Lankɛnimayɛ 19:2 - ALLALA KUMƐ

² A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

Lankɛnimayɛ 19:2 ပူးပေါင်းရင်းမြစ်များ

2 Mansɛnu 9:7

A ko i ni ila mansɛ faga, Mansa Ehabula dan, kɔni. A ko i ni wo ma bawo Yɛsɛbɛli ara ale Marita nɛbi anubɛ ata wɔli-kɛla-siyaman faga. Wo si ma ale Yɛsɛbɛlita tɔrɔyɛ la.

Yaburi 19:9

A kin ka Mari gbiliya. Wo le si to a la burubukai! Mari si kiti tɛgɛ a kila-bɛrɛbɛrɛ fɛ. Ala kiti-tɛgɛnɛnu natelennɛ tumɛ bɛɛ.

Aiseya 25:1

Mari, nta Alla le ile la. N si i matɔgɔ ka i gbiliya. I wara kabana-koenu kɛ. I wara min miriya nun, i wara wonu natɔnbagaya, bi ko ma.

Daniyɛli 7:26

Wo wa ban, a ko n ya kiti-tɛgɛlɛ minnu yen wo la, anu si mansɛ wo kiti tɛgɛ. Anu si ala mansaya-sɛnbɛ bɔ a bolo ka a kasara feu!

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”