Lankɛnimayɛ 18:19 - ALLALA KUMƐ

¹⁹ Anu ya gbangban kɛ anu kunyɛ rɔ yisi-tinya bolo. Anu gbele-gbelenta di-kɛ-tinɛ ko, “E, gbalo! Gbalo ye so-karantan wo kuma! Soe le nun. Kulun-tigi min bɛɛ ye kɔgɔ-yi kuma, anu bara ma nɔnfulu-tiginu na ala nɔnfuli rɔ! Kɔnɔ a ara bɔnɔ fan wo bɛɛ rɔ hawa kelen pe kɔrɔ!”

Lankɛnimayɛ 18:19 ပူးပေါင်းရင်းမြစ်များ

2 Samuwɛli 13:19

A ya ta-gbangban kɛ a kunyɛ rɔ ka ala duruki wo rafara a kan na. A ya a bolo filɛ burun a yɛ la. A dimatoe tara.

Nihɛmaya 9:1

Karɛ wo nyɛrɛ, a tele mogan-ni-nani nyɔgɛ ma, Isirɛla mɔgɛnu ya anu nadɛn ka sunyɛ don alako anu ni anuta yisi-lafinyɛ yira Mari la. Anu ya kasa-kurɛnu kɛ anu ma ka gbangban kɛ anu kunyɛ rɔ ka diyi-kɛ sɔnsɔn a la. Wo si a yira ko anu nimisanɛ. Wo wati ya a taran, anubɛ sibolo-gbɛrɛnu sa gbundu kelen tɔ tun. Anu bara anu fara wonuta gbundi la nun. Wo kɔma, anu ya anu sɔ anu hakɛ la anubɛ anu benbanu bara min tinya.

Yobu 2:12

Anu tora wula-yan la, anu ya ale Yobu mafiliyanɛ yen kirayɛ bolo. Anu ya a ragbɛ wati min, anu donta diyi-kɛ rɔ ka anuna durukinu tafara yisi-tinya bolo. Wo kɔma, anu ya gbangban yuluyulu anu kunyɛ rɔ.

Aiseya 13:19

Hali Babilɔn kɛ kin so-siyaman ko, a mɔgɛnu wasinɛ wola ko la, Mari ko a si Babilɔn tii mɛmɛ, iko a ya Sɔdɔm anubɛ Kɔmɔra tii nya min.

Nimisa Koe 2:10

Yerusalɛm mɔgɔ-banu-makinikininɛ sigini dugi ma. Gbangban kɛnɛ anu kunyɛ rɔ. Kasa-kurɛ bilanɛ anu kan na alako ka a yira ko anu bi saya-di-kɛ tinɛ. Hali sunkurun-mɛsɛnu, wonu sanɛ dugi ma yisi-tinya bolo.

Isikiyɛli 27:30

Anu bi dila ale Taya soela ko la biribiri! Anu bi gbangban kɛla anu kunyɛ rɔ ka anu sa bugurɛ rɔ di-kɛ-tinɛ.

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!

Lankɛnimayɛ 17:16

I ya sogo-feremɛ min kere tan yen wo la, musu-yɛlan wo si gboya kere tan wonubɛ sogo-feremɛ wo ye. Anu si a bolo-fan bɛɛ bi a bolo ka a gbu-makolɔn to. Anu si a fɛrɛ-bɔnkɛ dɔn ka a toe lakɛ tɛ rɔ.

Lankɛnimayɛ 18:10

Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”

Lankɛnimayɛ 18:8

Ka a tɛgɛ wo ma, fitinɛ kɛ bɛɛ si na kɛ a ma tele kelen kɔrɔ, kirayɛ anubɛ yisi-gbalɛ anubɛ kɔnkɛ, kɔni. Tɛ si a mintan gburr bawo Mari Alla, Sɛnbɛ Bɛɛ Tigi le a kiti tɛgɛla.”

1 Samuwɛli 4:12

Bɛnyamɛ bɔnsɔn-mɔgɛ do burimatoe bɔra kɛlɛ rɔ ka ta fɔɔ Sailo. A kera nyɔ wulɔn-tele kɔrɔ. A ya ala duruki wo rafara ka gbangban kɛ a kunyɛ rɔ ka a yira mɔgɛnu na ko a yisi tinyanɛ.