Lankɛnimayɛ 2:23 - ALLALA KUMƐ

²³ N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

Lankɛnimayɛ 2:23 ပူးပေါင်းရင်းမြစ်များ

1 Ko-Kɔrɔta-Karan 17:18

Mari, nde si nfen fɔ i ye gbɛ? I ya nde, ila wɔli-kɛlɛ lɔn kɔnɔ hali wo, i wara n gbiliya.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yobu 24:23

Tumado Alla si sɔn ko anu ni sigi lafɛrɛ rɔ kɔnɔ a kolan bɛnnɛ anu ma tuma-wo-tuma.

Yaburi 139:1

Mari, i wara n fɛsɛfɛsɛ, ado i ya n lɔn.

Yaburi 26:2

Mari, n tasuma ka n nakɔrɔsi ka n kɔntɔ-koenu anubɛ nna miriyanu lɔn.

Yaburi 44:21

fɔ i wa a lɔn nun bawo i ya dogontɔ-koe bɛɛ lɔn.

Yaburi 62:12

ko ale letan ye keninteya-dannatɛgɛbɛlɛ la. E, n tigi, ile si bɛɛ sara iko bɛɛta kɛ-nya ye nya min.

Yaburi 7:9

Telenbagɛ le ile Alla la. I ya ma miriya anubɛ ma diyana-koe bɛɛ lɔn. I ni tɔn sigi karagbɛlɛnuna karagbɛlɛyɛ la. I ni mɔgɔ-nyimɛnu sara.

Yɛrɛmaya 11:20

N ya Mari madiya ko, “Kɔnɔ Mari Sɛnbɛ-Bɛɛ-Tigi, i telenta. I kusan mɔgɔ-yisi anubɛ a miriya rasumanna. N si anu yasere-masa i ye. I tenbi n tayili sarala anu na, n si n yɛ sɔ i la.”

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Yɛrɛmaya 20:12

ado Mari Sɛnbɛ-Bɛɛ-Tigi, ile le si mɔgɔ-telennɛnu kɔrɔbɔ. I ya mɔgɔ-kɔntɛ-bɛrɛbɛrɛ lɔn. Kɔndɔfili min bi mabɛ mɔgɛ kɛnu tɛma, n bara ban wo yirala i la. Woletɔ a ma, tɔrɔyɛ min bɛnta anu ma, wo ni sigi anu ma n yala.

Sɛfanaya 1:11

Minnu bi soe ya-layigi ma, anu si yilayɛ kɛ kan min, anu ni di anu sɛbɛ-kuna-wɛ la bawo yilanu si ban fagala.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

Yɔni 4:16

Yisa ya a fɔ a ye ko, “Ta ila kei kele. Wo ni na yan tɔ.”

Kɛwɔlɛnu 1:24

Wo kɔma, anu ya Alla madiya ko, “Mari, ile le ya mɔgɛ bɛɛ miriya lɔn. Mɔgɔ filɛ kɛnu tɔ, i wa min yabɔ ko

Romu 14:12

Ma kelen-kelennamɛ-bɛɛ si ma nyɛrɛ dantɛgɛ Alla ye worɔ.

Romu 8:27

Min bi mɔgɔ yisi rɔ, Alla min ya wo lɔn, wo le ya ata Ni-Sɛnimɛ miriya fanan lɔn. Allata Ni-Sɛnimɛ ye madiyali kɛla ata mɔgɛnu ye iko Alla ye nyinina a ma nya min.

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

Kalesiya 6:5

bawo bɛɛ ni a nyɛrɛta dunɛ bi.

Tɔn-Fɔɛ-Fila-Nyɔgɛ 13:11

Ni wo sɔnta mɔgɔ-sufa wo mabonna, Isirɛla mɔgɛ toenu ba wo lamɔɛn tumɛ min, anu si kilan kɛwuya-su wo ladanna anu ta-nyɔgɛnu na wo rɔ.

Tɔn-Fɔɛ-Fila-Nyɔgɛ 19:20

Mɔgɛ minnu bi kɛ sufa lamɔɛnna, wonu ti sisi ka kɛ nyɔgɔn ko sufa ma, anu si kilan.

Tɔn-Fɔɛ-Fila-Nyɔgɛ 21:21

Kei minnu bi soe wo burɔ, wonu si dan wo bi ka a mabon kuri la ha a ni faga. Ni wole Isirɛla mɔgɛnu ya wo ma, wo si karagbɛlɛyɛ ban wo tɛma wola nyamanɛ rɔ. Ni Isirɛla mɔgɔ-wo-mɔgɔ ya ko-sufa kɛ lamɔɛn wo tɛma, wo tigi si kilan.”

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

Lankɛnimayɛ 2:11

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu ba nɔlɛ kɛ, sayɛ fila nyɔgɛ ti ke wonu ma.’

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.

Lankɛnimayɛ 20:13

Kɔgɔ-yi ya ata furinu nabɔ. Sayɛ anubɛ lakira fanan ya anuta furinu nabɔ. Furi wonu dama kiti tɛgɛra iko anuna kɛwɔlɛnu bi nya min.

Lankɛnimayɛ 22:12

Yisa ko, “Wo ni wo tole masɔ! N bi nala tiriya! N si na nta barayi la n bolo ka a di mɔgɔ kelen-kelennamɛ-bɛɛ ma iko ata kɛwɔlɛnu bi nya min.

Lankɛnimayɛ 6:8

N ya so-pɔrɔkɔsɛ yen. Min siginɛ a kuma, wo tɔgɛ “Sayɛ.” Lakira bilanɛ a kɔma. Alla ya sarati di sayɛ anubɛ lakira ma ka mɔgɛnu faga kɛlɛ anubɛ kɔnkɔ-fitinɛ anubɛ kirayɛ anubɛ sogo-feremɛnu na duninya-tonko-nanɛ wo kelan tɔ.

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”