Lankɛnimayɛ 3:18 - ALLALA KUMƐ

¹⁸ Nba, n bi wo makawandila ko wo ni sɛnɛ-nyimɛ san n ma alako wo ni ma nɔnfulu-tigi-bɛrɛ la. Wo ni duruku-gbɛ fanan san n ma alako wo ni wo nyɛrɛ rabɛn ka wola gbu-makolonyɛ yamatogon, ado miliya-koe le wo la. Wo ni bɛsɛ do san n ma fanan min si kɛ wo yɛnu ma woletɔ wo si fen yen.

Lankɛnimayɛ 3:18 ပူးပေါင်းရင်းမြစ်များ

Yaburi 107:11

bawo anu murutiyara. Anu ma sɔn Alla Sɛnbɛ-Bɛɛ-Tigita kumɛnu birala. Anu ya anu ban ata kawandili la.

Yaburi 16:7

N si Mari tanto bawo a ara n makawandi-nyimɛ kɛ. Hali suyi rɔ, a si kuma n yisi rɔ.

Yaburi 32:8

Mari ko mɔgɛ ye bilala kilɛ min fɛ, a si a karan wo ma. A si a labila ka a makawandi, ado a si a kumafɛlɛn.

Yaburi 73:24

I ye n nabila-kilɛnu sala n kɔrɔ. Tɔ-a-la, i si n matɔgɔ ka n sɛnibɔ Arinyɛni tɔ.

Hɛnkilimaya-Kumɛnu 1:25

Wo ara wo ban nna makawandili-nyimɛ kɛnu na. A ma di wo ye, n ni wo latelen mumɛ!

Hɛnkilimaya-Kumɛnu 1:30

Tele-kelen-bɛrɛni, wo ma nna makawandili-nyimɛ manyinika. N ba wo latelen wati min, wo ti wo tole masɔ n na muk!

Hɛnkilimaya-Kumɛnu 19:20

Ni i tara i tole masɔ kawandili-kan la ka a bira, lunyɛ do, fɔ i wa ma hɛnkilimɛ la.

Hɛnkilimaya-Kumɛnu 23:23

Tonyɛ wo, karan wo, hɛnkilimayɛ wo, hali i wa fen bɔ alako ka wonu sɔrɔn, wo kin. I kana wonu felen fenfen na.

Makawandili Kumɛnu 8:2

Mansɛta kumɛnu to a gbɛ rɔ ka a tɛgɛ wo ara lanyiri min kiri ale mansɛ ye Alla yala.

Aiseya 47:3

Mɔgɛnu si i makolɔn yen. I si miliya anu yala.” Mari ko a si a tayili sara i la. A ti kinikini mɔgɔ-wo-mɔgɔ ma ile Babilɔn soe burɔ.

Aiseya 55:1

Mari ko ni minnu kan lagbalanɛ, wonu ni na anu min. Ni wodi sa minnu bolo, wonu ni na dɔn-fen bi tinɛ. Wo ni na nonɛ anubɛ min-kɛ-fan min, wo ti fenfen bɔ.

Yɛrɛmaya 13:26

Ile Yerusalɛm kɛnu, Mari ko a si wola kurɛ wusɔn wo kun na. Bɛɛ si wo lakolɔn yen. Wo si miliya.

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Maika 1:11

“Sefira soe wo tɔgɔ-kɔrɛ mani de iko ‘nyagalen.’ Anu tenbi tala nyɔ-mɔgɛnu na, anu si ta anu mɛlannu na. Anu kɔgɔrɔyɔlɛ si ta miliyɛ bolo. Seyanan soe wo tɔgɔ-kɔrɛ mani de iko ‘bɔ yan.’ Nyɔ-mɔgɛnu ti sisi bɔla soe kɔma kilan bolo. Bɛti-Isili soe wo tɔgɔ-kɔrɛ mani de iko ‘kan-tina-latankanɛ.’ Wo wa soe wo mɔgɛnu wɔrɔndɔ-kan lamɔɛn tumɛ min, wo ni la a la ko mɔgɔ ti ta nyɔ-kisi-koe la worɔ.

Nehami 3:5

Mari Sɛnbɛ-Bɛɛ-Tigi ko a si ile Ninɛfa soe tɔrɔ. A ko a si ile Ninɛfa lakolonya alako duninya ni i lakolɔn yen.

