Lankɛnimayɛ 2:5 - ALLALA KUMƐ

⁵ Wo buinɛ ka bɔ kan min, wo hɛnkili ni to wo ko de! Wo ni wo kɛ-nya yɛlɛma. Wo ya kɛwɔli minnu kɛ fɔlɔ-nun, wo ni wonu kɛ tun. Ni wo ma wo kɛ-nya yɛlɛma, n si na ka wola lɛnpu-sigi-fan bɔ a gbɛ rɔ.

Lankɛnimayɛ 2:5 ပူးပေါင်းရင်းမြစ်များ

Aiseya 1:26

A ko a si mɔgɔ-banu anubɛ hɛnkili-kɔlɛnu di wo ma iko fɔlɔ. Wo kɔma, bɛɛ si Yerusalɛm lɔn telenbaga-soe anubɛ lanaya-soe la.

Aiseya 14:12

“Ile Babilɔn mansɛ, ile min manɛ nun iko banda-ka-da-lole, i wara bɔ san-kole ma ka bui dugi ma. Fɔlɔ nun, i ya sibolenu nɔ kɔnɔ kaka, i wara fili dugi ma gbɛ!

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Hoseya 9:10

Mari ara a fɔ ko a bɛn fɔlɛ wole, Isirɛla mɔgɛnu na, wo manɛ iko kɔlɔma min gbɔnɛ kan-tina-ragbalanɛ rɔ. A ko, “Wo benbanu yen fɔlɛ nde, Mari bolo, anu diya donnɛ n tɔ nun iko toro-kuri gbɔ fɔlɔtɛ. Wo benbanu ke Piyɔri kɔnkɛ ma, anu donta Beyali kɔ-koe rɔ nyɔ. A ma mɛ lefan, anu gboyara nde, Mari ye iko bɛsɛ wonu gboyanɛ n ye nya min.

Malakayi 3:4

Wo kɔma, Yerusalɛm so-burɔ-mɔgɛnu anubɛ Yuda kɛnu si na sarakɛnu na Mari ye minnu si a hɛnɛ iko anu duruta a mala nya min nun.

Malakayi 4:6

A ko wo si dannubɛ anu sɔrɔnbagɛnu yisi sa anu nyɔgɔn kuma. Ni anu ma sɔn tola ko kelen tɔ, a ko ale Mari si na ka wola nyamanɛ bɛɛ halaki.

Matiyu 5:14

“Wo manɛ mɔgɛnu ye iko wan-takanɛ, ado soe min sɔnɛ kɔnkɛ kuma, wo dogon-koe gbɛlɛ.

Matiyu 5:15

Mɔgɔ ti lɛnpu lamalan ka bɔnku-dagɛ burun a kuma fɔ ka a sigi san ma. A si waan raka mɔgɛ bɛɛ ye bɔn la worɔ.

Maraka 12:9

Yisa ya nyinikalɛ kɛ. A ko, “Ki-fen-tigi si nfen ma anu na worɔ? A si na ka anu faga ka mɔgɔ-gbɛrɛnu sinka nyɔ la.

Luka 1:17

Ale fɔlɔn si na Mari yarɔ fanka anubɛ sɛnbɛ la iko Nɛbi Ilaya. A si dannu anubɛ anu fanu ma kelen na. A si kalabantenu yɛlɛma ko anu ni miriya latelennɛ sɔrɔn. A si Allala mɔgɛnu tabɛn Mari ye feu!”

Luka 20:16

A si na ka anu faga ka ki-fannu sinka mɔgɔ-gbɛrɛnu ma.” Mɔgɛnu ya kɛ lamɔɛn tumɛ min, anu ko, “Alamɛ ma kisira wo ma!”

Kalesiya 5:4

Wole minnu bi wo rayala ka telen Alla ye tɔn-birɛ fɛ, wo ara wotɛ bɔ Kirasiti wara-koe rɔ feu! Wo sa Allata hinɛ kɔrɔ tun.

Filipai 2:15

Wo ni ma Allala den-sɛninyanɛnu na minnu telennɛ, ado fɛɛ-wo-fɛɛ sa wole la. Hali wo siginɛ duninya-mɔgɔ-radunɛnu anubɛ mɔgɔ-yogomɛnu tɛma, wo tenbi anu makawandila nimaya-kumɛ la, wole ni malan iko lolenu. Ni wo ya wo ma, Kirasiti wa na lunyɛ min, n si n nyɛrɛ-matɔgɔ-kunya sɔrɔn wola ko la worɔ, ado a si gbɛ bɛɛ yala ko nta wɔlɛ ma kɛ fu!

Hiburunu 10:32

Wo lara Allala kumɛ la tumɛ min, wo ni wo miri min mara wo la. Wo ya tɔrɔya siyaman sɔrɔn kɔnɔ hali wo, wo ya wo mun tɔrɔyɛ wo bɛɛ kɔrɔ ka wo sɔ gben!

2 Pita 3:17

Kɔnɔ n diyana-mɔgɛnu, wo ara ban hɛnkili sɔrɔnna wonu ma min kɛ, wo ni a ma wo fɛrɛma worɔ. Tɔn-tinyalɛ wonu kana a ma, wo ni sama kilɛ ma.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 1:20

Lolo wɔrɔnfilɛ minnu bi n bolo-nyimɛ rɔ yan anubɛ sɛnɛ-lɛnpu-sigi-fen wɔrɔnfilɛ kɛnu, wonu gbundu-ko-kɔrɛ le kɛ la. Lolo wɔrɔnfilɛ wo, chɔchi wɔrɔnfilɛta melika-misalɛ le wonu na. Sɛnɛ-lɛnpu-sigi-fen wɔrɔnfilɛ wo, chɔchi wɔrɔnfilɛ misalɛ le wonu na.

Lankɛnimayɛ 16:9

Tele-wuyan wo ya mɔgɛnu mintan. Sarati ye Alla min bolo fitinɛ kɛnu kuma, mɔgɛ kɛnu ya ale Alla tɔgɛ rasɛ. Kɔnɔ anu ma anu kɛ-nyanu yɛlɛma ka Alla tanto ala gbiliyɛla ko la.

Lankɛnimayɛ 2:16

Nba, wo ni wo kɛ-nya yɛlɛma! Ni wo ma, faan-da-filɛ min bi bɔla n da rɔ, n si na yona ka mɔgɛ wonu kɛlɛ wo la.

Lankɛnimayɛ 2:19

Wola kɛwɔlɛnu bi nya min nun, n ya wonu lɔn. Wola keninteyɛ wo, wola lanayɛ wo, wola wɔlɛ wo, anubɛ wola munyɛ wo, n ya wo bɛɛ lɔn, ado wo ye wɔlɛ min kɛla kaka, wo tenbira wola wɔli-fɔlɛnu na.

Lankɛnimayɛ 2:2

Wole Ɛfɛsa-chɔchi-mɔgɛnu, wo ara min kɛ, n ya wo lɔn. Wo ara wɔlɔ-wɛ min kɛ anubɛ wo ara wo munyu nya min, n ya wo lɔn. N ya a lɔn ko wo ti sɔn mɔgɔ-yogenuna ko ma minnu bi a fɔla ko kilayɛ le anu na kɔnɔ kilaya ma anu na. Wo ara wonu kɔrɔbɔ ka a lɔn ko foninya-fɔlɛ le anu na.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.