Lankɛnimayɛ 22:10 - ALLALA KUMƐ

¹⁰ A ya a fɔ n ye fanan ko, “I kana wɔlɔyiya-kumɛ kɛnu ma gbundu-koe la bawo koe kɛ bɛɛ kɛ-tumɛ ara gbɛrɛn.

Lankɛnimayɛ 22:10 ပူးပေါင်းရင်းမြစ်များ

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 8:16

Nna karan-dannu, Mari ya sarakanɛ minnu don n bolo, wo ni kumɛ wonu namara kan tinɛ do rɔ yanba ti yalan anu ma kan min.

Isikiyɛli 12:23

A fɔ anu ye ko wo Tigi Mari le kɛnu wara-koe fɔla wo ye. A fɔ anu ye tun ko n si tɔn sigi anuna sarandi-sɛ wo la. Mɔgɔ ti wo fɔ Isirɛla nyamanɛ rɔ tun. Wo kɔma, a fɔ anu ye ko anu bi min fɔla gbɛ anubɛ anu bi wɔlɔyiya-kumɛ minnu fɔla, anu kan ni bɔ a la ko-rayirɛ wo rɔ. Wo wati ara ke!

Daniyɛli 12:4

Melika kelan wo ya a fɔ n ye tun ko, “Daniyɛli, i ni buku kɛ dɛ gbalɔn ha duninyala-ban-wati. Kɛ-wati-mumɛ bɛɛ rɔ, mɔgɛnu si to yigi-ni-yɛlɛla hɛnkili-sɔrɔn-koe rɔ.”

Daniyɛli 12:9

A ya n yabi ko, “Daniyɛli, ta i ye bawo kumɛ kɛ si to gbundi rɔ ha watila ban.

Daniyɛli 8:26

“N bɔ-san sɔgɔma-ani-wurala-saraka bɔ-koe min takaranna i yala, ko-rayen wo si bɔ-a-la. Kɔnɔ i kana a fɔ mɔgɔ-wo-mɔgɔ ye. A to i hɛnkili ma bawo yanni kɛ damasi ni bɔ-a-la, a si mɛ fɔlɔn.”

Matiyu 10:27

N bi min fɔla wo ye pinpi rɔ, wo ni wo fɔ tun waan rɔ. Wo ara min namɔɛn n bolo dogɔn rɔ, wo ni wo fɔ gbɛ rɔ bɛɛ yala.

Romu 13:11

Ma ya a lɔn ma ye wati min tɔ kaka. Sɛbɛ-don-tumɛ ara ke. Ma ni kunden wona. Mala kisi-wati Alla bolo ara gbɛrɛn ka tenbi ma dɛnkɛninyara Yisa ma wati min.

Romu 13:12

Suyi-banmatoe le. Banda-ka-dɛ ara gbɛrɛn. Ma ni pinpirɔ-koenu boloka wona ka mala kɛlɛ-kɛ-mirannu bi ka Allata kɛlɛ kɛ wan-takanɛ rɔ.

2 Tɛsalonaika 2:3

Wo kana sɔn, mɔgɔ-wo-mɔgɔ ni wo yanfa kila-wo-kila fɛ. Yanni ma tigi ni na tumɛ min, mɔgɔ siyaman si anu kan-kɔ sɔ Alla la, ado ale min bi Alla kɛlɛla, ale fanan si bɔ gbɛ rɔ.

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”

Lankɛnimayɛ 1:3

Mɔgɔ-sewanɛ le wo mɔgɛ la min bi kitabu kɛ karanna. Mɔgɔ-sewanɛ le wonu na minnu bi anu tole masɔla wɔlɔyiya-kumɛ kɛnu na anubɛ min sɛbɛnɛ kitabu kɛ rɔ ka wonu bira, ado koe kɛ bɛɛ kɛ-tumɛ ara gbɛrɛn.

Lankɛnimayɛ 10:4

Anu banta kumala nya min wo, n bi a fɛ nun ka sɛbɛli kɛ. Kɔnɔ n ya kuman-kan lamɔɛn bɔla Arinyɛni tɔ. A ko, “San-sɛrɛn wɔrɔnfilɛ ya min fɔ, i kana wo sɛbɛ bɛ min na. Gbundu-koe le wo la. A mara fɔlɔn!”

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”

Lankɛnimayɛ 22:18

Min bɛɛ ye kitabu kɛta wɔlɔyiya-kumɛnu namɔɛnna, nde, Yɔni ye wonu makawandila bɛrɛkɛ! Ni mɔgɔ-wo-mɔgɔ ya do sa wonu kuma, fitinɛ minnu fɔnɛ kitabu kɛ rɔ, Alla si tɔrɔyɛ wonu sa wo tigi kuma.

Lankɛnimayɛ 22:20

Ale min bi koe kɛ bɛɛ sereyɛ bɔla, wo ye a fɔla ko, “Tonyɛ le serr! N bi nala tiriya!” Alamɛ a mara wo nya na le. Na, Mari Yisa!

Lankɛnimayɛ 22:7

Yisa ko, “Wo ni wo tole masɔ! N bi nala tiriya! Minnu bi kitabu kɛta wɔlɔyiya-kumɛnu birala, mɔgɔ-sewanɛ le wonu na!”

Lankɛnimayɛ 22:9

Kɔnɔ a ya a fɔ n ye ko, “I kana wo ma de! Wobɛ i na-kelen-nyɔgɛ nɛbinu, ma wɔli-kɛ-nyɔgɛnu de ma nyɔgɔn na anubɛ min bɛɛ ye kitabu kɛta kumɛnu birala. I si Alla le dɔrɔn bato!”

Lankɛnimayɛ 5:1

Ale min mayiginɛ mansaya-sigi-fan wo rɔ, n ya gbolo-lamininɛ yen a bolo-nyimɛ rɔ. A tɔnkɔn filɛ bɛɛ masɛbɛnɛ. A dɛ gbalɔnnɛ li-kɛɛn la dinkira wɔrɔnfilɛ.