Lankɛnimayɛ 22:5 - ALLALA KUMƐ

⁵ Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!

Lankɛnimayɛ 22:5 ပူးပေါင်းရင်းမြစ်များ

Yaburi 36:9

Niyi-bɛɛ-kunyɛ bɔra ile le bolo. Ka a tɛgɛ ita waan wo ma, wo le ye a mala fanan, ma ye ko ragbɛla.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

Aiseya 30:26

Wulɔn karɛ si gbɛ iko tele, ado wulɔn tele, waan si ma iko tele wɔrɔnfila tele ye nya min. Mari sɔnta ala mɔgɛ minnu tanban-koe ma, a si wonu dandan wulɔn-tele rɔ.

Daniyɛli 7:18

Kɔnɔ tɔ-a-la, Alla Min Bi Fan Bɛɛ Kun Na, wola mɔgɔ-sɛnimɛnu si duninyama-kun-tigiyɛ sɔrɔn, ado wo ti bɔ anu bolo muk!’

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Sakaraya 14:7

Pinpi ti burun wo ma. Su-ni-tele, wan le rakanɛ waran! Mari kelen pe le ya kɛnu ma-wati lɔn.

Matiyu 19:28

Yisa ya a fɔ anu ye ko, “Wo ni wo hɛnkili to kɛ ko! Dali-kurɛ wa ke tumɛ min, nde, Hadama-dan wa sigi nta mansaya-waganɛ gbiliyanɛ rɔ, wo tan-ni-filɛ bɛɛ si wo sigi mansaya-sigi-fannu tɔ ka Isirɛla bɔnsɔn tan-ni-filɛ kiti tɛgɛ,

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 25:46

“Nba, wonu si ta habadan-tɔrɔyɛ rɔ kɔnɔ telenbagɛnu si ta habadan-nimayɛ rɔ.”

Romu 5:17

Tonyɛ le, ka a tɛgɛ mɔgɔ kelan wola hakɛ ma, sayɛ ya mansayɛ kɛ ma kuma. Kɔnɔ Yisa, Allata-Mɔgɔ-Yabɔnɛ ya min ma, wonubɛ kɛ ti sanka anu nyɔgɔn ma. Male ara Allala hinɛ sɔrɔn Yisa baraka rɔ, ado a ya ma sanba telenbagayɛ la fanan. Woletɔ Kirasiti baraka rɔ, male si nɔ-ko sɔrɔn hakɛ ma.

2 Timoti 2:12

Ni ma tora ma munyuna, ma si kun-tigiyɛ kɛ a fɛ fanan. Ni ma ya ma ban a la, ale fanan si a ban ma la.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 18:23

Hali lɛnpu-waan fenfen ti yen a rɔ tun. Kɔɛn-kura-tolon ti kɛ ale soe wo burɔ tun. Sɛnbɛ ye ala yilanu bolo duninya kan tinɛ bɛɛ rɔ nun, ado a ya duninya-mɔgɛ bɛɛ yanfa ala foninya-duriyɛ la!”

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.

Lankɛnimayɛ 21:11

A ye malan-malanna Allala gbiliyɛ bolo. Soe wo ye malan-malanna iko kuru-da-gbɛlɛ min tɔgɛ yasipa. A gbɛnɛ iko daimon.

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.