Lankɛnimayɛ 22:6 - ALLALA KUMƐ

⁶ Wo kɔma, melika ya a fɔ n ye ko, “Kumɛ kɛnu, tonyɛ le. Mɔgɛnu si la wonu na. Mari Alla min ya ata Ni-Sɛnimɛ di nɛbinu ma, wo le ya ala melika sɔ ala wɔli-kɛlɛnu ma ka koe wonu yira anu na minnu bi nala mala tiriya!”

Lankɛnimayɛ 22:6 ပူးပေါင်းရင်းမြစ်များ

Ko-Dabirɛnu 41:32

I kiyora ko filɛ minnu na kɛ la, Alla ara ban a latɛgɛla. A sa mɛla tun kiyo kɛ damasi kɔrɛ si bɔ-a-la.

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Daniyɛli 6:22

Nta Alla ara ata melika lana ka yarɛ kɛnu dɛ makiri alako anu kana ko ma n na. A ya kɛ ma le bawo n ma ko tinya, ado n ma ko-yogoma ma i la.”

Matiyu 13:41

Mɔgɛ minnu bi donu sɔla hakɛ-kɛ-tinɛ anubɛ min bɛɛ ye ko-yogomɛ kɛla, nde, Hadama-dan si nta melikanu sɔ wonu nadɛn tinɛ ka anu nabɔ nta mansayɛ rɔ.

Luka 1:70

Alla ya lanyiri kiri ala fɔlɔ-nɛbi-sɛnimɛnu baraka rɔ ko

Luka 16:16

“Alla ya tɔn minnu di Musa ma wo, nɛbinu ya kɛdi minnu sɛbɛ wo, mɔgɛnu bi anu tole masɔla wonu na nun ha Yɔni-Batasi-Kɛlɛta wati ma. Kɔnɔ kebi wo tumɛ, mɔgɛnu bi anu tole masɔla Allata mansaya-kibara-nyimɛ la. Mɔgɛ bɛɛ ye a rayala ka don a rɔ.

Kɛwɔlɛnu 12:11

Wo kɔma, min bara ma Pita la, a ya a miri wonu ma. A ko, “N bara a lɔn gbɛ serr, ko tonyɛ le! A sɔgɛ ye Yahudiyanu na ka min sigi n ma nun, Mari ara ala melika sɔ ka n tanka anubɛ Yahudiyanu masibɛ ma.”

Kɛwɔlɛnu 3:18

Kebi fɔlɔ, Alla ya a fɔ ala nɛbi bɛɛ baraka rɔ ko fɔ Allata-Mɔgɔ-Yabɔnɛ ni tɔrɔ, ado wo ara bɔ-a-la ka le.

Romu 1:2

Alla ya kibara-nyimɛ min lanyiri kiri, wo sɛbɛnɛ ata kitabu rɔ ala nɛbinu bolo.

1 Kɔrɛnti 14:32

Allala-kuma-fɔɛ dinɛ minnu ma, wonu ni anu nyɛrɛ bira

1 Kɔrɛnti 7:29

N na-kelen-nyɔgɛnu, n bi min ma, wo le kɛ la. Wati ma yan tun. Ka a bi bi ma, musu-tiginu ni to iko musu sa minnu bolo.

2 Tɛsalonaika 1:7

Wole minnu tɔrɔnɛ, a si sulen di wole anubɛ male fanan ma. Mari Yisa wa na tumɛ min, anubɛ ata melika-sɛnbɛmɛnu, ale Alla si wo tɔrɔlɛnu tɔrɔ

Hiburunu 12:9

Ma fa minnu bi duninya kɛ rɔ, wonu bi ma kolola, ado ma ye wonu gbiliyala. Ni ma ye wonu gbiliyala, ma fa min bi Arinyɛni tɔ don? A fisa, ma ni ma famayigi wo kɔrɔ alako ma si ni-bɛrɛ sɔrɔn nya min.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.

2 Pita 3:2

Nɛbi-sɛnimɛnu ya kumɛ minnu fɔ kebi fɔlɔ, n bi a fɛ, wo ni wo hɛnkili to wonu ko. Tɔn minnu bɔra mata Kisilɛ anubɛ Mari bolo fanan, wo hɛnkili ni to wonu bɛrɛn ko. Kilayɛnu ya wonu natenbi wo ma.

Lankɛnimayɛ 1:1

Yisa, Allata-Mɔgɔ-Yabɔnɛ ya koe minnu yira, wonu denu sɛbɛnɛ kitabu kɛ rɔ. Alla le ya wonu di a ma alako koe minnu ti mɛ nala, a ni wonu yira Allata wɔli-kɛlɛnu na, ado Kirasiti ya ala melika sɔ ka ala wɔli-kɛla Yɔni lalɔn-koe wonu na.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 19:9

Wo kɔma, melika ya a fɔ n ye ko, “Kɛ sɛbɛ. Mɔgɔ-sewanɛ le wonu na minnu kelenɛ saga-danta kɔnyɔ-masɔ-ladiyɛ wo rɔ.” Nba, melika ya a fɔ tun ko, “Allala-tonya-kumɛ le kɛnu na.”

Lankɛnimayɛ 21:5

Wo kɔma, min mayiginɛ mansaya-sigi-fan rɔ, wo ko, “Nba, kaka, n bi fan bɛɛ mala a kurɛ la!” A ya a fɔ n ye fanan ko, “Kɛ sɛbɛ bawo kumɛ kɛnu, tonyɛ le. Mɔgɛ si la wonu na le feu!”

Lankɛnimayɛ 21:9

Pani-kunba wɔrɔnfilɛ minnu nafanɛ fitina labannu na, wonu bi melika wɔrɔnfilɛ minnu bolo nun, wo kelen nara n bara. A ko, “Na, n ni kɔnyɔ-kurɛ yira i la, saga-danla musi, kɔni.”

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”

Lankɛnimayɛ 22:7

Yisa ko, “Wo ni wo tole masɔ! N bi nala tiriya! Minnu bi kitabu kɛta wɔlɔyiya-kumɛnu birala, mɔgɔ-sewanɛ le wonu na!”

Lankɛnimayɛ 4:1

Wo kɔma, n ya Arinyɛnɛ dɛ-lakanɛ yen ko-rayirɛ rɔ. N ya kuman-kan min namɔɛn fɔlɔn, min manɛ iko buru-fɛ-kan, wo ya a fɔ n ye ko, “Yɛlɛ yan tɔ. Koe minnu si na ma yarɔ, n ni wonu yira i la.”