Lankɛnimayɛ 22:2 - ALLALA KUMƐ

² A ye yigila soe tɛma den! Nimaya-kɔlɔmanu bi bɛ wo tɔnkɔn bɛɛ rɔ. Anu bi gbɔla kinyama tan-ni-fila san kɔrɔ. Anu yanba-kunyɛnu bi sibolenu nakɛndɛyala.

Lankɛnimayɛ 22:2 ပူးပေါင်းရင်းမြစ်များ

Ko-Dabirɛnu 2:9

Kɔlɔma su bɛɛ minnu kin, ado anu gbɔɛ si dɔn, Mari Alla ya wonu nafɛrɛn nakɔɛ wo rɔ. Kɔlɔma fila ye nakɔɛ wo tɛma nun, “Nimaya-Kɔlɔma” anubɛ “Ko-Nyimɛ-anubɛ-Ko-Yoge-Lɔn-Kɔlɔma.”

Yaburi 147:3

A si yisi-kimɛ di mɔgɔ-yisi-tinyanɛnu ma ka anuna tɛlɛnu makiri.

Hɛnkilimaya-Kumɛnu 3:18

Minnu bara ma hɛnkilimɛnu na, wonu bara sewa. Ni minnu ya wo sɔrɔn, a si simayɛ di wo tigi ma.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Yɛrɛmaya 17:14

Mari, ni i ya n nakɛndɛya, wo tenbira lakɛndɛyɛ bɛɛ la. Ni ile ya n nakisi, wo tenbira lakisiyi bɛɛ la. Mari, n bi ile le kelen pe matɔgɔla.

Isikiyɛli 47:1

Ko-rayirɛ wo rɔ, kei wo sɛgira n na Bato-Bɔn don-dɛ la. Yi ye bɔla don-dɛ kɔrɔ ka yigi tele-bɔɛ wara la, Bato-Bɔn yɛ lamununnɛ kan min, kɔni. Yi wo kunyɛ ye Bato-Bɔn dugula wara la le. A ye tenbila saraka-mintan-tinɛ dugu la wara la.

Hoseya 14:4

Mari ko, “N si wole nta mɔgɛnu gbɛrɛn n ma tun ka wo makoto wola lanayabɛlitayɛla ko la. N si wo keni n yisi bɛɛ la, ado n ti kɔrɔtɔ wo ma tun!

Sakaraya 14:8

Wo wati wa ke, yi-kura si dugi punsɔgɔ Yerusalɛm soe burɔ ka fara fila la. A tɔnkɔn doi si ta a labila Dalɛ Faganɛ ma. A tɔnkɔn doi fanan si ta a labila Mɛdetereniyan kɔgɔ-yi ma. Sama, telema, a ye yigila le dɛɛ!

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’

Lankɛnimayɛ 21:21

Kɔnɔ-kolo-da-gbɛlɛ, wonu denu nadannɛ a da tan-ni-filɛ wonu na. Da wo kelen-kelennamɛ-bɛɛ ladannɛ kɔnɔ-kolo-da-gbɛlɛ kelen-kelennamɛ-bɛɛ la. Soe wo kilɛ ladannɛ sɛnɛ-hakikɛ le la. A gbɛnɛ iko daimon.

Lankɛnimayɛ 21:24

Sibolenu si tagama ata waan rɔ. Duninya-mansɛnu si na a sanba ka bɔ anuta nɔnfulinu tɔ.

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.

Lankɛnimayɛ 22:19

Nba, ni mɔgɔ-wo-mɔgɔ ya do bɔ kitabu kɛta wɔlɔyiya-kumɛnu na, Alla si atɛ bɔ nimaya-kɔlɔma-gbɔɛ-sɔrɔn-koe rɔ. A bɛnta, a ni min sɔrɔn so-sɛnimɛ wo burɔ minna koe fɔnɛ kitabu kɛ rɔ, a si foo wo bɛɛ la.