɔrɔta-Karan 25:2

Ale Mansa Hamasa wara-koe ya Mari hɛnɛ kɔnɔ a ma Mari fɛ-koe bɛɛ kɛ a sɔndɔmɛ bɛɛ la.

Yobu 16:5

Kɔnɔ nde ti wo ma. N si wo kɔntɔ-diya-kumɛ fɔ. N ba min fɔ, wo si a diya don wole rɔ.

Aiseya 35:3

Bole anubɛ kunbelan minnu takunnɛ, i ni wonu tagbɛlɛya tun.

Aiseya 56:10

Kun-tigi minnu bɛnta ka mɔgɛnu kandan, wonu fiyonyanɛ. Anu ma a lɔn anu bi min kun na. Anu dama manɛ iko wuli min ti ke gbongbonna. Anu ti ke wonwonna mɔgɛnu ma. Kinɔgɛ di anu ye ha! Anu sa fenfen kun na fɔ kiyo-kunba-sɛ.

Aiseya 57:12

A ko wo miri ko wo ye min kun na, wo kin kɔnɔ a ko a si wo kɛ-nya labɔ gbɛ rɔ, ado wola bɛsɛnu ti ke wo kunyɛ bɔla wo rɔ mumɛ!

Isikiyɛli 34:16

“Minnu tununta, n si wonu nyini. Minnu tara anu kun fɛ, n si wonu kunyɛ lasɛgi a rɔ. Minnu tanbanta, n si wonuna tɛlɛnu makiri. Minnu kirɛ, n si wonu dandan. Kɔnɔ minnu kunba, ado anu tagbɛlɛ wɛ kɛ, n si wonu wara-koe ka-a-la bawo saga-fɛ-birala ko-telenni-kɛlɛ le nde la.

Daniyɛli 5:27

Ka a fɔ, ‘A SUMAN,’ wo kɔrɛ le, Alla ara ila mansayɛ suman, a ara a lɔn ko i ma bɛn.

Sakaraya 11:16

bawo a ye nala saga-fɛ-biralayɛ tola mɔgɛ do bolo minna ko sa sagɛ wonuna ko rɔ. Min ba to-a-rɔ, a ti wo nyini. Min ba ta a kun fɛ, a ti wo gba bɔ. Min ba tanban, a ti wo dandan. Minnu fɛrɛ nɔrɔnnɛ anu ma, a sa wonu de-nyinina. A sɔnsɔnnɛ wonu denu dɔn ma hali anu kolenu ma to.

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Matiyu 25:13

Yisa ko, “Nba, wo ni wo yɛ lakalan bawo wo ma n na-tele anubɛ a wati lɔn.

Matiyu 25:7

Sunkurun tan kundenta ka anuna lɛnpunu tabɛn.

Kɛwɔlɛnu 18:23

A mɛra nyɔ doni. Wo kɔma, a tara Kalesiya anubɛ Parigiya nyamanɛnu tɔ ka nyɔ-dɛnkɛninya-mɔgɛ bɛɛ sɛnbɛ don.

Tɔn-Fɔɛ-Fila-Nyɔgɛ 3:28

Mari ko Yasowa min bi nala sigila n gbɛ rɔ, a si na min ma, n ni wo fɔ ale ye. N ni a makawandi ka a sɛnbɛ don bawo ale le ye tola mɔgɛnu kuma ka ta anu sigi nyamanɛ wo rɔ nde, Musa ya min mafɛlɛn.

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

Lankɛnimayɛ 16:15

Mari ko, “Wo ni wo tole masɔ! N bi nala wo latɛrɛnala iko kankan! Mɔgɔ-sewanɛ le wo tigi la min bi kila a ya la ka ala kurɛ makandan alako a lakolɔn kana na to tagamana miliyɛ bolo!”)

Lankɛnimayɛ 2:4

Kɔnɔ min bi n kɔntɔ wo kan ma, wo le kɛ la. Keninteyɛ min bi nde anubɛ wole tɛma nun fɔlɔ, wo keninteyɛ sa wo tɛma kaka.

Lankɛnimayɛ 3:1

“I ni kɛdi sɛbɛ ka a lata Sadisi-chɔchi-melika ma. “ ‘Allata Ni wɔrɔnfilɛ ye n bolo anubɛ lolo wɔrɔnfilɛ, ado nde le ye kumɛ kɛ fɔla. Wole Sadisi-chɔchi-mɔgɛnu, wo ye wɔlɛ min kɛla, n ya wo lɔn. N ya a lɔn ko wo ye wo nyɛrɛ mala iko dɛnkɛninya-mɔgɛnu kɔnɔ wo sɔndɔmɛ rɔ, wo bilani ma nde fɛ.

Lankɛnimayɛ 3:3

Nba, wo ara min karan wo, anubɛ wo ya min namɔɛn wo, wo hɛnkili ni to wonu ko. Wo ni wonu bira ka wo kɛ-nya yɛlɛma. Ni wo ma kunden, wo hɛnkili sa a ma tumɛ min, n si na kɛ wo ma iko kankan ka wo tɔrɔ.