Malakayi 3:3

A si kiti sa a kilɛ fɛ iko siyaki min bi wodi-gbɛ laleela ka a bɛrɛ bɔ a boe yala. Iko siyaki ye sɛnɛ anubɛ wodi-gbɛ sɛninyala nya min, Mari si saraka-masɔlɛnu fanan sɛninya wo nya na le. Woletɔ saraka-masɔlɛ wonu si ke saraka-hakikɛnu bɔla Mari ye.

Matiyu 13:44

Yisa ko, “Alla min bi Arinyɛni tɔ, ata mansayɛ mani de iko nɔnfuli min dogonnɛ gbɛkole do rɔ. Kei do ya a yen ka a yamatogon tun. A sewara kati! A tara a bolo-fan bɛɛ feri. Wo kɔma, a sɛgira ka gbɛkole wo san.”

Matiyu 25:9

“Hɛnkilimɛnu ya anu yabi ko, ‘Ade, a ti a bɔ ma dama bolo wona. Wo ta a ferelɛnu bara ka do san wo nyɛrɛ ye.’

Luka 12:21

Yisa ko, “Min bɛɛ ye nɔnfuli ladɛnna anu nyɛrɛ ye, a ye wo nya na le wonu ye fanan. Kɔnɔ nɔnfulu-tigi ma anu na Alla yala.”

2 Kɔrɛnti 5:3

Ni wonu bilanɛ ma kan na, ma gbu-makolɔn ti taran worɔ.

2 Kɔrɛnti 8:9

ado wo ya ma Mari Yisa, Allata-Mɔgɔ-Yabɔnɛta hinɛ lɔn. Nɔnfulu-tigi-ba le ale la nun kɔnɔ a ya a nyɛrɛ ma bolo-kolɔn la wolela ko la. A ya wo ma alako ala bolo-kolonyɛ ni wo ma nɔnfulu-tigi la.

1 Timoti 6:18

I ni anu makawandi ko anu ni ko-nyimɛ kɛ anuna wodi rɔ. Anu ni ma nɔnfulu-tiginu na anuna kɛwɔli-nyimɛnu tɔ. Anu fanan ni foninsereyɛ kɛ ka mɔgɛnu kɔ.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

Lankɛnimayɛ 16:15

Mari ko, “Wo ni wo tole masɔ! N bi nala wo latɛrɛnala iko kankan! Mɔgɔ-sewanɛ le wo tigi la min bi kila a ya la ka ala kurɛ makandan alako a lakolɔn kana na to tagamana miliyɛ bolo!”)

Lankɛnimayɛ 19:8

Mɔgɛnu sɔnta ko kɔɛn-kurɛ ni a nyɛrɛ fɛrɛya bɔ linɛn-kura-hakika-sɛninyanɛ la.” (Linɛn-kura-nyimɛ wo, Allata mɔgɛnuna kɛwɔli-nyimɛ-misalɛ le wo la.)

Lankɛnimayɛ 2:9

N ya wole Simirina-chɔchi-mɔgɛnuna tɔrɔyɛ lɔn. Bolo-kolɔn le wole la kɔnɔ nde ya wo lɔn nɔnfulu-tigi-bɛrɛbɛrɛ le la! Donu bi a fɔla ko Yahudiya le anu na wola chɔchi burɔ kɔnɔ anu foni. Wonu bi kuma-yogomɛ min bɛɛ fɔla wo ma, n bi wo bɛɛ kalama. Setanɛta kurɔn le wonu na.

Lankɛnimayɛ 3:17

Wo ye wo kɔgɔ rakala ko nɔnfulu-tigi le wole la. Wo ko wola nɔnfuli ara wara. Wo ko wo makoe ye min bɛɛ la, wo ye wo bolo. Kɔnɔ wo makinikininɛ nya min wo, wo tɔrɔnɛ nya min wo, wo ma wo lɔn feu! Wo bolo-kolɔn gbɛ! Wo fiyonyanɛ. Kura sa wo ma.

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.

Lankɛnimayɛ 7:13

Kɛmɔgɔ kelen ya n manyinika ko, “Duruku-yan-gbɛ ye mɔgɛ minnu kan na wo la, yon bi wonu na? Anu bɔnɛ mi?”