Lankɛnimayɛ 3:10 - ALLALA KUMƐ

¹⁰ N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

Lankɛnimayɛ 3:10 ပူးပေါင်းရင်းမြစ်များ

Aiseya 24:17

Bɛɛ ni a tole masɔ n na. Kumakɔ-gbansan de wo yarɔ. Gbɛrɛ sufa bɛɛ lasiginɛ wo ye ka wo makɔni.

Daniyɛli 12:10

Hɛnkili ye minnu na, wonu si anu kɛ-nya latelen kɔnɔ mɔgɔ-karagbɛlɛnu ti ko-wo-ko nya-yen kɛ rɔ fɔ ka to anuna karagbɛlɛyɛ kun na tolon!

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Matiyu 24:14

ado Allala mansaya-kibara-nyimɛ kɛ kawandilɛ si bɔ duninya kan-tinɛ bɛɛ rɔ alako a ni ma sereyɛ la mɔgɛ bɛɛ ye. Nba, ala ban si ke worɔ.

Matiyu 26:41

Wo ni ki wo ya la ka Alla madiya. Woletɔ nyankankantan wa na, hakɛ kana wo nɔ. Wo sɔn kɛndɛ wo burɔ kɔnɔ wo fɛrɛ-bɔnkɛ ti ko-wo-ko nɔ.”

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Maraka 14:9

Nba, wo ni wo hɛnkili to kɛ ko! Kibara-nyimɛ kɛ kawandilɛ wa bɔ duninya kan tinɛ min bɛɛ rɔ, musi kɛ ara min kɛ, mɔgɛnu si wo fɔ alako wo si to mɔgɛnu yili ma nya min.”

Luka 2:1

Kun-tigi-ba Ɔgasita min bi Romu nyamanɛ kun na, wo wati rɔ, a ya tɔn sigi ko ala nyamanita-mɔgɛ bɛɛ tɔgɛ ni sɛbɛ.

Yɔni 17:6

“I ya mɔgɛ minnu di n ma duninya kɛ rɔ, n bara a ma, wonu bara i lɔn. Itɛ le anu na kebi fɔlɔ kɔnɔ i ya anu di nde ma. Anu bara ila kumɛ bira.

Romu 1:8

A dabira fɔlɔtɛ, n bi baraka birala n Fa Alla ye wo damala ko la Yisa Kirasiti tɔgɔ rɔ bawo duninya bɛɛ ye wola dɛnkɛninya-koe lamɔɛnna.

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.

Ɛfɛsa 6:13

Woletɔ fɔ wo ni Allata kɛlɛ-kɛ-miran kɛnu bi kaka, ado wo kɛlɛ-tele wa ke tumɛ min, wo si ke ka wo yoge kɛlɛ ka a nɔ. Wo wa ban kɛlɛ kɛla tumɛ min, wo sɔnɛ si to wo gbɛ rɔ gben!

2 Timoti 2:12

Ni ma tora ma munyuna, ma si kun-tigiyɛ kɛ a fɛ fanan. Ni ma ya ma ban a la, ale fanan si a ban ma la.

Yemesi 3:12

Toro-kuri ti ke gbɔla mankore la. Nɔnbɛ ti ke gbɔla tore la. Kɔgɔ-yi fanan ti ke yi-diyamɛ labɔla.

1 Pita 4:12

N diyana-mɔgɛnu, wo ye tɔrɔya-belebele min sɔrɔnna kɔrɔbɔlɛ rɔ, wo kana kawa wola ko la. Ko-kura ma wo la iko min nyɔgɔn ma duri kɛla.

2 Pita 2:9

A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 11:10

Duninya-mɔgɛ bɛɛ si sewa nɛbi filɛ wonu faga-koe la. Anu si nyagalen ka anu nyɔgɔn sanba bawo nɛbi filɛ wonu ya tɔrɔya-ba lana duninya-mɔgɛ bɛɛ kuma.

Lankɛnimayɛ 13:10

Min si ma yɔɔn la, wonu si ma yɔɔn la serr! Min si faga, wonu si faga serr! Allata mɔgɛnu ni anu munyu ka to dɛnkɛninyɛ rɔ koe kɛ bɛɛ rɔ.)

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 14:12

Allala mɔgɛnu ni anu munyu, ado anu ni to Allala tɔnnu birala ka lanayɛ kɛ Yisa ye.

Lankɛnimayɛ 14:6

Wo kɔma, n ya melika-gbɛrɛ yen firifirila san ma pon! Habadan-kibara-nyimɛ ye a bolo a ye nala min fɔla duninya-mɔgɛ bɛɛ ye, a sibole bɛɛ anubɛ a bɔnsɔn bɛɛ anubɛ a mɔgɔ-su bɛɛ iko anuna kan faranɛ nya min.

Lankɛnimayɛ 16:14

Nyina-yoge le wonu na minnu duruta kabana-koenu kɛla. Nyina sawɛ wonu bi tala mansɛnu bara dugu-kole kan tinɛ bɛɛ rɔ ka mansɛ wonu madɛn kɛlɛ-kɛ-koe la Alla Sɛnbɛ Bɛɛ Tigi ka ma wo tele rɔ. (

Lankɛnimayɛ 17:2

Mansɛnu bara yɛlɛnyɛ kɛ musu-yɛlan wo fɛ, ado mɔgɛ bɛɛ ara ma gbɛɛtoe la ala yɛlɛnyɛ bolo.”

Lankɛnimayɛ 17:8

I ya sogo-feremɛ min yen, wo kɛndɛ le nun kɔnɔ a ara faga, bi ko ma! Alla si a furi layɛlɛ ka bɔ denka-dan-yenbɛlɛ rɔ. A si a halaki. Kɔnɔ minnu tɔgɔ sɛbɛni ma nimaya-kitabu rɔ, yanni duninya da ni bira, wonu ba sogo-feremɛ wo yen tumɛ min, anu si kawa. Sogo-feremɛ wo kɛndɛ nun kɔnɔ a ara faga. Kɔnɔ sogo-feremɛ wo si bɔ gbɛ rɔ tun!

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 3:8

N ya wola wɔli-nyimɛ lɔn. N ya a lɔn ko sɛnbɛ ye wo bolo doni. Wo ara bila nna karan fɛ ka lanayɛ kɛ n ye. N bara dɛ laka wo yarɔ, mɔgɔ-wo-mɔgɔ ti ke min natogonna.

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”

Lankɛnimayɛ 8:13

Nba, n ya n yɛ layɛlɛ. N ya kokɛ-kan lamɔɛn firifirila san ma pon! A kumara kan-wɛ la ko, “E, gbalo! E, gbalo! Melika sawɛ min tonɛ, wonu ba anuna burinu fɛ tumɛ min, a si ma gbalo-wɛ la bɛɛ ye minnu siginɛ dugu-kole kuma.”