Lankɛnimayɛ 19:6 - ALLALA KUMƐ

⁶ Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!

Lankɛnimayɛ 19:6 ပူးပေါင်းရင်းမြစ်များ

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yaburi 47:2

Alla Min Bi Fan Bɛɛ Kun Na, mɔgɛ bɛɛ ni kilan wo la. Duninya kun-na-mansa-makawanɛ le ale la.

Yaburi 47:7

Mansɛ le ale la duninya mumɛ kun na. Wo ni a matɔgɔ bɛti-nyimɛnu na.

Yaburi 77:18

Ila san-sɛrɛn-kan ye bɔla iko mɔgɛ tenbi durɔmu-takolɔn makuru-kurunna. Ila banda-nyin-masɔgɛ ye malanna duninya kuma. Dugi nyɛrɛ ye yɛrɛyɛrɛnna.

Yaburi 93:1

Mari le mansɛ la. A makirinɛ mansaya-mirannu tɔ, ado a makawara. Duninya ara balan gben a gbɛ rɔ, ado a la ti maga mumɛ!

Yaburi 97:1

Mansɛ le Mari la woletɔ duninyarɔ-fannu ni sewa. Hali yi-tɛma-duginu fanan ni sewa.

Yaburi 97:12

Wole minnu natelennɛ, wo ni nyagalen ka a tɛgɛ Mari ara minnu ma wo ye. Wo ni wo miri Alla-sɛnimɛ ara minnu ma ka baraka bira a ye.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Aiseya 52:7

Mɔgɔ wa kilayɛ yen nala kuman-kan-diyamɛ la a bolo ka bɔ kɔnkɛnu tɔ, wo di mɔgɛ ye, ado yisi-kimɛ le si taran wo kɔma. A ye a fɔla Yerusalɛm ye ko anu bara kisi. A ko anuta mansɛ le Alla la.

Yɛrɛmaya 51:48

Kantɔ-mɔgɛnu ba na Babilɔn nyamanɛ tii dugi la tumɛ min, fan min bɛɛsi ye san anubɛ dugi ma, wo bɛɛ si yerelen tɛgɛ sewɛ bolo.

Isikiyɛli 1:24

Anu ba gban, nde, Isikiyɛli si anu kanban-kan lamɔɛn. Anu kanban wo kan manɛ iko wasa-belebele tugu-kan. Anu kanban-tagbesi-kan wo manɛ fanan iko kɛlɛ-den-siyamɛnu kinta-kan, ado a manɛ fanani iko Alla Sɛnbɛ-Bɛɛ-Tigi kuman-kan le. Anu ba anu sulen kan min, anu si anu kanbannu namɔrɔmɔrɔ.

Isikiyɛli 43:2

N ke nyɔ, n ya Isirɛla mɔgɛnuta Allata wan-takani-belebele yen nala ka bɔ tele-bɔɛ wara la. Alla kuman-kan koloyanɛ iko wasa-belebele-tugu-kan. Waan rakara dugu-kole mumɛ kuma waran!

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Lankɛnimayɛ 1:15

A kiannu bi malan-malanna iko sila-laleenɛ min kaganɛ. A kuman-kan manɛ iko wasa-sɛnbɛlamɛ.

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.

Lankɛnimayɛ 12:10

Wo kɔma, n ya kuman-kan-ba lamɔɛn Arinyɛni tɔ. A ko, “Allata kisi-koe ara na de! Alla ara ala mansaya-sɛnbɛ mayira kaka! Ala Mɔgɔ-Yabɔnɛ ara ata sarati mayira gbɛ, ado ale min bi sɔla Alla yakɔrɔ ka ma na-kelen-nyɔgɔ dɛnkɛninya-mɔgɛnu maburi su-ni-tele, wo la ara fili ka bɔ Arinyɛni tɔ.

Lankɛnimayɛ 14:2

Wo kɔma, n ya kuman-kan lamɔɛn bɔla Arinyɛni tɔ. Wo manɛ iko wasa-sɛnbɛlamɛ-kan. A manɛ fanan iko san-sɛrɛn-kan. N ya kuman-kan min namɔɛn, wo manɛ fanan iko sɔrɔn-fɔlɛnuna sɔrɔn-kan.

Lankɛnimayɛ 19:1

Wo kɔma, n ya kuman-kan do lamɔɛn iko sɛrɛ-siyaman-wɛ-kan Arinyɛni tɔ. Anu bi a fɔla ko, “Alla tanto! Mata Allatɛ le kisi-koe anubɛ gbiliyɛ anubɛ sɛnbɛ la!

Lankɛnimayɛ 19:4

Kɛmɔgɔ mogan-ni-nani anubɛ dali-fen nanɛ, wonu ya anu sa dugi ma ka Alla bato min mayiginɛ mansaya-sigi-fan rɔ. Anu ko, “Amina! Alla tanto!”

Lankɛnimayɛ 21:22

N ma Alla-Bato-Bɔn yen soe wo burɔ bawo Mari Alla Sɛnbɛ Bɛɛ Tigi anubɛ saga-dan le Alla Bato-Bonyɛ la.

Lankɛnimayɛ 4:5

Banda-nyin-masɔgɛ anubɛ banda-tugu-kan anubɛ san-sɛrɛn-kan ye bɔla mansaya-sigi-fan wo rɔ min bi anu tɛma. Ta-mɛlɛn wɔrɔnfilɛ ye malanna mansaya-sigi-fan wo yakɔrɔ fanan. Allata Ni wɔrɔnfilɛ le wonu na.

Lankɛnimayɛ 6:1

Wo kɔma, n ya a yen, saga-dan ya li-kɛɛn bɔ a fɔlɔtɛ ma ka a rafulen. N ya dali-fen nanɛ wo kelen kan lamɔɛn. Wo kan manɛ iko san-sɛrɛn-kan. A ko, “Bɔ gbɛ ma!”

Lankɛnimayɛ 8:5

Wo kɔma, melika wo ya fen-suma-diyama-dagɛ wo bi. A ya dagɛ wo lafa tɛ la saraka-bɔ-tinɛ kuma ka a lakɛ dugu-kole kuma. San-sɛrɛn-kan anubɛ banda-tugu-kan bɔra. Bandɛ ya a nyin masɔgɔ. Dugi yɛrɛyɛrɛnta.