Lankɛnimayɛ 20:12 - ALLALA KUMƐ

¹² Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.

Lankɛnimayɛ 20:12 ပူးပေါင်းရင်းမြစ်များ

Yaburi 28:4

Anu tɔrɔ anuna ko-yogomɛnuna ko la. Anu tɔrɔ anuna kɛwɔli-yogomɛnuna ko la. Anu tɔrɔ iko a bɛnta, anu ni tɔrɔ nya min.

Yaburi 62:12

ko ale letan ye keninteya-dannatɛgɛbɛlɛ la. E, n tigi, ile si bɛɛ sara iko bɛɛta kɛ-nya ye nya min.

Yaburi 69:28

Anu tɔgɛ bɔ nimaya-kɛdi rɔ. Anu tɔgɛ kana taran ila mɔgɔ-telennɛnu tɔgɛ tɛma.

Hɛnkilimaya-Kumɛnu 24:12

Ni i ya a fɔ ko, “Ndeta sa kɛ rɔ,” Alla ya a lɔn i ya i bole bɔ a rɔ min na, wo si a ma, a ni i kiti. Alla ye i mafɛlɛnna, ado a ya a lɔn min bi i burɔ. A si i sara iko i kɛ-nya ye nya min.

Hɛnkilimaya-Kumɛnu 24:29

Mɔgɔ kana a tayili sara a ta-nyɔgɛ la. I kana a fɔ ko, “Kɛ ya min ma n na, n si wo fanan ma ale la gben!”

Makawandili Kumɛnu 12:14

Ma ya ko-wo-ko ma, Alla si ma kiti wola ko la. A yogoma wo, a nyima wo, hali a dogonta koenu, a si ma kiti wo bɛɛla ko la.

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Yɛrɛmaya 32:19

I miriya kolo. I kɛ-nya kolo. I ye mɔgɛnuna ko-ladan-bole bɛɛ kalama. I si bɛɛ sara iko anu bi wɔlila nya min.

Daniyɛli 7:10

Tɛ ye bɔla waganɛ wo kɔrɔ iko ba-yi. Melika-wulu-yirika-siyaman sɔnɛ a yakɔrɔ. Wonu bi ata wɔlɛ kɛla. Kiti-tɛgɛlɛnu ya anu sigi ka kiti-sa-bukunu dɛ laka.

Matiyu 11:22

Nba, n ni a fɔ wo ye. Kiti-tɛgɛ-lunyɛ, Alla si kinikini Taya anubɛ Saidon so-burɔ-mɔgɛnu ma ka tenbi wole la.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Luka 10:20

Kɔnɔ wo kana sewa bawo nyina-yogomɛnu bi wola kumɛnu birala. Min fisa, wo ni sewa bawo wo ara ma dugurannu na Arinyɛni tɔ.”

Kɛwɔlɛnu 24:15

Yigi min bi n ma Allala koe rɔ, yigi kelan wo ye kɛnu fanan ye ko furi bɛɛ la si wuli, a mɔgɔ-nyima wo, a yogoma wo, a filɛ bɛɛ.

Romu 2:6

bawo Alla si mɔgɛ bɛɛ sara kelen-kelenyɛ ma anuna kɛwɔlɛla ko la.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 17:8

I ya sogo-feremɛ min yen, wo kɛndɛ le nun kɔnɔ a ara faga, bi ko ma! Alla si a furi layɛlɛ ka bɔ denka-dan-yenbɛlɛ rɔ. A si a halaki. Kɔnɔ minnu tɔgɔ sɛbɛni ma nimaya-kitabu rɔ, yanni duninya da ni bira, wonu ba sogo-feremɛ wo yen tumɛ min, anu si kawa. Sogo-feremɛ wo kɛndɛ nun kɔnɔ a ara faga. Kɔnɔ sogo-feremɛ wo si bɔ gbɛ rɔ tun!

Lankɛnimayɛ 19:5

Wo kɔma, kuman-kan bɔra mansaya-sigi-fan wo rɔ. A ko, “Mata Allata wɔli-kɛlɛ bɛɛ ni a tanto anubɛ mɔgɛ bɛɛ minnu kilannɛ a la, a dɔgɔma wo, a kinama wo!”

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.

Lankɛnimayɛ 20:13

Kɔgɔ-yi ya ata furinu nabɔ. Sayɛ anubɛ lakira fanan ya anuta furinu nabɔ. Furi wonu dama kiti tɛgɛra iko anuna kɛwɔlɛnu bi nya min.

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 22:12

Yisa ko, “Wo ni wo tole masɔ! N bi nala tiriya! N si na nta barayi la n bolo ka a di mɔgɔ kelen-kelennamɛ-bɛɛ ma iko ata kɛwɔlɛnu bi nya min.

Lankɛnimayɛ 3:5

Minnu ba nɔlɛ kɛ, duruki-gbɛ si don wonu kan na iko doi wonu. N ti anu tɔgɛ bɔ Mɔgɔ-Nimɛnuta-Kitabu rɔ mumɛ! N si a fɔ n Fa anubɛ ata melikanu yala gbɛ rɔ serr, ko ntɛ le anu na.