Lankɛnimayɛ 3:19 - ALLALA KUMƐ

¹⁹ Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.

Lankɛnimayɛ 3:19 ပူးပေါင်းရင်းမြစ်များ

2 Samuwɛli 7:14

Nde si ma a fa la. Ale si ma nta dan la. A wa ko-yogomɛ ma, nde si a kolo iko fa si ala dan kolo nya min.

Yobu 5:17

Mɔgɔ-sewanɛ le wo mɔgɛ la Alla ye min natelenna. Alla Sɛnbɛ-Bɛɛ-Tigi tenbi mɔgɛ kolola, a yisi ka bɔ Alla kan ma.

Yaburi 39:11

I ye mɔgɔ makumala ala hakɛla ko la. Alla si mɔgɛ diyana-koe ban iko tunbinu si kɔn-gbɔɛ dɔn nya min. Hadama-dan bɛɛ niyi mani de iko ni-lafɛ kelan i yala.

Yaburi 6:1

E, Mari, i yandi, i kɔrɔtɔnɛ kana n tɔrɔ. Ni i fonde bɔnɛ, i kana n makuma.

Yaburi 69:9

N bi miriya-nyima min telenna i Bato-Bɔn la, wo mani de iko tɛ le ye n mintanna n yisi rɔ. Anu bi mɔɛn-kumɛ minnu natala i ma, wo ye sɛgila nde le ma.

Yaburi 94:10

Ale min bi sibole doinu tɔrɔla, a si to worɔ, a ma mala kun-tigi-karagbɛlɛnu tɔrɔ, wa? Ale min bi mɔgɛ bɛɛ karanna, hɛnkili sa ale bolo, nyɛ?

Hɛnkilimaya-Kumɛnu 15:10

Min bi kila-latelennɛ bolokala, wo si makololi-belebele sɔrɔn. Ni min ya a kan-kɔ sɔ kawandili-kan la, a ti siyi labɔ.

Hɛnkilimaya-Kumɛnu 15:32

Ni min ye a kan-kɔ sɔla latelan la, wo tigi ma di a nyɛrɛ ye kɔnɔ ni min sɔnta labilɛ ma, wo tigi si ko nya-yen.

Hɛnkilimaya-Kumɛnu 22:15

Kun-takolonyɛ ye dennɛ le bolo ma kɔnɔ ni i ya a lasanfan bosɛ la, a si kun-takolonyɛ wo boloka.

Aiseya 26:16

Mari, i wara ita mɔgɛnu tɔrɔ nun, anu kɔndɔfilinɛ wati min, anu ya i matara wɛwɛ rɔ.

Yɛrɛmaya 10:24

Mari, ila mɔgɛnu natelen ita telenbagayɛ la. Kɔnɔ i kana ma tɔrɔ ita fondo-bɔɛ la. Ni i ya wo ma, ma wara-koe si ka-a-la.

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Yɛrɛmaya 31:18

Mari ko a ara Isirɛla mɔgɛnu karanton-kan lamɔɛn. Anu bi a fɔla ko, “Mari, i wara ma tɔrɔ, ado ma ara hɛnkili sɔrɔn. Ma mani de nun iko ninki-den-kolobɛlɛ. Ta ma la ma warɛ. Ma si sɛgi i ma. Tonya-bɛrɛbɛrɛ, mata Mari Alla le ile la.

Yɛrɛmaya 7:28

Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Sɛfanaya 3:2

Yerusalɛm kɛnu sa anu tole masɔla Mari la. Anu ti sɔn ka kolo a ma. Anu ma anu yigi sa Mari rɔ. Anu ti a matara anu dɛnbɛn-koe la.

Matiyu 25:7

Sunkurun tan kundenta ka anuna lɛnpunu tabɛn.

Yɔni 2:17

Ala karan-dannu ya anu yili to Allata kitabu ko bawo a sɛbɛnɛ ko, “E, Alla, ila bɔnla hɔn-koe ye n mintanna iko tɛ.”

Romu 12:11

Wo ni wola wɔlɛ kɛ bɛrɛkɛ! Mɔgɔ kana tinya-mansayɛ kɛ. Wo ni wɔli Mari ye wo yisi bɛɛ la sewɛ rɔ.

1 Kɔrɛnti 11:32

Mari ye ma kitila ka ma tɔrɔ kaka alako mabɛ dɛnkɛninyabɛlɛnu kana halaki ma nyɔgɔn fɛ kiti-tɛgɛ-lunyɛ.

2 Kɔrɛnti 6:9

Ma malɔnnɛ wole bolo kɔnɔ ma malɔnni ma donu bolo. Ma ye saya-masibɛ kɔrɔ kɔnɔ yaga, ma ye ma niyi la. Hali ma tɔrɔnɛ, ma fagani ma.

2 Kɔrɛnti 7:11

Alla ya a ma, wo yisi lafinta min kɛ, wo ni a mafɛlɛn a ya wo dɛnbɛ nya min. Wo ara wo ma sɛbɛna-mɔgɛnu na gbɛ! A sɔgɛ ya wo bira ka a yira ko sɔn sa wo la! Wo diminyara kati, ado wo kilanta bawo wo ya ko-yogomɛ le ma. N yen-sɔgɛ ya wo bira. Nta hɔnyɛ ya wo bira fanan. A di wo ye ka ko-yogoma-kɛlɛ wo tɔrɔ! Wo ya a lagbɛ ko fɛɛ sa wo la kɛ fenfen tɔ.

Kalesiya 4:18

Nba, ka wo tole masɔ ko-nyimɛ la, wo kin. N bi wo fɛ wo, n sa wo fɛ wo, a bɛnta, wo ni to wo tole masɔla ko-nyimɛ la tolon!

Tɔn-Fɔɛ-Fila-Nyɔgɛ 8:5

Wo ni a lɔn fanan yati, ko Mari Alla si wo kolo iko wo fanu si wo makolo nya min.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

Lankɛnimayɛ 2:5

Wo buinɛ ka bɔ kan min, wo hɛnkili ni to wo ko de! Wo ni wo kɛ-nya yɛlɛma. Wo ya kɛwɔli minnu kɛ fɔlɔ-nun, wo ni wonu kɛ tun. Ni wo ma wo kɛ-nya yɛlɛma, n si na ka wola lɛnpu-sigi-fan bɔ a gbɛ rɔ.