Lankɛnimayɛ 22:17 - ALLALA KUMƐ

¹⁷ Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.

Lankɛnimayɛ 22:17 ပူးပေါင်းရင်းမြစ်များ

Yaburi 34:8

I nyɛrɛ ni Marita nyimayɛ mafɛlɛn alako i ni a lɔn a kin nya min. Minnu natankanɛ a bolo, mɔgɔ-sewanɛ le wonu na.

Aiseya 12:3

Iko yi-kimanɛ si a diya don mɔgɔ kan-nagbalanɛ rɔ nya min, Allata mɔgɛnu bi sewala wo nya na le, a wa anu nakisi tumɛ min.”

Aiseya 2:3

Anu si na a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni. Ma si tagama nya min, Mari si wo yira ma la iko a ye nyinina a ma nya min. Marita karan si bɔ Yerusalɛm. A si kuma ata mɔgɛnu ye nyɔ le.’

Aiseya 2:5

Nba, wole Yakoba kegeyɛnu, Mari ye wan-takanɛ min dila ma ma, ma ni tagama wo rɔ.

Yɛrɛmaya 50:5

Anu si Yerusalɛm kilɛ manyinika alako anu ni bɔ nyɔ-kilɛ la. Anu denubɛ Mari si sarama-kan kiri anu nyɔgɔn tɛma min ti tinya muk!

Isikiyɛli 47:1

Ko-rayirɛ wo rɔ, kei wo sɛgira n na Bato-Bɔn don-dɛ la. Yi ye bɔla don-dɛ kɔrɔ ka yigi tele-bɔɛ wara la, Bato-Bɔn yɛ lamununnɛ kan min, kɔni. Yi wo kunyɛ ye Bato-Bɔn dugula wara la le. A ye tenbila saraka-mintan-tinɛ dugu la wara la.

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Yɔni 1:37

Ala karan-den filɛ, wonu ya a kan kɛ lamɔɛn min kɛ, anu bilara Yisa fɛ gbɛ!

Yɔni 4:10

Yisa ya a yabi ko, “Ni i ya Allata kɔ-fan lɔn nun anubɛ min bi i tarala yi ma, ile fɔlɔn si wo tara yi ma nun. A ni ni-bila-yi di i ma.”

Yɔni 4:11

Musi wo ko, “N fa, yi-bi-miran sa i bolo. Kɔlɔn don, wo rayan. Ni-bila-yi kɛ ye i bolo mi?

Yɔni 4:14

Kɔnɔ nde si yi min di mɔgɛ ma, ni wo ya wo min, a kan la ti gbala tun mumɛ! A ye wo nya le bawo n si yi min di a ma, wo si ma a burɔ iko tenke ka ma nimaya-yi la a ye. N si habadan-nimayɛ di a ma.”

Yɔni 4:29

“Wo na kei do yen min bara n wara-koe bɛɛ fɔ n ye. Fɔsɔkɔrɛ Allata-Mɔgɔ-Yabɔnɛ le min bi nala ma kisi-koe la!”

Yɔni 7:37

Ladiya-tele wola ban, min bi a bɛrɛbɛrɛ-wɛ la, Yisa ya a lasɔ. A kumara a kulu-mayɛlɛnɛ la ko, “Ni min kan lagbalanɛ, a ni na nde wara ka a min.

Romu 3:24

Bɛɛ ara telen Alla ye ata keninteya-wɛ baraka rɔ. Sanbɛ le wo la mɔgɔ ti ke min sanna. Ma bɛɛ si na hɔrɔya hakɛ bolo Yisa, Allata-Mɔgɔ-Yabɔnɛ baraka rɔ.

1 Kɔrɛnti 2:12

ado Alla ya tonyɛ min bɛɛ di ma ma, ma ya wo nya-yen bawo Alla ya a nyɛrɛta Niyi di ma ma. A ma duninya kɛ niyi di ma ma.

Lankɛnimayɛ 14:13

Wo kɔma, n ya kuman-kan lamɔɛn bɔla Arinyɛni tɔ. A ko, “Kɛ sɛbɛ. Ka a dabira kaka ma, minnu bi fagala Marita wɔlɛ rɔ, mɔgɔ-sewanɛ le wonu na!” Allala Ni-Sɛnimɛ ya a labira, a ko, “Ɔnde. Anu si anu sulen anuna wɔlɛ ma sewɛ rɔ bawo anu bi barayi sɔrɔnna ka a tɛgɛ anuna wɔli-kɛ-nya ma.”

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’

Lankɛnimayɛ 21:2

Nba, n ya Yerusalɛm-So-Sɛnima-kurɛ yen yigila ka bɔ Arinyɛni tɔ Alla bolo. Soe wo makirinɛ, ado a rabɛnnɛ iko kɔɛn-kurɛ rabɛnnɛ nya min ala keila ko la.

Lankɛnimayɛ 21:6

Nba, a ko, “A ara ban! A fɔlɔtɛ anubɛ a laban le nde la, ado a dabirɛ anubɛ a kundɔn le nde la fanan. Mɔgɔ-wo-mɔgɔ kan lagbalanɛ, n si nimaya-tenke-yi di wo ma min sɔnkɔ sa.

Lankɛnimayɛ 21:9

Pani-kunba wɔrɔnfilɛ minnu nafanɛ fitina labannu na, wonu bi melika wɔrɔnfilɛ minnu bolo nun, wo kelen nara n bara. A ko, “Na, n ni kɔnyɔ-kurɛ yira i la, saga-danla musi, kɔni.”

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”