Lankɛnimayɛ 20:14 - ALLALA KUMƐ

¹⁴ Sayɛ anubɛ lakira lafilita ta-dalɛ rɔ. (Ta-dalɛ wo, sayɛ fila nyɔgɛ le wo la.)

Lankɛnimayɛ 20:14 ပူးပေါင်းရင်းမြစ်များ

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

1 Kɔrɛnti 15:26

Ma yogo-laban min bi sayɛ la, wo la si to dogbe,

1 Kɔrɛnti 15:53

A fɛrɛ sa fɔ bagbuyi min si tuli, wo ni yɛlɛma bagbuyi la min ti tuli. Bagbuyi min si faga, wo si yɛlɛma bagbuyi la min ti faga.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 14:10

Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

Lankɛnimayɛ 2:11

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu ba nɔlɛ kɛ, sayɛ fila nyɔgɛ ti ke wonu ma.’

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!

Lankɛnimayɛ 20:13

Kɔgɔ-yi ya ata furinu nabɔ. Sayɛ anubɛ lakira fanan ya anuta furinu nabɔ. Furi wonu dama kiti tɛgɛra iko anuna kɛwɔlɛnu bi nya min.

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.