Lankɛnimayɛ 22:18 - ALLALA KUMƐ

¹⁸ Min bɛɛ ye kitabu kɛta wɔlɔyiya-kumɛnu namɔɛnna, nde, Yɔni ye wonu makawandila bɛrɛkɛ! Ni mɔgɔ-wo-mɔgɔ ya do sa wonu kuma, fitinɛ minnu fɔnɛ kitabu kɛ rɔ, Alla si tɔrɔyɛ wonu sa wo tigi kuma.

Lankɛnimayɛ 22:18 ပူးပေါင်းရင်းမြစ်များ

Hɛnkilimaya-Kumɛnu 30:6

Mɔgɔ kana fen sa Allata kumɛ kuma. Ni min ya wo ma, a si wo makuma, ado mɔgɛnu si tɛgɛ a rɔ.”

Saraka-Masɔlɛnuta Tɔnnu 26:18

“Hali n bi kɛ dama mala wo la, ni wo ma nna sereyanu natɔnbagaya, n si wo tɔrɔya ka tenbi a fɔlɔtɛ la.

Saraka-Masɔlɛnuta Tɔnnu 26:28

n fonde si bɔ wo kuma ka tenbi a nani nyɔgɛ wo la.

Saraka-Masɔlɛnuta Tɔnnu 26:37

Hali mɔgɔ sa wo kɔma, wo si to wo kiannu nakɔla wo nyɔgɛ na ka bui buri-kɛ-tinɛ. Wo yoge minnu bi wo sagaranna, wo ti ke wonu kɛlɛla.

Matiyu 15:13

Yisa ya anu yabi ko, “N Fa min bi Arinyɛni tɔ, ale ma fan min ki, a si wo bɛɛ wurun.

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!

1 Tɛsalonaika 4:6

Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.

Lankɛnimayɛ 1:3

Mɔgɔ-sewanɛ le wo mɔgɛ la min bi kitabu kɛ karanna. Mɔgɔ-sewanɛ le wonu na minnu bi anu tole masɔla wɔlɔyiya-kumɛ kɛnu na anubɛ min sɛbɛnɛ kitabu kɛ rɔ ka wonu bira, ado koe kɛ bɛɛ kɛ-tumɛ ara gbɛrɛn.

Lankɛnimayɛ 15:1

Wo kɔma, n ya kabana-ko-makawani-gbɛrɛ yen Arinyɛni tɔ. Melika wɔrɔnfila ye nyɔ anubɛ anuna fitina wɔrɔnfilɛ. Fitina laban le wonu na bawo Allala diminyɛ da si fa wonu denu na.

Lankɛnimayɛ 15:6

Fitina-laban wɔrɔnfilɛ ye melika wɔrɔnfilɛ minnu bolo, wonu bɔra Alla-Bato-Bɔn wo la. Anu fɛrɛya bɔnɛ linɛn-kura-gbɛmɛ-sɛninyanɛ la. Butɛ-kiri-fan min nadannɛ sɛnɛ la, wo kirinɛ anu kɔgɔ-dɛ ma.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 22:10

A ya a fɔ n ye fanan ko, “I kana wɔlɔyiya-kumɛ kɛnu ma gbundu-koe la bawo koe kɛ bɛɛ kɛ-tumɛ ara gbɛrɛn.

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”

Lankɛnimayɛ 22:7

Yisa ko, “Wo ni wo tole masɔ! N bi nala tiriya! Minnu bi kitabu kɛta wɔlɔyiya-kumɛnu birala, mɔgɔ-sewanɛ le wonu na!”

Lankɛnimayɛ 22:9

Kɔnɔ a ya a fɔ n ye ko, “I kana wo ma de! Wobɛ i na-kelen-nyɔgɛ nɛbinu, ma wɔli-kɛ-nyɔgɛnu de ma nyɔgɔn na anubɛ min bɛɛ ye kitabu kɛta kumɛnu birala. I si Alla le dɔrɔn bato!”

Lankɛnimayɛ 3:14

“I ni kɛdi sɛbɛ ka a lata Leyodisiya-chɔchi-melika ma. “ ‘Nde tɔgɛ le Amina. N bi Allata tonya-bɛrɛ fɔla wati bɛɛ. Alla ya dali-fan bɛɛ dan ka a tɛgɛ nde le ma, ado nta kumɛ le kɛ la.