Lankɛnimayɛ 18:10 - ALLALA KUMƐ

¹⁰ Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”

Lankɛnimayɛ 18:10 ပူးပေါင်းရင်းမြစ်များ

Aiseya 21:9

A ma mɛ lefan, a ya so-laburilɛ wonu yen nala fila-filanyɛ ma. So-laburilɛ ya a kan lake ko, “E, Babilɔn ara bui! Anu bi bɛsɛ minnu kɔla, wonu takerikerinɛ belenna Babilɔn soe burɔ.”

Aiseya 47:9

Ko fila si sigi i ma anu nyɔgɔn fɛ nya-kun-kelen, i si foo ila dannubɛ ila kei la filili! Ado nfan, ila duruyɛ anubɛ ila kofo-denyɛ ti ke i lakisila muk!

Yɛrɛmaya 30:7

Kabana-ko-tele ye nala min nyɔgɔn ti na tun. Kɛ si ma tɔrɔya-tele la wole, Yakoba kegeyɛnu ye kɔnɔ wo kunyɛ si bɔ a rɔ.

Isikiyɛli 32:9

“N ba a kasara-nya fɔ mɔgɛnu ye, ale ma minnu wara-koe lamɔɛn bɛ, sibolo-siyaman kɔndɔ si fili.

Yowɛli 1:15

Marita wati ara gbɛrɛn. Tele wo nyɛrɛ wa ke, Mari Sɛnbɛ-Bɛɛ-Tigi si tinyalɛ kɛ, ado tinyalɛ wo, kasarɛ le ye a kɔma.

Emɔsi 5:16

“Allatala ko ka a tɛgɛ wola sɔn-yogomɛnu ma, wole mɔgɔ-yogomɛnu si faga. Mɔgɛnu si di-kɛ-kannu namɔɛn soenu kuma belenna. Anu si ta fɛlɛtenɛnu kele anuna sɛnɛnu tɔ alako anu ni na kofu mamusu-dɔn-kɛlɛnu ma wole, mɔgɔ sɔn-yogomɛnu saya-di-kɛ-tinɛ.

Yilan-Yilan Koe 16:34

Mɔgɛ bɛɛ ya anu wɔrɔndɔ-kan lamɔɛn tumɛ min, wonu ya anu buri. Anu gbele-gbelenta ko, “Ma ni ma buri, dugi ye nala ma lakununa!”

Lankɛnimayɛ 11:8

Anu Mari gbangbanta kɔlɔma ma kan min, anu furinu si sa kilɛ la so-wɛ wo rɔ. Soe wo misalɛ le Sɔdɔm soe la, ni wo ma, Iyipiti nyamanɛ.

Lankɛnimayɛ 14:8

Melika fila nyɔgɛ bilara a fɔlɔtɛ fɛ. A ye a fɔla ko, “A ara bui. Babilɔn-so-belebele ara bui fogbo! Ala yɛlɛnya-nata min si mɔgɔ bira iko baan, a ara wo di mɔgɛ bɛɛ ma alako anu ni anu min wo la.”

Lankɛnimayɛ 16:19

Babilɔn-so-wɛ farata sigi tina sawa la. Nyamanɛ bɛɛta so-wɛnu fanan halakira. Alla ya a fonde to Babilɔn-so-belebele ko. Allata diminya-belebele ye yi-lafɛ min tɔ iko gbɛɛ, a ya a ma, Babilɔn ya a min wo la.

Lankɛnimayɛ 17:12

“I ya kere tan min yen wo la, mansa tan de wo la minnu ma wuli wɛ mansayɛ kɛla kɔnɔ anu bi sarati sɔrɔnna hawa kelen pe le kɔrɔ anuna mansaya-koe rɔ sogo-feremɛ wo fɛ.

Lankɛnimayɛ 18:18

Anu ya soe wo mintan-sisi yen yɛlɛla tumɛ min, anu gbele-gbelenta ko, “So-karantan wo nyɔgɔn sa nun mumɛ!”

Lankɛnimayɛ 18:19

Anu ya gbangban kɛ anu kunyɛ rɔ yisi-tinya bolo. Anu gbele-gbelenta di-kɛ-tinɛ ko, “E, gbalo! Gbalo ye so-karantan wo kuma! Soe le nun. Kulun-tigi min bɛɛ ye kɔgɔ-yi kuma, anu bara ma nɔnfulu-tiginu na ala nɔnfuli rɔ! Kɔnɔ a ara bɔnɔ fan wo bɛɛ rɔ hawa kelen pe kɔrɔ!”

Lankɛnimayɛ 18:21

Wo kɔma, melika-sɛnbɛ-tigi ya kuru-belebele-wɛ bi ka a lakɛ kɔgɔ-yi rɔ fɔrɔsɛ la. A ko, “Babilɔn-so-belebele-wɛ la si bui sɛnbɛ la ka le. Wo kɔma, a ti yen tun.

Lankɛnimayɛ 18:8

Ka a tɛgɛ wo ma, fitinɛ kɛ bɛɛ si na kɛ a ma tele kelen kɔrɔ, kirayɛ anubɛ yisi-gbalɛ anubɛ kɔnkɛ, kɔni. Tɛ si a mintan gburr bawo Mari Alla, Sɛnbɛ Bɛɛ Tigi le a kiti tɛgɛla.”