Lankɛnimayɛ 17:9 - ALLALA KUMƐ

⁹ “Hɛnkili ye minnu bolo, anu si kɛ nya-yen. Kun wɔrɔnfilɛ wo, kɔnkɔ wɔrɔnfilɛ le wonu na musi wo siginɛ minnu kuma. Mansa wɔrɔnfila le wonu na fanan,

Lankɛnimayɛ 17:9 ပူးပေါင်းရင်းမြစ်များ

Daniyɛli 12:4

Melika kelan wo ya a fɔ n ye tun ko, “Daniyɛli, i ni buku kɛ dɛ gbalɔn ha duninyala-ban-wati. Kɛ-wati-mumɛ bɛɛ rɔ, mɔgɛnu si to yigi-ni-yɛlɛla hɛnkili-sɔrɔn-koe rɔ.”

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Lankɛnimayɛ 13:1

Wo kɔma, n ya sogo-feremɛ namatoe yen bɔla kɔgɔ-yi rɔ. A kere tan. A kunyɛ wɔrɔnfila. Mansaya-fulɛ ye a kere kelen-kelennamɛ-bɛɛ la. Alla-rapɔsi-kumɛnu sɛbɛnɛ a kunyɛ wonu ma.

Lankɛnimayɛ 13:18

Bɛɛ ni hɛnkili sɔrɔn kɛ ma. Hɛnkili ye min bolo, wo si ke ka sogo-feremɛ wo tɔgɛ-yatɛ-kɔrɛ lɔn bawo mɔgɛ-tɔgɛ-yatɛ le wo la. A yatɛ le kɛmɛ wɔrɔ, bi-wɔrɔ ani wɔrɔ (666) la.

Lankɛnimayɛ 17:18

“I ya musi min yen wo la, so-belebele le wo la min bi duninya-mansɛnu kun na.”

Lankɛnimayɛ 17:3

Melika tara n na wulɛ rɔ Allata Ni-Sɛnimɛ baraka rɔ. N ya musi do yen nyɔ, a siginɛ sogo-ferema-wulan la. Sogo-feremɛ wo, a kunyɛ wɔrɔnfila, a kere tan. Alla-rapɔsi-kumɛnu sɛbɛnɛ a kan tinɛ bɛɛ ma.

Lankɛnimayɛ 17:7

Melika wo ya n manyinika ko, “I ye kawala nfenna? Min nya-yen-koe gbɛlɛ musi kɛ wara-koe rɔ, n si wo fɔ i ye anubɛ sogo-feremɛ min tara a la, a kunyɛ wɔrɔnfila, a kere tan.