Lankɛnimayɛ 20:3 - ALLALA KUMƐ

³ Melika ya a lakɛ denka-dan-yenbɛlɛ rɔ ka nyɔ-dɛ latogon. A ya a balan sɛnbɛ la alako Setanɛ ti ke sibolenu yanfala tun ha san waga kelan ni ban. Wo kɔma, a si a boloka tun wati-kundu-ni kɔrɔ.

Lankɛnimayɛ 20:3 ပူးပေါင်းရင်းမြစ်များ

Yaburi 90:4

San waga kelan mani de ile yala iko tele kelan. A manɛ iko kunu min bara belen, ado a mani de fanan i yala iko kinɔgɔ-kun-kelan.

Daniyɛli 6:17

Anu ya kuri sigi denkɛ wo don-dɛ la. Wo kɔma, ale mansɛ anubɛ ala mɔgɔ-ba wonu ya anuna mandan sa kuri wo ma alako mɔgɔ-wo-mɔgɔ kana na Daniyɛli kunyɛ bɔ wo rɔ.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Matiyu 27:66

Woletɔ anu tara ka kanbɛ latogon a kin na ka mandan sa farɛ wo ma. Anu ya a kandannɛnu to nyɔ.

Maraka 4:15

Mɔgɛ donu manɛ iko sugi minnu si bui kila-kole la. Mɔgɛ wonu si a lamɔɛn kɔnɔ anu ba a lamɔɛn nya min wo, Setanɛ si na worɔ ka wo fɔrɔn anu yisi rɔ.

Luka 8:31

Nyinɛ wonu ya Yisa madiya ko a kana anu nata denka-rayan rɔ anu si tɔrɔyɛ sɔrɔn kan min.

2 Kɔrɛnti 11:3

N kilannɛ ko fenfen kana wo hɛnkili yabasan iko duguma-fan ya ma mama Hawa yanfa ala foninya-wɛ la nya min. Wo kana bɔ wola keninteya-bɛrɛ rɔ min bi wo bolo Kirasiti wara la.

2 Pita 3:8

Kɔnɔ n diyana-mɔgɛnu, wo kana nyina ko kelan kɛ ko! Mari yala, dan-nafara mumɛ sa tele kelan anubɛ san waga kelan tɛma. Wo filɛ bɛɛ rakɛn de ale yala.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 17:2

Mansɛnu bara yɛlɛnyɛ kɛ musu-yɛlan wo fɛ, ado mɔgɛ bɛɛ ara ma gbɛɛtoe la ala yɛlɛnyɛ bolo.”

Lankɛnimayɛ 17:8

I ya sogo-feremɛ min yen, wo kɛndɛ le nun kɔnɔ a ara faga, bi ko ma! Alla si a furi layɛlɛ ka bɔ denka-dan-yenbɛlɛ rɔ. A si a halaki. Kɔnɔ minnu tɔgɔ sɛbɛni ma nimaya-kitabu rɔ, yanni duninya da ni bira, wonu ba sogo-feremɛ wo yen tumɛ min, anu si kawa. Sogo-feremɛ wo kɛndɛ nun kɔnɔ a ara faga. Kɔnɔ sogo-feremɛ wo si bɔ gbɛ rɔ tun!

Lankɛnimayɛ 20:1

Wo kɔma, n ya melika-yigimatoe yen bɔla Arinyɛni tɔ. Denka-dan-yenbɛlɛ da-nyin ye a bolo, anubɛ yɔlɔkɔ-gbilima-wɛ.