Lankɛnimayɛ 18:9 - ALLALA KUMƐ

⁹ Mansɛ minnu ya yɛlɛnyɛ anubɛ fɛrɛ-bɔnku-nata kɛ a fɛ, wonu ba soe wo mintan-sisi yen tumɛ min, anu si gbele-gbelen ka di ala ko la biribiri!

Lankɛnimayɛ 18:9 ပူးပေါင်းရင်းမြစ်များ

Ko-Dabirɛnu 19:28

A ya a yɛ lata Sɔdɔm anubɛ Kɔmɔra wara la anubɛ anuna ba-lɛɛ. A ya ta-sisi yen yɛlɛla iko sulubondɔn ta-sisi.

Yaburi 58:10

Hakɛ-tiginu ba anuta tɔrɔyɛ sɔrɔn, telenbagɛnu si sewa. Anu kiannu ma si ku karagbɛlɛ wonu yele la.

Aiseya 13:19

Hali Babilɔn kɛ kin so-siyaman ko, a mɔgɛnu wasinɛ wola ko la, Mari ko a si Babilɔn tii mɛmɛ, iko a ya Sɔdɔm anubɛ Kɔmɔra tii nya min.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Yɛrɛmaya 50:40

Koe min sigira Sɔdɔm anubɛ Kɔmɔra anubɛ nyɔ-dafɛ-so-mɛsɛnu ma, wo nyɔgɔn si sigi Babilɔn kɛnu ma. Mɔgɔ ti sigi nyɔ tun. Mari kan le kɛ la.

Yɛrɛmaya 50:46

Babilɔn nyamanɛ wa bui tumɛ min, wo bui-kan si duninya ramaga. Sibole doi wonu si anu di-kɛ-kan lamɔɛn.

Yɛrɛmaya 51:8

Tiriyante wo rɔ, Babilɔn soe si na bui ka tinya pɔ! Bɛɛ ni di ka a tɛgɛ bui-koe wo ma. Anu ni a tɛlɛnu makiri. Tumado a si kɛndɛya.

Isikiyɛli 27:35

“Kɔgɔ-yi-fɛ-sigilɛnu kawara Taya ban-bolo-su kɛ ma. Hali anuna mansɛ bɛɛ kumakɔra. Kilan si yen anu yakɔrɛ bɛɛ ma.

Daniyɛli 4:14

Melika wo kan-mayɛlɛnɛ ya a fɔ ko, ‘Wo ni sogenu gben kɔlɔma-kuri kɛ kɔrɔ ka konanu gben a la. Wo ni a kuri tɛgɛ ka a yanba-kunyɛ magbenda. Wo kɔma, wo ni a gbɔɛ wo ranyɛnsɛn.

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.

1 Timoti 5:11

Kɔnɔ i kana kɛɛ-musu-fonikenu tɔgɔ sɛbɛ bawo furu-ko-nata wa anu bira tumɛ min, anu si anuna sarama-kan tinya Kirasiti wara la worɔ.

Lankɛnimayɛ 14:11

Tɛ min si anu tɔrɔ, wo sisi ye yɛlɛla san ma habadan! Minnu ya sogo-feremɛ wo kɔ anubɛ ala muninyɛ anubɛ minnu sɔnta a tɔgɔ-yatɛ-mandan ni sa a telɛ ma, ni wo ma, a bole, sulen mumɛ sa wonu ye su-ni-tele.”

Lankɛnimayɛ 17:2

Mansɛnu bara yɛlɛnyɛ kɛ musu-yɛlan wo fɛ, ado mɔgɛ bɛɛ ara ma gbɛɛtoe la ala yɛlɛnyɛ bolo.”

Lankɛnimayɛ 18:18

Anu ya soe wo mintan-sisi yen yɛlɛla tumɛ min, anu gbele-gbelenta ko, “So-karantan wo nyɔgɔn sa nun mumɛ!”

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’

Lankɛnimayɛ 19:3

Anu ya anu kan nabɔ tun ko, “Alla tanto! Babilɔn-so-wɛ wo mintan-sisi ye yɛlɛla lugbu-lugbu!”

Lankɛnimayɛ 2:22

Woletɔ n si a lafili sa-fan do kuma, ale anubɛ a yɛlɛnya-kɛ-nyɔgɛnu si tɔrɔ kan min kati! Ni anubɛ a yɛlɛnya-kɛ-nyɔgɛnu ma tubi ka bɔ anuna ko-yogomɛ wonu tɔ, n si wo ma serr!