Lankɛnimayɛ 21:1 - ALLALA KUMƐ

¹ Wo kɔma, n ya san-kolo-kurɛ yen anubɛ dugu-kolo-kurɛ. San-kolo fɔlɔtɛ anubɛ dugu-kolo fɔlɔtɛ, wonu bara tenbi ka tunu yen, ado kɔgɔ-yi fanan sa nyɔ tun.

Lankɛnimayɛ 21:1 ပူးပေါင်းရင်းမြစ်များ

Aiseya 27:1

Ninkinankɛ min bi kɔgɔ-yi rɔ, hali a ye a mamagala a buri tinɛ, wo wulɔn nyɛrɛ rɔ, Mari si wo tɔrɔ ata faan-damɛ sɛnbɛmɛ la.

Aiseya 51:11

I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 57:20

A ko karagbɛlɛnu mani de iko kɔgɔ-yi ye tugula a rɔ nya min. Anu ti bandan yi dundula bore la.

Aiseya 66:22

Wola dannu anubɛ wole tɔgɛ mankan si to iko san-kolo-kurɛ anubɛ dugu-kolo-kurɛ si to nya min.

Daniyɛli 7:3

N ya sogo-subolo-belebele-ba nani yen bɔla yi rɔ ka ta gbele ma.

Romu 8:21

bawo dali-fan bɛɛsi ye tele wo makɔnɔna alako anu si hɔrɔya sayɛ anubɛ bagbuyita tulɛ kɔrɔ nya min. Anu si hɔrɔya iko Allata dannu bara hɔrɔya nya min,

2 Pita 3:10

Marita tele si na iko kankan. Wo tele kelan rɔ, san-kole si tenbi ka ban sɔnkɔ-sɔnkɔ-ba rɔ. San-kole anubɛ fan minnu bi a rɔ, wonu si mintan ka lee bandin! Dugu-kole anubɛ fan min bɛɛ ye a kuma, wonu bɛɛ si tenbi ka ban.

2 Pita 3:13

Kɔnɔ Alla ara lanyiri kiri san-kolo-kurɛ anubɛ dugu-kolo-kurɛla ko la, telenbagayɛ si sigi kan min, ado male ye wo le makɔnɔna.

Lankɛnimayɛ 13:1

Wo kɔma, n ya sogo-feremɛ namatoe yen bɔla kɔgɔ-yi rɔ. A kere tan. A kunyɛ wɔrɔnfila. Mansaya-fulɛ ye a kere kelen-kelennamɛ-bɛɛ la. Alla-rapɔsi-kumɛnu sɛbɛnɛ a kunyɛ wonu ma.

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.

Lankɛnimayɛ 21:5

Wo kɔma, min mayiginɛ mansaya-sigi-fan rɔ, wo ko, “Nba, kaka, n bi fan bɛɛ mala a kurɛ la!” A ya a fɔ n ye fanan ko, “Kɛ sɛbɛ bawo kumɛ kɛnu, tonyɛ le. Mɔgɛ si la wonu na le feu!”

Lankɛnimayɛ 6:14

San-kole laminita iko gbolo-lamininɛ ka tunu yen! Kɔnkɛnu anubɛ yi-tɛma-dugi bɛɛ bɔra anu gbɛ rɔ.