Lankɛnimayɛ 21:12 - ALLALA KUMƐ

¹² A tarɛ yanyanɛ bɛrɛkɛ! Da tan-ni-fila le ye a ma. Melika tan-ni-fila ye kun-tigiyɛ kɛla dɛ wonu na, da kelen, melika kelen. Isirɛla bɔnsɔn tan-ni-filɛ, wonu tɔgɔ kelen-kelen sɛbɛnɛ a kelen-kelan wo bɛɛ ma.

Lankɛnimayɛ 21:12 ပူးပေါင်းရင်းမြစ်များ

Ɛsira 9:9

Hali ma ye yɔɔnyɛ rɔ, i ma nyina ma ko. I ya a ma, ma diyara Pasiya mansɛnu ye kɔikɔi! Anu ya ma to ma niyi la ka ma masara alako ma si ke i Bato-Bɔn sɔla nya min, ado Bɔn wo ara tii nun mɛmɛ! I ya a ma, ma sigira Yuda anubɛ Yerusalɛm ma fanbolo fanan.

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Yaburi 122:7

Alamɛ yisi-kimɛ taranta Yerusalɛm tarɛ burɔ anubɛ mansɛla bolɔn mumɛ la.

Yaburi 51:18

E, Alla, i ni ko-nyimɛ kɛ mata so-karantan ye, Yerusalɛm, kɔni. I ni a tarɛ sɔ kura kɛ tun.

Bɔ-Koe-Iyipiti 28:21

Wo ni kuri wonu sigi iko Isirɛla bɔnsɔn tan-ni-filɛ tɔgɛ ye nya min. Bɔnsɔn tan-ni-filɛ kelen-kelennamɛ-bɛɛsi tɔgɛ ni sɛbɛ kuri kɛnu ma.

Aiseya 54:12

A si ila kan-tina-layan-bɛnu sɔ kuru-da-gbɛlɛnu na minnu wulennɛ pui! A ko a si i don-dɛnu nadan kuru-da-gbɛlɛnu na minnu silɛ ye tiila a ma iko tɛ. A si ila tarɛ sɔ kuru-da-gbɛlɛ-su bɛɛ la.

Aiseya 60:18

Karagbɛlɛya fenfen ti taran wola nyamanɛ rɔ tun. Fenfen ti ke nyɔ tinyana. Fenfen ti ke a kasarala. Wo si wola tarɛ kele ko, “Kisi-koe.” Wo si wola tarɛ don-dɛnu kele ko, “Tantolɛ.”

Matiyu 18:10

“Wo ni a ma wo fɛrɛma, wo kana dennɛ kɛ kelen bɛrɛn nafɛya. N bi a fɔla wo ye ko anuna kandan-melikanu bi Arinyɛni tɔ. Anu bi n Fa Alla da kɔrɔ Arinyɛni tɔ wati bɛɛ. [

Luka 15:10

N bi a fɔla wo ye, hakɛ-tigi kelen ba tubi, Allala melikanu si sewa wo nya na le.”

Luka 16:22

“Bolo-kolɔn wo fagara. Melikanu tara a la Iburayima tɔgɔfɛ Arinyɛni tɔ. Nɔnfulu-tigi fanan fagara. Anu ya a togon.

Kɛwɔlɛnu 26:7

Su-ni-tele, ma bɔnsɔn tan-ni-filɛ bɛɛ ye Alla batola ka anu yigi sa lanyiri kelan wo kuma. Mansɛ, Yahudiyanu bi n maburila wo yigi lela ko la!

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Lankɛnimayɛ 21:13

Da sawa ye a tɔnkɔn kelen-kelennamɛ-bɛɛ rɔ. Da sawɛ ye tele-bɔɛ. Da sawɛ ye tele-yigi. Da sawɛ ye dugu la. Da sawɛ ye kantɔ wara la.

Lankɛnimayɛ 21:15

Melika min kumara n ye, sɛnɛ fen-suman-kɔlɔma ye wo bolo alako a si soe wo suman nya min, a dɛnu anubɛ a tarɛ.

Lankɛnimayɛ 21:25

Soe wo dɛnu nakanɛ si taran tele bɛɛ. Anu na ti togon mumɛ bawo suyi ti ke nyɔ mumɛ!

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.