Lankɛnimayɛ 21:3 - ALLALA KUMƐ

³ N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.

Lankɛnimayɛ 21:3 ပူးပေါင်းရင်းမြစ်များ

1 Mansɛnu 8:27

“Kɔnɔ n Mari Alla, duninya kɛ dɔgɔ i yala. Hali san-kole min kolo, wo ti a bɔ i ye. I si kun i Bato-Bon-nɛ kɛ la kama worɔ?

2 Ko-Kɔrɔta-Karan 6:18

“Kɔnɔ nta Alla, duninya kɛ dɔgɔ i yala bawo i ti ke sigila mɔgɛnu tɛma. Hali san-kole min kolo, wo ti a bɔ i ye. I si kun bon-nɛ kɛ la kama worɔ?

Bɔ-Koe-Iyipiti 25:8

“Wo kɔma, wo si Fani-Bon-sɛnimɛ do ladan n ye n si sigi wo tɛma kan min.

Bɔ-Koe-Iyipiti 29:45

N si sigi wole Isirɛla mɔgɛnu tɛma ka ma wota Alla la.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:38

Wo wa ma tumɛ min, a ko anu si ma ata mɔgɛnu na, ale si ma anuta Alla la.

Isikiyɛli 37:27

N si to anu fɛ burubukai! N si ma anuta Alla la. Anu si ma nta mɔgɛnu na.

Isikiyɛli 43:7

“Ile hadama-dan, nta mansaya-waganɛ le bɔn kɛ la. N si sigi yan Isirɛla mɔgɛnu tɛma ka to anu kun na yan tolon! Ka bɛsɛnu kɔ wo, ka anuna mansɛnu togon yan bara la wo, wo do-wo-do ti n tɔgɔ-sɛnimɛ lafɛya tun, a mara a Isirɛla mɔgɔ la wo, a mara a mansa la wo.

Isikiyɛli 48:35

Tarɛ wola foolɛ bɛnta mɛli wɔrɔ ma. Ka a dabira wati kɛ ma, soe kɛ si to kelela, ‘Mari ye yan.’ ”

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Sakaraya 8:8

a ko a si wo kundɛn Yerusalɛm soe burɔ. Wo si ma ata mɔgɛnu na. Ale fanan si ma wota Alla la. A ko a si mansayɛ kɛ wo kun na lanayɛ anubɛ latelan rɔ.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

1 Tɛsalonaika 3:11

Alamɛ ma Fa Alla anubɛ ma Mari Yisa ya kilɛ rabɛn ma ye ka na ke wo ma!

Hiburunu 11:16

Nyamani-nyima-nyimɛ-sɔgɛ ye anu na nun, Arinyɛnɛ, kɔni. Anu bi Alla kelela ko, “Mata Alla.” Alla miliyani ma kumɛ wola ko la, ado a ara soe rabɛn anu ye.

Hiburunu 8:10

“Nba, mabɛ Isirɛla mɔgɛnu bi sarama-kan-kurɛ min kirila, wo le kɛ la.” Mari ko, “Wo telenu ba ke tumɛ min n si nna tɔnnu sa anu hɛnkili rɔ. N si anu sɛbɛ anu yisi rɔ. N si ma anuta Alla la. Anu si ma nta mɔgɛnu na.

Hiburunu 8:2

A ye saraka-masɔlayɛ la Sɛnima-Sɛnima-Tinɛ rɔ fani-bon-bɛrɛ la Arinyɛni tɔ. Fani-bon-bɛrɛ kɛ, mɔgɔ ma wo sɔ fɔ Mari nyɛrɛ.

Lankɛnimayɛ 10:4

Anu banta kumala nya min wo, n bi a fɛ nun ka sɛbɛli kɛ. Kɔnɔ n ya kuman-kan lamɔɛn bɔla Arinyɛni tɔ. A ko, “San-sɛrɛn wɔrɔnfilɛ ya min fɔ, i kana wo sɛbɛ bɛ min na. Gbundu-koe le wo la. A mara fɔlɔn!”

Lankɛnimayɛ 10:8

Nba, n ya kuman-kan min namɔɛn ka bɔ Arinyɛni tɔ, wo kumara n ye tun ko, “Gbolo-lamininɛ min tafulennɛ, i ni ta wo bi melika wo bolo min kian ye gbele anubɛ kɔgɔ-yi rɔ.”

Lankɛnimayɛ 12:10

Wo kɔma, n ya kuman-kan-ba lamɔɛn Arinyɛni tɔ. A ko, “Allata kisi-koe ara na de! Alla ara ala mansaya-sɛnbɛ mayira kaka! Ala Mɔgɔ-Yabɔnɛ ara ata sarati mayira gbɛ, ado ale min bi sɔla Alla yakɔrɔ ka ma na-kelen-nyɔgɔ dɛnkɛninya-mɔgɛnu maburi su-ni-tele, wo la ara fili ka bɔ Arinyɛni tɔ.

Lankɛnimayɛ 21:7

Mɔgɔ-wo-mɔgɔ wa nɔlɛ kɛ, a si fan kɛnu sɔrɔn nde bolo. N si ma ata Alla la. Ale si ma nna dan la.

Lankɛnimayɛ 22:3

Fenfen min bi Allata dankɛ kɔrɔ, wo ti taran soe wo burɔ. Alla anubɛ saga-danta mansaya-sigi-fan si taran soe wo burɔ. Ala wɔli-kɛlɛnu si to a batola.

Lankɛnimayɛ 7:15

Wo le ya a ma, anu sɔnɛ Allala mansaya-sigi-fan yakɔrɔ ka wɔlɛ kɛ a ye a Bato-Bɔn la su-ni-tele. Ale min mayiginɛ mansaya-sigi-fan rɔ, ale le si anu natanka.