Lankɛnimayɛ 18:13 - ALLALA KUMƐ

¹³ Anuna fan min tɔgɛ sinamɔn wo, kɛnɛ wo, isɛnti wo, mira wo, anubɛ farankinsɛnsɛ, yila-wo-yila sa nyɔ min si wonu fanan san. Baan wo, tulu wo, dɛgɛ-munku wo, fui-fen wo, wonu sanna-wo-sanna sa nyɔ. Ninki wo, sagɛ wo, soee wo, kirindi wo, yɔɔn wo, hali mɔgɔni-gbui, wonu fanan sanna-wo-sanna sa nyɔ.

Lankɛnimayɛ 18:13 ပူးပေါင်းရင်းမြစ်များ

1 Mansɛnu 10:10

Musu-mansɛ wo ya Mansa Silamɛni sanba kɛnɛ anubɛ dugu-kɔrɔ-nɔnfuli siyaman na. Wo kɔma, a ya sɛnɛ min di a ma, wo gbiliyɛ anubɛ fui-fan bɔrɔ bi-wɔrɛ rakɛn de! Ale Siba musu-mansɛ wo nara kɛnɛ min nyɔgɛ la mansɛ ye, mɔgɔ-wo-mɔgɔ ma ke nala wo nyɔgɛ la tun.

1 Mansɛnu 10:25

San-bo-san, min ba wuli tala bɔla a wara, wo si a sanba. Donu si ta wodi-gbɛ la, donu si ta sɛnɛ la, donu fanan si ta duruku-ba la, donu si ta kɛlɛ-kɛ-fan la, donu si ta kɛnɛ la, donu si ta soeenu na, donu si ta sofɛlɛnu na anu bolo.

1 Ko-Kɔrɔta-Karan 5:21

Anu ya nyomo waga bi-loli (50,000) bi anu yogenu bolo. Anu ya saga waga kɛmɛ fila waga bi-loli (250,000) bi fanan. Wo kɔma, anu ya sofɛlɛ waga fila (2,000) bi. Wo kɔma, anu ya mɔgɔ waga kɛmɛ (100,000) bira kɛlɛ wo rɔ.

2 Ko-Kɔrɔta-Karan 9:9

Musu-mansɛ wo ya Mansa Silamɛni sanba kɛnɛ anubɛ dugu-kɔrɔ-nɔnfulinu na. Wo kɔma, a ya sɛnɛ min di a ma, wola gbiliyɛ anubɛ fui-fan bɔrɔ bi-wɔrɛ rakɛn de! Ale Siba musu-mansɛ wo nara kɛnɛ min nyɔgɛ la mansɛ ye, mɔgɔ-wo-mɔgɔ ma ke nala wo nyɔgɔn na bɛ.

Nihɛmaya 5:8

N ya a fɔ anu ye ko, “Ma ara ma raya nun ka ma na-kelen-nyɔgɛnu kunka sibolo-gbɛrɛnu bolo. Kɔnɔ kaka, wo ye wo na-kelen-nyɔgɛ Yahudiyanu fɔrɔsɛla ka anu nyɔgɔn mayira wo ma.” Kun-tiginu ya a sigi-a-la don! Anu ma ke fenfen fɔla.

Bɔ-Koe-Iyipiti 21:16

“Ni min ya mɔgɛ kankan, ni a ya mɔgɛ wo mayira le wo, ni a tora a bolo le wo, wo ni kankan wo faga.

Hɛnkilimaya-Kumɛnu 7:17

N bara sɛnti-subolo sawa purupuru nyɔ ma.

Keninteya-Siginu 1:3

I sumɛ di n ye, n ba i tɔgɛ lamɔɛn fɔ i sumɛ si don n tɔ. Musi min ba i yen, wo kole si bɔ a rɔ muluka!

Keninteya-Siginu 3:6

Yon bi nala ka bɔ wulɛ rɔ? Gbangban ye tugula a gbere la. Fen-suma-diyamɛ anubɛ isɛnti-su bɛɛ ye bɔla a ma yilanu si min mayira.

Keninteya-Siginu 5:5

N ya n nasɔ dɛ laka tinɛ nna kei ye. Tulu-suma-diyamɛ min bi n ma, n bole-bilɛ kankan rɔ, a sumɛ tora wo ma.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Isikiyɛli 27:13

Kiriki nyamanɛ wo, Tubali nyamanɛ wo, anubɛ Misɛki nyamanɛ wonu ya yɔɔnnu anubɛ sila-mirannu felen ale Taya kɛnu ma.

Emɔsi 2:6

“Mari ko wole Isirɛla mɔgɛnu, wole fanan ara hakɛ dan-natenbi, ado a si wo tɔrɔ, yɔ! Hali bolo-kolɔn minnu bi wo tɛma, wonu natelennɛ kɔnɔ hali sanbara-sɔnkɛ, anu ti ke wo sɔrɔnna. Wole ye bolo-kolɔn wonu mala yɔɔnnu na ka anu mayira ka a tɛgɛ anuna yilinɛnuna ko ma.

Emɔsi 6:6

Wo ye wola gbɛɛ-barɛnu sɔla wo kun na ka wola tulu-hakikɛnu susa wo ma tuma-wo-tuma. Wo ye wo diyana-koe wo damasi mala kɔnɔ wola ko sa Isirɛla kasara koe rɔ.

Emɔsi 8:6

Ma si dɔn-fen-tinyanɛnu dɛ lagbɛlɛya mɔgɛnu kuma. Fɛlɛtenɛ minnu ti ke sanbara-sɔnkɛ sɔrɔnna, ma si wonu nyini ka anu dɔndɔ alako ma si anu ma yɔɔnnu na nya min ka anu mayira bawo anu ti ke yili-sarɛ wonu sɔrɔnna.”

Tɔn-Fɔɛ-Fila-Nyɔgɛ 24:7

“Ni min ya a na-kelen-nyɔgɛ Isirɛla mɔgɛ do kankan ka a ma ala yɔɔn la, ni wo ma, ka a mayira yɔɔnyɛ rɔ, wo si wo tigi faga don! Ni wo ya wo ma, wo si ko-yogoma-su wonu ban wo tɛma.

Tɔn-Fɔɛ-Fila-Nyɔgɛ 28:68

Hali wota Mari ya a fɔ ko wo ti sɛgi Iyipiti tun kɔnɔ wola ko-yogomɛ si a ma, Mari ni wo lasɛgi Iyipiti tun yi-kuma-kulɔn rɔ. Wo wa ke nyɔ tumɛ min, wo si wo nyɛrɛ mayira wo yogenu ma alako wo ni ma yɔɔnnu na anu kɔrɔ kɔnɔ anu ti sɔn wo la.”

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

Lankɛnimayɛ 18:14

Yilanu ya a fɔ a ye ko, “Fere-fan min sɔgɛ ye i la ko anu ni ma itɛ la, wo bɛɛ ara tunu yen! Ila nɔnfuli anubɛ ila kinyɛ bɛɛ ara ban. I ti anu yen tun!”

Lankɛnimayɛ 18:15

Yila minnu ya yilayɛ kɛ soe wo burɔ ka ma nɔnfulu-tiginu na, wonu si anu sɔ wulɛ la pon, alako anu kana do sɔrɔn ala nyagbɛ wo rɔ. Anu bi gbele-gbelenna di-kɛ-tinɛ.