Lankɛnimayɛ 20:9 - ALLALA KUMƐ

⁹ Anu ta si nyɛnsɛn dugu-kole kan tinɛ bɛɛ kuma ka Allata mɔgɛnu daga tinɛ lamini anubɛ soe min keninɛ a bolo. Kɔnɔ tɛ si bɔ Arinyɛni tɔ ka anu halaki.

Lankɛnimayɛ 20:9 ပူးပေါင်းရင်းမြစ်များ

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

2 Mansɛnu 6:15

Wo banda kɛ subaga, Nɛbi Ilaisala wɔli-kɛlɛ ya a lawuli tumɛ min ka bɔ luyi ma, a ya Siriya kɛlɛ-den-siyaman yen anubɛ soeenu anubɛ kirindinu kan tinɛ bɛɛ Dotan soela foolɛ rɔ. A donta bɔn la ka a fɔ Nɛbi Ilaisa ye ko, “N tigi, Siriyanu bara na de, ma si kɛ ma kama?”

Yobu 38:18

I ya duninyala koloyɛ dan lɔn? Bawo i ya wo lɔn, nba, a fɔ n ye gbɛ!

Yaburi 106:18

Tɛ bɔra san ma ka yigi anu gba-fɛ-bilalɛnu tɔ kiribo! A ya karagbɛlɛ wonu mintan gburr!

Yaburi 87:2

Yerusalɛm di a ye ka tenbi kan tinɛ bɛɛ la Isirɛla nyamanɛ rɔ.

Yaburi 97:3

Tɛ ye tala a yarɔ ka a yogenu mintan kan tinɛ bɛɛ rɔ.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Isikiyɛli 38:16

A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.

Isikiyɛli 38:22

A ko a si a tɔrɔ kirayɛ anubɛ fagalɛ la. Bandɛ wo, banda-kole wo, tɛ wo, munku-gbɛ wo, a si wonu basan anu nyɔgɔn na pirikali, ka a rawuya ale Mansa Kɔgi anubɛ ala kɛlɛ-dannu ma. Sibolo-siyamɛ minnu kofunɛ a ma kɛlɛ rɔ, a ra si wuya wonu fanan ma.

Isikiyɛli 38:9

Anubɛ ala kɛlɛ-dannu anubɛ sibolo-siyamɛ minnu bi a fɛ, wonu si tonkore sɔ nyɔ la iko fɔnyɔ wa tonkore sɔ soe la.”

Isikiyɛli 39:6

Mɔgɛ minnu nafɛrɛnɛ siginɛ Megogi nyamanɛ anubɛ kɔgɔ-yi-dafɛ-nyamanɛnu na, fenfen sa anu mabanna nun. N si tɛ tugu nyɔ la. Wo wa ma tumɛ min, bɛɛ si a lɔn ko nde le Mari la.

Maika 2:13

Nde, Maika ko wo biranɛ minnu bolo nun, Alla si wonuna tara-dɛ keri a ma ka wo labɔ nyɔ. Wo la si fɛrɛ worɔ. Wota mansɛ, Mari si sɔ wo yarɔ ka kilɛ laka wo ye.

Habakuku 1:6

Babilɔn kɛ minnu karagbɛlɛ, ado anu yisi lakala kati, n bi nala sɛnbɛ dila anu ma mɔgɛnu kan ma. Anu bara wuli buila sibolo-gbɛrɛnu ma ka anuna nyamanɛnu bi anu bolo.

Yilan-Yilan Koe 11:1

Isirɛla mɔgɛnu wulita da-kɔrɔ-kumɛ la Mari ma anuna tɔrɔyɛla ko la. Mari ya wo lamɔɛn tumɛ min, a fonde bɔra. A diminyara anu ma ha ka tɛ layigi anu kuma ka dagɛ tɔnkɔn kelan mintan gburr!

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Luka 17:29

Lɔti bɔra Sɔdɔm soe burɔ lunyɛ min, tɛ anubɛ munku-gbɛ yigira ka bɔ san-kole rɔ ka anu dama halaki.

Luka 19:43

ado tele donu si na, wo yogenu si tarɛ mini wo ma ka kilɛ tɛgɛ wo ma kan tinɛ bɛɛ rɔ.

Luka 21:20

“Wo wa Yerusalɛm lafoonɛ yen kɛlɛ-dannu na tumɛ min, wo si a lɔn worɔ ko a kasara-tumɛ ara gbɛrɛn.

Luka 9:54

Ala karan-dannu, Yemesi anubɛ Yɔni ya kɛ yen tumɛ min, anu ko, “Ma tigi, i ye a fɛ, ma ni tɛ kele ka bɔ san-kole rɔ anu halaki-koe la, wa?”

Tɔn-Fɔɛ-Fila-Nyɔgɛ 23:14

Wo ni wola dagɛ sɛninya iko tɔn ya a fɔ nya min tuma-wo-tuma bawo wota Mari Alla ye wo fɛ dagɛ rɔ ka wo tanka wo yogenu ma ka anu nɔ. A ma di wota Mari ye ka wo daga makɛ tinɛ wo kɔsɔnɛ yen min si a ma, a ni a kan-kɔ sɔ wo la.”

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

Hiburunu 13:13

Nba, male wa tɔrɔyɛ sɔrɔn tumɛ min, ma ni ta Yisa wara Yahudiyanu daga tinɛ kɔma alako ma bɛɛsi ni ala miliyɛ wo sɔrɔn ale fɛ,

Lankɛnimayɛ 11:5

Ni mɔgɔ-wo-mɔgɔ ye a fɛ ka nɛbi wonu tɔrɔ, tɛ si bɔ nɛbi wonu da rɔ ka anu yogenu halaki. Ni nɛbi wonu tɔrɔ-sɔgɛ ya mɔgɔ-wo-mɔgɔ bira, wonu tigi si halaki tɛ la min bi bɔla nɛbi wonu da rɔ.

Lankɛnimayɛ 13:13

Sogo-ferema fila nyɔgɛ wo ya kabana-ko-wɛnu kɛ. A ya tɛ layigi dugu-kole kuma ka bɔ Arinyɛni tɔ mɔgɛ bɛɛ yala.