Lankɛnimayɛ 2:20 - ALLALA KUMƐ

²⁰ Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.

Lankɛnimayɛ 2:20 ပူးပေါင်းရင်းမြစ်များ

1 Mansɛnu 16:31

A ya hakɛ min kɛ iko Mansa Yɛrabowamitɛ, wo ma a wasa. A sɛgira tala Saidon Mansa Ɛtibeyalila dunmusi furula. Musi wo tɔgɛ le Yɛsɛbɛli. Wo kɔma, a ya bɛsɛ do kɔ min tɔgɛ Beyali.

1 Mansɛnu 17:13

Nɛbi Ilaya ya a fɔ a ye ko, “Wo hɔnya kana sigi i kan la. I wa ke bɔn la, i ni biredi-nɛ do ladan nde fɔlɔn ye ka bɔ ila dɛgɛ-munke wo rɔ. I ni na wo don n bolo. Wo kɔma, i ni na to tala a toe ladanna wobɛ ila dan ye.

1 Mansɛnu 17:4

I si i min yi-nɛ wo la nyɔ rɔ. N bara a fɔ mansa-wala-konanu ye ko anu ni i de-nyini nyɔ rɔ.”

2 Mansɛnu 9:22

Mansa Yɔram ya Mansa Yehu manyinika ko, “I nara a nyimɛ le la, ka, a yogomɛ?” Mansa Yehu ya a fɔ a ye ko, “I na ya suwagayɛ anubɛ bɛsi-kɔ-koe min nawara ma tɛma, fananta wo ye ma tɛma, ma ti yisi-kimɛ sɔrɔn.”

2 Mansɛnu 9:7

A ko i ni ila mansɛ faga, Mansa Ehabula dan, kɔni. A ko i ni wo ma bawo Yɛsɛbɛli ara ale Marita nɛbi anubɛ ata wɔli-kɛla-siyaman faga. Wo si ma ale Yɛsɛbɛlita tɔrɔyɛ la.

Bɔ-Koe-Iyipiti 34:15

“Wobɛ nyamanita-mɔgɛ wonu kana lanyiri kiri wo nyɔgɔn tɛma. Wo kana sarakɛnu bɔ anuta allanu ye bawo anu donu si wo kele saraka dɔn tinɛ.

Isikiyɛli 13:17

Mari ko, “Ile hadama-dan, i yɛ lata musinu ma wo tɛma minnu bi anu diyala-a-la foninya-wɔlɔyiya-kumɛnu bɔla anu kunyɛ rɔ. I ni anu makuma.

Kɛwɔlɛnu 15:20

Kɔnɔ ma ni kɛdi sɛbɛ anu ma ka a fɔ anu ye ko dɔn-fan min bara di bɛsɛnu ma nun, anu kana wo dɔn bawo a latinyanɛ. Anu ni anu nyɛrɛ matanka yɛlɛnya-su bɛɛ ma. Wo kɔma, anu kana sogo-yifanɛ fenfen dɔn bawo a yele ye a rɔ.

Kɛwɔlɛnu 15:29

A fɔlɔtɛ, wo kana fen dɔn min dira bɛsɛnu ma nun. A fila nyɔgɛ, wo kana sogo-yifanɛ dɔn bawo a yele ye a rɔ. A sawa nyɔgɛ, wo ni wo nyɛrɛ matanka yɛlɛnya-su bɛɛ ma. Ni wo ya wo nyɛrɛ matanka koe kɛnu ma, koe bɛɛ si bɛn wo ma. Alla ni to wo fɛ.”

1 Kɔrɛnti 10:28

Kɔnɔ ni mɔgɛ do ya a fɔ wo ye ko, “Dɔn-fan kɛ dinɛ bɛsɛnu denu ma kɔɔ,” wo kana dɔn-fan wo dɔn ka a tɛgɛ mɔgɛ wo sɔndɔmɛla ko ma.

Lankɛnimayɛ 2:14

Kɔnɔ minnu bi n kɔntɔ wo kan ma, wo le kɛ la. Donu bi wola chɔchi burɔ nyɔ minnu bara bila Belamta karan fɛ. Dɔn-fan min dinɛ bɛsɛnu ma, Balaki ya a ma, Isirɛla mɔgɛnu ya wo dɔn. Belamta karan le ya a ma, Balaki ya kɛ ma. Min tenbira wo bɛɛ la, a ya anu karan yɛlɛnyɛ la.

Lankɛnimayɛ 2:4

Kɔnɔ min bi n kɔntɔ wo kan ma, wo le kɛ la. Keninteyɛ min bi nde anubɛ wole tɛma nun fɔlɔ, wo keninteyɛ sa wo tɛma kaka.