Lankɛnimayɛ 21:27 - ALLALA KUMƐ

²⁷ Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 21:27 ပူးပေါင်းရင်းမြစ်များ

Yaburi 101:8

Karagbɛlɛ minnu bi nyamanɛ kɛ rɔ, n si to wonu bara-koe kala-a-la tele-wo-tele alako karagbɛlɛyɛ ni ban Marita soe burɔ.

Bɔ-Koe-Iyipiti 32:32

kɔnɔ ni i sɔnta ka anu hakɛ makoto, wo kin. Ni i ti sɔn, i yandi, i ni nde fanan tɔgɛ firan ila buku ma.”

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Isikiyɛli 44:9

“Nde, Isirɛla Tigi Mari ara a gbɛ ko sibolo-gbɛrɛ wo sibolo-gbɛrɛ ti a kunyɛ ladon nna Bato-Bɔn la tun, katarala kemininyabɛlɛ-tolo-gbere kɛnu ma. Hali minnu siginɛ wole Isirɛla mɔgɛnu tɛma, wonu ti don.”

Yowɛli 3:17

A ko wole, Isirɛla mɔgɛnu si a lɔn wati wo rɔ ko wota Mari Alla le ale la. A ko ale le ye a mayigila ata kɔnkɔ-sɛnimɛ kuma. A ko Yerusalɛm soe si ma so-sɛnimɛ la. Sibolo-gbɛrɛnu ti nɔ-ko sɔrɔn a ma tun!

Saraka-Masɔlɛnuta Tɔnnu 13:46

Fananta kiraya su kɛ ye mɔgɛ wo ma, anu si a labɔ dagɛ kɔma. A kana to a ta-nyɔgɛnu kurun tɔ.

Sakaraya 14:21

Dagɛ min bɛɛsi ye Yuda anubɛ Yerusalɛm, dagɛ wonu dantɛgɛnɛ si to Mari Sɛnbɛ-Bɛɛ-Tigi ma. Saraka-bɔlɛnu si dagɛ kɛnu ma saraka sogo-te-fan la. Wo wati wa ke, yila-wo-yila ti taran Mari Sɛnbɛ-Bɛɛ-Tigi Bato-Bɔn la.

Yilan-Yilan Koe 12:15

Miriyam bɔra dagɛ kɔma tele wɔrɔnfila kɔrɔ. Isirɛla mɔgɛnu ma ta tagama rɔ ha Miriyam nara tun.

Matiyu 13:41

Mɔgɛ minnu bi donu sɔla hakɛ-kɛ-tinɛ anubɛ min bɛɛ ye ko-yogomɛ kɛla, nde, Hadama-dan si nta melikanu sɔ wonu nadɛn tinɛ ka anu nabɔ nta mansayɛ rɔ.

Maraka 7:2

Anu ya a yen ko ala karan-dan donu bi fen dɔnna anu bolo-lakubɛlɛ la. Anu ma anu naku a kilɛ fɛ iko anuna namu ye nya min. (

Luka 10:20

Kɔnɔ wo kana sewa bawo nyina-yogomɛnu bi wola kumɛnu birala. Min fisa, wo ni sewa bawo wo ara ma dugurannu na Arinyɛni tɔ.”

Ɛfɛsa 5:5

Wo ni a lɔn serr, ko yɛlannu anubɛ sɔn-yogoma-tiginu anubɛ wasabɛlɛnu ti fenfen sɔrɔn Kirasiti anubɛ Allata mansayɛ rɔ. (Wasabɛlɛnu sa Alla batola fɔ anu bi nyinina minnu ma.)

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

2 Pita 3:13

Kɔnɔ Alla ara lanyiri kiri san-kolo-kurɛ anubɛ dugu-kolo-kurɛla ko la, telenbagayɛ si sigi kan min, ado male ye wo le makɔnɔna.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 3:5

Minnu ba nɔlɛ kɛ, duruki-gbɛ si don wonu kan na iko doi wonu. N ti anu tɔgɛ bɔ Mɔgɔ-Nimɛnuta-Kitabu rɔ mumɛ! N si a fɔ n Fa anubɛ ata melikanu yala gbɛ rɔ serr, ko ntɛ le anu na.