Lankɛnimayɛ 19:8 - ALLALA KUMƐ

⁸ Mɔgɛnu sɔnta ko kɔɛn-kurɛ ni a nyɛrɛ fɛrɛya bɔ linɛn-kura-hakika-sɛninyanɛ la.” (Linɛn-kura-nyimɛ wo, Allata mɔgɛnuna kɛwɔli-nyimɛ-misalɛ le wo la.)

Lankɛnimayɛ 19:8 ပူးပေါင်းရင်းမြစ်များ

Yaburi 132:9

Alamɛ ila saraka-masɔlɛnu ya telenbagayɛ bila anu kan na iko duruku-ba-wɛ. Alamɛ ita mɔgɛnu tora a lawɔyɔla sewɛ bolo.

Hɛnkilimaya-Kumɛnu 31:22

A si birinkannu nadan a nyɛrɛ ye ka a nyɛrɛ fɛrɛya-bɔ kura-hakikɛ la.

Aiseya 3:23

anuna duruku-kɔrɔ-don wo, anuna da-lafiran-fen wo, anuna kun-makiri-kurɛ wo, anubɛ anuna kan-makɛ-kura wo, a si wo bɛɛ bi anu bolo.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Isikiyɛli 16:10

N ya duruku-bonni-hakikɛ don i kan na. N ya gbolo-sanbara-hakikɛ di i ma. N ya linɛn-kun-yili-hakikɛ anubɛ kura-da-gbɛlɛ di i ma.

Isikiyɛli 44:17

Anu tenbi donna Bato-Bon-luyi ma, anu ni linɛn-kurɛ don anu kan na, saraka-masɔya-kurɛ, kɔni. Anu tenbi Bato-Bon-wɔlɛ kɛla, anu bi Bato-Bon-luyi ma wo, anu bi bɔn la wo, anu kana fenfen don anu kan na min nadannɛ saga-siyi la.

Matiyu 17:2

Anu bi Yisa mafɛlɛnna tumɛ min, a yen-nya yɛlɛmanta anu yala. A yakɔrɛ malanta iko tele. Ala kurɛ gbɛra iko waan.

Matiyu 22:12

Mansɛ ya a manyinika ko, ‘N bɔ, ile donta yan kama, kɔnyɔ-masɔ-duruki sa i kan na?’ A ma ke fenfen fɔla.

Maraka 9:3

Ala kurɛnu gbɛra iko bɛgi-gbɛ. Kura-kula fenfen sa duninya rɔ min si kurɛ gbɛ wo nya.

Luka 24:4

Anu kɔndɔfilinɛ sɔra nyɔ kɛla ko la. Tiriyante wo rɔ, kei kura-gbɛ-tigi filɛ minna kurɛnu bi malan-malanna anu ma, wonu sɔra anu dafɛ.

Kɛwɔlɛnu 1:10

Anu yɛ gbalanɛ san ma tumɛ min, kei fila sɔra anu tɛma duruku-gbɛ donnɛ minnu kan na.

Romu 13:14

Ma ni Mari Yisa, Allata-Mɔgɔ-Yabɔnɛ kelen pe le lɔn ma tigi la. Ma si ma nyɛrɛ wasa min na, ma kana wo ko ladan.

Romu 3:22

A si bɛɛ latelen dɛnkɛninyɛ fɛ Yisa, Allata-Mɔgɔ-Yabɔnɛ ma, kɔni. Mɔgɛ bɛɛ kelen Alla ya la bawo

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”

Lankɛnimayɛ 15:6

Fitina-laban wɔrɔnfilɛ ye melika wɔrɔnfilɛ minnu bolo, wonu bɔra Alla-Bato-Bɔn wo la. Anu fɛrɛya bɔnɛ linɛn-kura-gbɛmɛ-sɛninyanɛ la. Butɛ-kiri-fan min nadannɛ sɛnɛ la, wo kirinɛ anu kɔgɔ-dɛ ma.

Lankɛnimayɛ 19:14

Arinyɛnitɔ-kɛlɛ-dannu bilanɛ a fɛ. Anu siginɛ so-gbɛmɛnu kuma. Anu fɛrɛya-bɔnɛ linɛn-kura-gbɛmɛ-sɛninyanɛ la.

Lankɛnimayɛ 3:18

Nba, n bi wo makawandila ko wo ni sɛnɛ-nyimɛ san n ma alako wo ni ma nɔnfulu-tigi-bɛrɛ la. Wo ni duruku-gbɛ fanan san n ma alako wo ni wo nyɛrɛ rabɛn ka wola gbu-makolonyɛ yamatogon, ado miliya-koe le wo la. Wo ni bɛsɛ do san n ma fanan min si kɛ wo yɛnu ma woletɔ wo si fen yen.