Lankɛnimayɛ 2:18 - ALLALA KUMƐ

¹⁸ “I ni kɛdi sɛbɛ ka a lata Tayataira chɔchi-melika ma. “ ‘Wole Tayataira chɔchi-mɔgɛnu, kumɛ le kɛ la ka bɔ nde, Allala dan bolo. N yɛ manɛ iko ta-mɛlan. N kian ye malanna iko sila-kaganɛ.

Lankɛnimayɛ 2:18 ပူးပေါင်းရင်းမြစ်များ

Yaburi 2:7

Mari ara kumɛ min mabanban, nde, mansɛ ye wo le latenbila wo ma. Mari ya a fɔ n ye ko ka a bi bi ma, ala dan le nde la. Nde fa le ale Mari la.

Daniyɛli 10:6

A fɛrɛ malan-malannɛ a ma iko kuru-da-gbɛlɛ. A yakɔrɔ-mɛnsan ye tiila a ma iko san-sɛran. A yɛ ye malanna iko tɛ. A bole anubɛ a kian ye malanna iko anu ba silɛɛ yesi. A kuman-kan manɛ iko sɛrɛ-ladɛnnɛ-kan.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 27:54

Kɛlɛ-den-kun-tigi anubɛ ala kɛlɛ-dan minnu bi Yisa kandanna, wonu ya dugu-yɛrɛyɛran yen tumɛ min, anubɛ koe min bɛɛ kera, anu kumakɔra kati! Anu ko, “Alla nyɛrɛta dan le kɛ la nun serr!”

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Luka 1:35

Melika ya a yabi ko, “Allata Ni-Sɛnimɛ si yigi i kuma. Allatalata sɛnbɛ si na i kuma iko ninɛ. Ka a tɛgɛ wo ma, anu si den-sɛnimɛ wo kele ko Allatalata den-kei.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 1:49

Nataniyɛli ya a yabi ko, “Karan-mɔgɔ, Allatalata dan le ile la, Isirɛla mɔgɛnuna mansɛ!”

Yɔni 10:36

Nba, nde don! N Fa ya n sɛninya ka n sɔ duninya kɛ rɔ. N ya a fɔ min kɛ ko Allala dan le nde la, wo ye a fɔla kama worɔ ko n bi n ya-donna Alla la?

Yɔni 3:16

Alla le ya duninya keni ha a ya ala den-kei kelen pe ni. Mɔgɔ-wo-mɔgɔ wa dɛnkɛninya a ma, wo ti halaki fɔ ka habadan-nimayɛ sɔrɔn.

Yɔni 3:18

Ni min bara dɛnkɛninya Allala dan ma, kiti sa wo ma. Kɔnɔ ni min ma dɛnkɛninya a ma, wola kiti ara ban tɛgɛla bawo a ma dɛnkɛninya Allala den-kei kelen pe ma.

Yɔni 5:25

“N bi tonyɛ fɔla wo ye, wati ye nala, ado nfan, a ara ke, furinu si nde, Allala dan kan lamɔɛn. Minnu ba n kan lamɔɛn, wonu niyi si sɛgi anu tɔ tun.

Kɛwɔlɛnu 16:14

Kelen bi anu tɔ min ya mala kumɛ lamɔɛn, a tɔgɛ Lidiya. A nara ka bɔ Tayataira soe burɔ. Kura-bilolamɛ yila le, ado kurɛ wo dɛ gbɛlɛ. Ma Mari-Alla-batolɛ le musi wo la. Mari ya a yisi laka alako a ni a tole masɔ Pɔlita kumɛ la.

Kɛwɔlɛnu 8:36

Anu bi tala kilɛ la tumɛ min, anu kera yi do ma. Woletɔ kun-tigi wo ko, “Yi kɛ mafɛlɛn. Nfen bi a tola gbɛ, n sa batasila?” [

Romu 1:4

Ata Allayɛ kilɛ fɛ, Allatalata dan le ma Mari Yisa, Allata-Mɔgɔ-Yabɔnɛ la. Alla ya Yisa lawuli ka bɔ furinu tɛma tumɛ min, ata Niyi le ya a sɛnbɛ yira nyɔ le ko Allata dan le ale la.

Romu 8:32

A ma a nyɛrɛta dan, Yisa yamasansan fɔ ka a bɔ sarakɛ la ma damala ko la. Ni a ara ala dan di ma ma, a ti fan bɛɛsi di ma ma fanan, wa?

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”

Lankɛnimayɛ 2:1

“I ni kɛdi sɛbɛ ka a lata Ɛfɛsa-chɔchi-melika ma. “ ‘Lolo wɔrɔnfilɛ biranɛ nde min bolo-nyimɛ rɔ, nta sarakanɛ le kɛ la, ado n bi tagamana sɛnɛ-lɛnpu-sigi-fen wɔrɔnfilɛ wonu tɛma.

Lankɛnimayɛ 2:24

“ ‘Kɔnɔ donu bi wole Tayataira chɔchi-mɔgɛnu tɛma minnu ma bila karan-yogomɛ kɛ fɛ. Mɔgɛnu bi min kelela ko, “Setanɛla gbundu-ko-wɛ,” wo ma wo karan. Nba, n ti dunu-gbɛrɛ sa wo kuma.