Lankɛnimayɛ 21:2 - ALLALA KUMƐ

² Nba, n ya Yerusalɛm-So-Sɛnima-kurɛ yen yigila ka bɔ Arinyɛni tɔ Alla bolo. Soe wo makirinɛ, ado a rabɛnnɛ iko kɔɛn-kurɛ rabɛnnɛ nya min ala keila ko la.

Lankɛnimayɛ 21:2 ပူးပေါင်းရင်းမြစ်များ

Yaburi 87:3

Ile Allata so-kunbɛ, i tole masɔ kabana-ko-kumɛnu na anu bi min fɔla i wara-koe rɔ.

Aiseya 1:21

Yerusalɛm soe min telennɛ nun fɔlɔ, wo ara wo nyɛrɛ ma iko yɛlan. Fɔlɔ nun, a lafanɛ wole mɔgɔ-telennɛ gbansan denu na kɔnɔ kaka, wole mɔgɔ-fagalɛnu denu bi a rɔ.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 62:4

Mɔgɛnu ti wo kele tun ko, “Allata Mɔgɔ-Bolokanɛnu.” Mɔgɛnu ti wola nyamanɛ kele tun ko, “Allata Nyamani-Halakini-Kɔrɛ.” Anu si wo kele ko, “Alla Diyana-Mɔgɛnu.” Wola nyamanɛ si kele ko, “Allata Kɔɛn-Kurɛ.” Wo dama ye mala le bawo wo di Mari ye. Wola nyamanɛ si taran a bolo iko musi ye taranna ala kei bolo nya min.

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Yɔni 3:29

“Furu-kiri rɔ, kɔɛn-kurɛ ye min bolo, musu-tigi le wo la. Musu-tigi wo dafɛ-sɔlɛ sɔnɛ ka a tole masɔ. A wa musu-tigi sewa-kan lamɔɛn tumɛ min, ale fanan si sewa. Nta sewɛ kɛ da fanɛ wo nya le.

2 Kɔrɛnti 11:2

N bi wo makeliyala iko Alla ye wo makeliyala nya min. Wo bɛɛ mani de iko sunkurun-nasɔlɔni-bɛrɛ, n bara min furu-koe lanyiri kiri mɔgɔ kelen pe ye, Kirasiti, kɔni.

Hiburunu 11:10

Alla ya soe min kurukɛ fanka rɔ ka a sɔ gben, Iburayima ye wo makɔnɔna alako a si sigi nyɔ nya min.

Hiburunu 11:16

Nyamani-nyima-nyimɛ-sɔgɛ ye anu na nun, Arinyɛnɛ, kɔni. Anu bi Alla kelela ko, “Mata Alla.” Alla miliyani ma kumɛ wola ko la, ado a ara soe rabɛn anu ye.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

Hiburunu 13:14

ado so sa ma bolo duninya kɛ rɔ ma si a laban kan min. Male ye so-namatoe wo makɔnɔna.

Lankɛnimayɛ 1:1

Yisa, Allata-Mɔgɔ-Yabɔnɛ ya koe minnu yira, wonu denu sɛbɛnɛ kitabu kɛ rɔ. Alla le ya wonu di a ma alako koe minnu ti mɛ nala, a ni wonu yira Allata wɔli-kɛlɛnu na, ado Kirasiti ya ala melika sɔ ka ala wɔli-kɛla Yɔni lalɔn-koe wonu na.

Lankɛnimayɛ 1:4

Nde, Yɔni le ye kɛ sɛbɛla ka a lata chɔchi wɔrɔnfilɛnu ma minnu bi Esiya nyamanɛ rɔ. Alla min bi yan kaka, a ye nyɔ kebi fɔlɔ, ado a ye nala le, alamɛ wo ya hinɛ anubɛ yisi-kimɛ di wole chɔchinu ma ka bɔ Allata Ni-wɔrɔnfila rɔ minnu bi ala mansaya-sigi-fan yakɔrɔ.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 11:2

Kɔnɔ kata-burɛ minnu bi Alla-Bato-Bɔnla minɛ rɔ, i kana nyɔ suman bawo kan tinɛ wonu bara di sibolo-gbɛrɛnu ma. Anu si So-Sɛnimɛ kɛ radɔn karɛ bi-nani ani karɛ fila (42) kɔrɔ.

Lankɛnimayɛ 21:10

Allala Ni-Sɛnimɛ yigira n kuma. Nba, ale melika tara n na kɔnkɔ-layan-bɛ kun tɛma pon! A ya Alla-halala-So-Sɛnimɛ, Yerusalɛm, yira n na. A ye yigila ka bɔ Arinyɛni tɔ Alla bolo.

Lankɛnimayɛ 21:9

Pani-kunba wɔrɔnfilɛ minnu nafanɛ fitina labannu na, wonu bi melika wɔrɔnfilɛ minnu bolo nun, wo kelen nara n bara. A ko, “Na, n ni kɔnyɔ-kurɛ yira i la, saga-danla musi, kɔni.”

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.

Lankɛnimayɛ 22:19

Nba, ni mɔgɔ-wo-mɔgɔ ya do bɔ kitabu kɛta wɔlɔyiya-kumɛnu na, Alla si atɛ bɔ nimaya-kɔlɔma-gbɔɛ-sɔrɔn-koe rɔ. A bɛnta, a ni min sɔrɔn so-sɛnimɛ wo burɔ minna koe fɔnɛ kitabu kɛ rɔ, a si foo wo bɛɛ la.

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.