Lankɛnimayɛ 19:12 - ALLALA KUMƐ

¹² A yɛ mani de iko ta-mɛlan. Mansaya-fulɛ siyaman bi a kunyɛ la. Mɔgɔ-wo-mɔgɔ ma tɔgɛ min lɔn bɛ fɔ ale nyɛrɛ, wo le sɛbɛnɛ a ma.

Lankɛnimayɛ 19:12 ပူးပေါင်းရင်းမြစ်များ

Ko-Dabirɛnu 32:29

Yakoba ya ale fanan manyinika ko, “Ile fanan tɔgɛ kama?” Kei wo ko, “I ye n tɔgɔ lɔn-koe rɔ kama?” A duwara Yakoba ye nyɔ ka a masara a la.

Yaburi 8:5

I ban hadama-dan ladanna, i ya a ma, ile kelen pe le kolo a ko. I ya a ma, a ya gbiliya-belebele sɔrɔn.

Bɔ-Koe-Iyipiti 23:21

Wo ni wo tolo masɔ melika wo la ka a kuman-kan bira. Wo kana murutiya a ma. Ni wo ya wo ma, a ti wo makoto muk, bawo a ye tala nde le gbɛ rɔ.

Hɛnkilimaya-Kumɛnu 30:4

Kɔnɔ mɔgɔ yon bara yɛlɛ Arinyɛni tɔ ka sɛgi tun? Mɔgɛ yon bara ke a bole lagburula fɔnyɔ ma? Mɔgɛ yon bara ke kɔgɔ-yi-mumɛ bɛɛsi kɛla ala duruki rɔ ka ala duruki lagburu a ma? Mɔgɛ yon bara dugu-kole dan sa? Mɔgɛ kɛ anubɛ ala dan tɔgɛ ye kama? Ni min ya wonu tɔgɔ lɔn, i ni anu tɔgɔ ratɛgɛ n ye.

Keninteya-Siginu 3:11

Wole Yerusalɛm sunkurɔnnu, wo na Mansa Silamɛni yen. A na le ya mansaya-fulɛ don a salɛ la. A ya mansaya-fulɛ kɛ di a ma ala kɔnyɔ-masɔ-ladiyɛla ko la, a nyagalen-tele rɔ, kɔni.

Aiseya 62:3

Wole, ata mɔgɛnu si ma Mari kɔɛn rɔ iko mansaya-fula-hakikɛ.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Daniyɛli 10:6

A fɛrɛ malan-malannɛ a ma iko kuru-da-gbɛlɛ. A yakɔrɔ-mɛnsan ye tiila a ma iko san-sɛran. A yɛ ye malanna iko tɛ. A bole anubɛ a kian ye malanna iko anu ba silɛɛ yesi. A kuman-kan manɛ iko sɛrɛ-ladɛnnɛ-kan.

Sakaraya 9:16

Wo tele nyɛrɛ wa na, Mari wota Alla si wole, ala mɔgɛnu nakisi iko saga-fɛ-biralɛ si ala sagɛnu nakisi nya min. Wo si malan ata nyamanɛ kuma iko kuru-da-gbɛlɛmɛnu.

Matiyu 11:27

“N Fa ara fan bɛɛ di n ma. Mɔgɔ-wo-mɔgɔ ma nde, Allala dan lɔn fɔ a Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.

Matiyu 21:5

“A fɔ Mansa Dawudala so-burɔ-mɔgɛnu ye ko ala mansɛ ye nala a wara. A famayiginɛ. A siginɛ sofɛlɛ la. A siginɛ sofɛli-bulan la.”

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Luka 10:22

“N Fa ara fan bɛɛ dantɛgɛ n ma. Mɔgɔ-wo-mɔgɔ ma nde, ala dan lɔn fɔ n Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.”

Yɔni 17:11

Nba kaka, n sa duninya kɛ rɔ tun. N bi nala i wara kɔnɔ anu denu si to n kɔma duninya kɛ rɔ. E, n Fa sɛnimɛ! I ya tɔgɛ min di n ma, i ni anu matanka tɔgɔ-sɛnbɛmɛ wo fɛ alako anu ni ma kelen na iko malebɛ ile manɛ kelen na nya min.

Yɔni 17:12

N bi anu fɛ tumɛ min, i ya tɔgɛ min di n ma, n ya anu matanka tɔgɔ-sɛnbɛmɛ wo fɛ. Hali kelen ma to-a-rɔ anu tɔ fɔ ale mɔgɔ kelen min bi nala halakila. A fɛrɛ sa fɔ wo ni ma alako min sɛbɛnɛ Allata kitabu rɔ, wo ni na bɔ-a-la.

Ɛfɛsa 1:21

Allata nima-fan bɛɛ, a mara melika la wo, a mara nyina la wo, a mara hadama-den na wo, Kirasiti tenbira wonubɛ anuna kun-tiginu na. Duninya kɛ wo, duninya min bi nala wo, Kirasiti tɔgɛ kolo sɛnbɛ-tigi wo bɛɛ ko.

Hiburunu 2:9

Kaka, ma ye Yisa le yenna mansayɛ kɛla bonyɛ anubɛ gbiliyɛ rɔ ka a tɛgɛ ata saya-tɔrɔyɛ ma. Melikanu tenbira a la nun wati-kundu-ni kɔrɔ alako a si faga mɔgɛ bɛɛ ye nya min Allata hinɛ baraka rɔ.

Lankɛnimayɛ 1:14

A kun-sigi-gbɛnɛ iko saga-siyi anubɛ bɛgi-gbɛ. A kolan manɛ iko ta-mɛlan.

Lankɛnimayɛ 12:3

Kabana-ko-gbɛrɛ bɔra Arinyɛni tɔ. Ninkinanka-wulen-ba bɔra gbɛ rɔ nyɔ. A kunyɛ wɔrɔnfila. A kere tan. Mansaya-fulɛ ye a kunyɛ wo kelen-kelennamɛ-bɛɛ la.

Lankɛnimayɛ 13:1

Wo kɔma, n ya sogo-feremɛ namatoe yen bɔla kɔgɔ-yi rɔ. A kere tan. A kunyɛ wɔrɔnfila. Mansaya-fulɛ ye a kere kelen-kelennamɛ-bɛɛ la. Alla-rapɔsi-kumɛnu sɛbɛnɛ a kunyɛ wonu ma.

Lankɛnimayɛ 19:16

Tɔgɛ kɛ sɛbɛnɛ ala duruku-yan anubɛ a wore ma ko, “Mansɛnuna Mansɛ anubɛ marinuna Mari.”

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.

Lankɛnimayɛ 6:2

N ya so-gbɛ do yen. Min siginɛ a kuma, kalabɛn ye wo bolo. Alla ya mansaya-fulɛ di wo ma. A bɔra iko mɔgɛ min duruta nɔlɛ kɛla.

Kɛlɛ-Kurugbɛnu 13:18

Melika ya a manyinika, a ko, “N tɔgɛ-lɔn-sɔgɛ ye i la kama? N tɔgɔ nya ti yen wo bolo.”