Lankɛnimayɛ 2:3 - ALLALA KUMƐ

³ Wo ara wo munyu nyagbɛ kɔrɔ ka tɔrɔyɛ sɔrɔn ndela ko la. Wo ma kuri.

Lankɛnimayɛ 2:3 ပူးပေါင်းရင်းမြစ်များ

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Yaburi 69:7

Anu bara n mamɔɛn ilela ko la. N bara miliya dɔgɔma-ma-de!

Maika 7:9

Ma ara hakɛ kɛ Mari la. Fɔ ma ni ma munyu ata diminyɛ kɔrɔ wati-kundu-ni kɔrɔ. Wo wati wa ban, a si ma fɛka ka ma tayili sara ma yogenu na. A si ma labɔ pinpi rɔ ka ma kun nayere.

Maraka 15:21

Anu bi tala tumɛ min, anu bɛnta kei do la min tɔgɛ Saimon, Sairini kɛ le. A bɔmatoe sɛnɛ rɔ nun ka ta soe. Kɛlɛ-dannu ya a fɔrɔsɛ Yisa faga-kɔlɔma bi-koe la. (Saimon wo, Alɛsanda anubɛ Rufasi fa le, kɔni.)

Luka 14:27

Mɔgɔ-wo-mɔgɔ min ti a nyɛrɛ-faga-kɔn bi ka bila n kin-gbɛ fɛ, wo ti ke mala nna karan-dan la.

Luka 18:1

Lunyɛ do, Yisa ya tili kɛ tɛgɛ anu ye ka anu karan alako anu ni madiyali kɛ wati bɛɛ. Anu kana kuri.

Luka 21:19

Wo ni wo sɔ yiri bawo wo si ni-bɛrɛ sɔrɔn wo le fɛ.

Luka 5:5

Saimon ya a yabi ko, “Karan-mɔgɔ, ma kira wɔlila yan kɔnɔ ma ma fenfen bira. Hali wo, ni i wara a fɔ wo nya, n si yalɛnu nakɛ.”

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Yɔni 15:21

Kɔnɔ anu si koe kɛ bɛɛ ma wo la bawo ntɛ le wole la, ado ale min ya nde sɔ, anu ma wo lɔn.

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

Romu 16:12

Tarifina anubɛ Tarifosa kɔndɔn n ye minnu wɔlita Mari ye bɛrɛkɛ anubɛ n diyana-mɔgɛ Perasi. Ale fanan wɔlita Mari ye duk!

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Romu 8:25

Kɔnɔ ma ma min yen bɛ, ni ma ya ma yili-madiyɛ sa wo kuma, ma si ma munyu ha ma ni a sɔrɔn.

1 Kɔrɛnti 13:7

Keninteyɛ ti kuri tɔrɔyɛ kɔrɔ mumɛ! A ti ala dɛnkɛninyɛ boloka, ado yisi-latɛgɛ ye a bolo duk! Ko-wo-ko wa ma a la, a si a munyu ha!

1 Kɔrɛnti 16:16

wo ni mɔgɔ-su wonuna kumɛ bira anubɛ min bɛɛ ye wɔlila anu fɛ.

2 Kɔrɛnti 10:15

Woletɔ donu bara wɔlɛ min kɛ, ma wasini ma wonu na fɔ Alla ara min don male bolo. Kɔnɔ ma yigi le ko wola dɛnkɛninyɛ si to koloyala. Wo le si a ma, Alla ara dan min sa, ma si ke ka wɔlɛ kɛ ka ke a dan ma.

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

2 Kɔrɛnti 4:16

Ka a tɛgɛ wo ma, ma ti bandan, ado hali ma bagbuyi ye fagala doni-doninyɛ ma, ma niyi min bi ma rɔ, wo ye kurayala tele-wo-tele.

2 Kɔrɛnti 5:9

Kɔnɔ min tenbira wo bɛɛ la, ni ma ye ma warɛ yan, ni wo ma, nyɔ, ma ye a fɛ le ka Alla hɛnɛ tolon!

2 Kɔrɛnti 6:5

Mɔgɛnu ya ma gbesi ka ma ladon yele la ka sɔnkɔ layɛlɛ ma ma. Ma wɔlita ha ka a dan-natenbi. Ma si ki ma ya la anubɛ ka ki a la.

