Lankɛnimayɛ 19:4 - ALLALA KUMƐ

⁴ Kɛmɔgɔ mogan-ni-nani anubɛ dali-fen nanɛ, wonu ya anu sa dugi ma ka Alla bato min mayiginɛ mansaya-sigi-fan rɔ. Anu ko, “Amina! Alla tanto!”

Lankɛnimayɛ 19:4 ပူးပေါင်းရင်းမြစ်များ

1 Ko-Kɔrɔta-Karan 16:36

Tantolɛ ni di Isirɛlata Mari Alla ma ka to a tantola burubukai! Wo kɔma, mɔgɔ damasi ko, “Amina.” Anu ya Mari tanto!

Nihɛmaya 5:13

N ya n butɛ-kiri-fan ragbɔngbɔn. N ya a fɔ anu ye ko, “Ni min ma kumɛ kɛ latɔnbagaya, Alla ye wo tigi fanan tagbɔn-gbɔnna ka le. Alla si wo tigila bɔn anubɛ a bolo-fan mumɛ bɛɛ toronde a la ka a to sigini gboka!” Min bɛɛ taranta nyɔ rɔ wonu ko, “Amina!” Wo kɔma, wonu ya Alla tanto. Anu damasi ya anu kan wo latɔnbagaya.

Nihɛmaya 8:6

Ɛsira ko, “Mari tanto, Alla-makawanɛ, kɔni.” Mɔgɛ bɛɛ ya a bole layɛlɛ san ma. Anu ko, “Yo!” Wo kɔma, anu dama ya anu maburun dugi ma ka Alla bato.

Yaburi 104:35

Alamɛ hakɛ-tiginu kasarata duninya kɛ rɔ pɔ! Alamɛ ko-yogoma-kɛlɛnu wara-koe kara-a-la feu! N ni Mari tanto n sɔndɔmɛ bɛɛ la! I ni Mari tanto!

Yaburi 106:48

Tantolɛ ni di Isirɛlata Mari Alla ma ka to a matɔgɔla burubukai! Mɔgɛ bɛɛ ni a fɔ ko, “Amina!” Tantolɛ ni kɛ Mari ye!

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 89:52

Tantolɛ ni to dila Mari ma tolon! Amina! Amina!

Yɛrɛmaya 28:6

N ko, “Sobore! Alamɛ Mari ya wo ma. Alamɛ ila wɔlɔyiya-kumɛ mara tonyɛ la. Alamɛ Mari sɛgira Bato-Bon-miran bɛɛ la anu gbɛ rɔ tun. Alamɛ a sɛgira mɔgɔ-birani-kɔrɛnu na anu barɛnu tɔ.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

1 Kɔrɛnti 14:16

I wa baraka bira Alla ye i sɔndɔmɛ la ladɛn kuma, minnu ma kan wo lɔn, wonu si a fɔ kama ko, “Amina?” I ye min fɔla, anu ma wo lɔn.

Lankɛnimayɛ 15:7

Dali-fen nanɛ wo kelen ya sɛnɛ-pani-kunba wɔrɔnfilɛ di melika wɔrɔnfilɛ wonu ma. Pani-kunbɛ wonu nafanɛ habadan-Allata diminyɛ la.

Lankɛnimayɛ 19:1

Wo kɔma, n ya kuman-kan do lamɔɛn iko sɛrɛ-siyaman-wɛ-kan Arinyɛni tɔ. Anu bi a fɔla ko, “Alla tanto! Mata Allatɛ le kisi-koe anubɛ gbiliyɛ anubɛ sɛnbɛ la!

Lankɛnimayɛ 19:3

Anu ya anu kan nabɔ tun ko, “Alla tanto! Babilɔn-so-wɛ wo mintan-sisi ye yɛlɛla lugbu-lugbu!”

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!

Lankɛnimayɛ 5:14

Dali-fen nani wonu fanan ya a labira, “Amina!” Kɛmɔgɛnu ya anu sa dugi ma ka batoli kɛ.