Lankɛnimayɛ 2:22 - ALLALA KUMƐ

²² Woletɔ n si a lafili sa-fan do kuma, ale anubɛ a yɛlɛnya-kɛ-nyɔgɛnu si tɔrɔ kan min kati! Ni anubɛ a yɛlɛnya-kɛ-nyɔgɛnu ma tubi ka bɔ anuna ko-yogomɛ wonu tɔ, n si wo ma serr!

Lankɛnimayɛ 2:22 ပူးပေါင်းရင်းမြစ်များ

Yɛrɛmaya 36:3

A ko tumado, a ara kasarɛ min tabɛn Yuda kɛnu kan ma, ni anu suira wo ma ka anu bɔ anu sɔn-yogomɛ da-kun tɔ, a si anu makoto anu sɔn-yogomɛ anubɛ anu hakɛ la.

Isikiyɛli 23:29

Bawo i gboyanɛ anu ye, i wara tɔrɔ min bɛɛ la, anu si wo bɛɛ bi i bolo. Anu si i mɛlɛn bolokanɛ to ila yɛlɛnyɛ rɔ. Ila kei-koyɛ anubɛ ila yɛlɛnyɛ,

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Sɛfanaya 3:7

Mari ko ni wo ya a yen, a ya a ma wo nya, a ya a lɔn nun ko wole, ata mɔgɛnu si a gbiliya ka kolo a ma lɛp! A ko a miri nun ko wo ara kabana-koe minnu tayen wo yɛ la, wo ti nyina wonu ko nun muk! Kɔnɔ a ko a ma mɛ lefan, wo ya wo ya-lamunun karagbɛlɛyɛ la tun!

Luka 13:3

Ade! N ni a fɔ wo ye, ni wole ma tubi ka yɛlɛma, wo dama si faga iko wonu!

Luka 13:5

Ade! N ni a fɔ wo ye, ni wo ma tubi ka yɛlɛma, wo dama si faga iko wonu.”

2 Kɔrɛnti 12:21

N kilannɛ fanan ko n ba ta tumɛ min, nta Alla si n nafɛya wolela ko la. Wo siyaman bara hakɛ kɛ fɔlɔn. N kilannɛ, wo ti sɔn tubila ko-kɔsɔnɛ wonuna ko la. Wo ya min kɛ, wola yɛlɛnya-hakɛnu anubɛ nata-kɛwɔlɛnu si a ma, n ni di biribiri wo siyamanna ko la.

Lankɛnimayɛ 17:2

Mansɛnu bara yɛlɛnyɛ kɛ musu-yɛlan wo fɛ, ado mɔgɛ bɛɛ ara ma gbɛɛtoe la ala yɛlɛnyɛ bolo.”

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”

Lankɛnimayɛ 18:9

Mansɛ minnu ya yɛlɛnyɛ anubɛ fɛrɛ-bɔnku-nata kɛ a fɛ, wonu ba soe wo mintan-sisi yen tumɛ min, anu si gbele-gbelen ka di ala ko la biribiri!

Lankɛnimayɛ 2:5

Wo buinɛ ka bɔ kan min, wo hɛnkili ni to wo ko de! Wo ni wo kɛ-nya yɛlɛma. Wo ya kɛwɔli minnu kɛ fɔlɔ-nun, wo ni wonu kɛ tun. Ni wo ma wo kɛ-nya yɛlɛma, n si na ka wola lɛnpu-sigi-fan bɔ a gbɛ rɔ.