Kalesiya 6:2

Wo wa wo nyɔgɔnna dunɛ bi tumɛ min, wo ara Kirasitita tɔn le bira worɔ.

Kalesiya 6:9

Ma ni ma tunadiya ko-nyima-kɛ-koe ma bawo ni ma ma bandan, wati si na, ma si ma ko-nyima-kɛ-sarɛ sɔrɔn.

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

Kɔlɔsi 1:11

Ma ye a matarala fanan ko wo ni sɛnbɛ sɔrɔn bɛrɛkɛ ka bɔ ata sɛnbɛ-makawanɛ rɔ. Wo le si a ma, wo ni ke a birala wo rɔ ka wo munyu koe bɛɛ rɔ, ado wo bɛɛ rɔ, wo

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 2:9

Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

1 Tɛsalonaika 5:12

Nba, ma na-kelen-nyɔgɛnu, ma ye wo madiyala ko-kelen-pela ko la. Mari ara wɔli-kɛlɛ minnu sɔ wo yarɔ, wo karan-mɔgɛnu anubɛ wo makawandilɛnu, kɔni, wo ni wonu gbiliya nya bɛɛ ma.

2 Tɛsalonaika 3:13

Kɔnɔ ma na-kelen-nyɔgɛnu, wo kana bandan ko-nyima-kɛ la.

2 Tɛsalonaika 3:5

Alamɛ Mari ya Allala keninteyɛ yira wo la ka a ma, wo ni wo munyu iko Kirasiti nyɛrɛ.

2 Tɛsalonaika 3:8

Ma ma dɔn-fen sɔrɔn mɔgɔ-wo-mɔgɔ bolo ma ma min sarɛ di. Ma tora wɔlila su-ni-tele alako ma kana ma dunɛ sa wo fenfen kuma.

1 Timoti 4:10

Wo le ya a to, ma ye ma rayala ka Allata wɔlɛ kɛ kati, bawo ma ara ma yigi sa Alla-nimɛ kuma, mɔgɛ bɛɛ kisilɛ, kɔni, katarala male dɛnkɛninya-mɔgɛnu ma.

1 Timoti 5:17

Chɔchi-mɔgɔ-ba minnu bi kun-tigiya-wɔlɛ kɛla a kilɛ fɛ, a bɛnnɛ, wonu ni gbiliyɛ anubɛ sara-kɛndɛ sɔrɔn, katarala minnu bi wɔlila bɛrɛkɛ kawandili bɔ tinɛ anubɛ mɔgɔ karan-tinɛ,

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

Hiburunu 13:13

Nba, male wa tɔrɔyɛ sɔrɔn tumɛ min, ma ni ta Yisa wara Yahudiyanu daga tinɛ kɔma alako ma bɛɛsi ni ala miliyɛ wo sɔrɔn ale fɛ,

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

Hiburunu 6:12

A ma di ma ye, wo ni ma tinya-mansɛ la. Kɔnɔ wo ni ma iko Alla ara lanyiri kiri minnu ye. Anu si anutɛ sɔrɔn dɛnkɛninyɛ anubɛ munyu fɛ.

Hiburunu 6:15

Iburayima ya a munyu lanyiri wo kɔrɔ. Woletɔ Alla ya lanyiri min kiri, a ya wo sɔrɔn.

2 Pita 1:6

Wo ni nyɛrɛ-marɛ fanan sa wola lɔnnɛ kuma. Wo ni munyɛ fanan sa wola nyɛrɛ-marɛ kuma. Wo ni Alla-yala-kilan fanan sa wola munyɛ kuma.

Lankɛnimayɛ 1:9

Yɔni le nde la. Wo na-kelen-nyɔgɛ le nde la. Ka a tɛgɛ Yisa ma, ma bɛɛ kelen tɔrɔyɛ anubɛ Allata mansayɛ rɔ. Ma bɛɛ ye ma munna tɔrɔyɛ wo kɔrɔ ma nyɔgɔn fɛ. Anu ya n nana yi-tɛma-dugi kɛ rɔ min tɔgɔ Patamasi bawo n bara Allala kumɛ fɔ ka Yisa wara-koe gbɛ mɔgɛnu ye.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.