Lankɛnimayɛ 17:3 - ALLALA KUMƐ

³ Melika tara n na wulɛ rɔ Allata Ni-Sɛnimɛ baraka rɔ. N ya musi do yen nyɔ, a siginɛ sogo-ferema-wulan la. Sogo-feremɛ wo, a kunyɛ wɔrɔnfila, a kere tan. Alla-rapɔsi-kumɛnu sɛbɛnɛ a kan tinɛ bɛɛ ma.

Lankɛnimayɛ 17:3 ပူးပေါင်းရင်းမြစ်များ

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

2 Mansɛnu 2:16

Anu ko, “Mɔgɔ bi-lolɛ kɛndɛ ye ma fɛ yan. Ma ye a fɛ, anu ni ta i karan-mɔgɔ nyini. Tumado, Marita sɛnbɛ ara ta a to kɔnkɛ do kuma, ni wo ma, lɛɛ do rɔ.” Nɛbi Ilaisa ya a fɔ anu ye ko, “Wo kana anu nata.”

Keninteya-Siginu 8:5

Yonnu bi nala wo la ka bɔ wulɛ rɔ musi gbɔnkunnɛ a rɔ? N ya a ma, n sɔgɛ ya i bira kɔn-gbɔ-kuri kɔrɔ, i na ya a nyɛrɛ-masɔrɔn i la kan min nun.

Isikiyɛli 11:24

Ko-rayirɛ wo rɔ, Marita Sɛnbɛ ya n kɔrɔbi ka n nayɛlɛ san ma. A sɛgira n na mɔgɔ-biranɛ wonu bara Babilɔn nyamanɛ rɔ. N ke nyɔ, nna ko-rayirɛ wo banta.

Isikiyɛli 3:12

Wo kɔma, Marita Sɛnbɛ ya n bi tugbɛ! Marita gbiliyɛ ye bɔla tumɛ min, n ya kuman-kan-belebele-wɛ lamɔɛn n kɔma.

Isikiyɛli 8:3

A ya fan do lana n bara la min manɛ iko bole. Wo ya n bira n kun-sigi ma. Nna ko-rayirɛ kɛ rɔ, Allata Sɛnbɛ ya n nayɛlɛ san ma ka ta n na Bato-Bɔn mafɛlɛn-tinɛ Yerusalɛm soe burɔ. A ya n nadon Bato-Bon-kata kantɛ-don-dɛ la, bɛsɛ sɔnɛ kan min, ado wo wara-koe gbo Alla ye.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 7:20

A sɔgɛ ye n na fanan, a kere tan minnu bi a kuma, n ni wonu bara-koe lɔn. A sɔgɛ ye n na fanan, kere-nɛ min yɛlɛta kere doinu tɛma ka sawa bɔ nyɔ, n ni wo wara-koe lɔn fanan. Kere-nɛ wo, a yɛ ye nyɔ, ado mankan-tugu-dɛ ye a kuma. Hali a dɔgɔ kɔnɔ a ragbɛlɛ a ta-nyɔgɛnu ko.

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Daniyɛli 7:8

N bi n mirila kere wonu bara-koe ma tumɛ min, n ya kere-nɛ do yen yɛlɛla kere doi wonu tɛma. A yɛlɛmatoe ya kere sawa tuntun kere kɛnu tɛma ka wonu nabɔ. Hadama-den-yɛ ye kere nɛ wo bolo, ado mankan-tugu-dɛ ye a bolo.

Matiyu 27:28

Anu ya a mawuran ka duruku-yan-wulenmɛ don a kan na.

Kɛwɔlɛnu 8:39

Anu bɔra yi rɔ tumɛ min, Marita Niyi ya Filipi bɔ a fɛ. Kun-tigi wo ma a yen tun. Kɔnɔ a sewanɛ tara a warɛ.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

Lankɛnimayɛ 1:10

Sulen-Tele ma, Allata Ni-Sɛnimɛ ya n bi ata sɛnbɛ la. N ya kuman-kan-wɛ lamɔɛn. Wo kuli manɛ de iko buru-fɛ-kan. A ye kumala n kɔma kilɛ la.

Lankɛnimayɛ 12:14

Kokɛ-wɛ kanban filɛ dira musi wo ma alako a ni gban ka ta a warɛ wula-da-rakolɔn rɔ. Anu si a kandan nyɔ san sawa ani a tala ka kisi ninkinankɛ ma.

Lankɛnimayɛ 12:3

Kabana-ko-gbɛrɛ bɔra Arinyɛni tɔ. Ninkinanka-wulen-ba bɔra gbɛ rɔ nyɔ. A kunyɛ wɔrɔnfila. A kere tan. Mansaya-fulɛ ye a kunyɛ wo kelen-kelennamɛ-bɛɛ la.

Lankɛnimayɛ 12:6

Musi wo ya a buri tala wulɛ rɔ. Alla ara wulɛ min tabɛn musi wo ye, a ya a buri tala nyɔ a kanan-koe la. A tora nyɔ tele waga kelen, tele kɛmɛ fila, ani tele bi-wɔrɔ (1,260) kɔrɔ.

Lankɛnimayɛ 17:18

“I ya musi min yen wo la, so-belebele le wo la min bi duninya-mansɛnu kun na.”

Lankɛnimayɛ 17:4

Musi wo fɛrɛya bɔnɛ kura-bilolamɛ anubɛ a wulenmɛ la. A makirinɛ sɛnɛ anubɛ kuru-da-gbɛlɛ anubɛ kɔnɔ-kolo-da-gbɛlɛ-gbɛmɛ la. Sɛnɛ-yi-lafɛ ye a bolo tɔ. Wo lafanɛ ko-latinyanɛnu anubɛ ala yɛlɛnya-ko-haramunɛnu na.

Lankɛnimayɛ 18:12

Anuna sɛnɛ wo, anuna wodi-gbɛ wo, anuna kuru-da-gbɛlɛmɛnu wo, anubɛ anuna kɔnɔ-kolo-da-gbɛlɛmɛnu, wonu sanna sa nyɔ tun. Anuna linɛn-kura-nyimɛnu anubɛ kura-bilolamɛnu, anuna kura-manunkunɛ, anubɛ kura-wulannu, wo fanan sanna sa nyɔ tun. Anuna kɔlɔma-hakikɛnu wo, anuna sogo-ba-nyin nadannɛ fan minnu na wo, kɔlɔma-da-gbɛlɛmɛnu wo, anubɛ silɛɛ wo, nɛgɛ wo, anubɛ bɛrɛ-kurinu wo, wo fanan sanna sa nyɔ tun.

Lankɛnimayɛ 18:16

Anu si a fɔ ko, “E, gbalo! Gbalo ye so-wɛ wo kuma! A duruta a nyɛrɛ fɛrɛya bɔla linɛn-kura-hakikɛ la anubɛ kura-bilolamɛ anubɛ kura-wulan la ka a nyɛrɛ makiri sɛnɛ anubɛ kuru-da-gbɛlɛmɛ anubɛ kɔnɔ-kolo-da-gbɛlɛmɛnu na!

Lankɛnimayɛ 21:10

Allala Ni-Sɛnimɛ yigira n kuma. Nba, ale melika tara n na kɔnkɔ-layan-bɛ kun tɛma pon! A ya Alla-halala-So-Sɛnimɛ, Yerusalɛm, yira n na. A ye yigila ka bɔ Arinyɛni tɔ Alla bolo.

Lankɛnimayɛ 4:2

Tiriyante wo rɔ, Allala Ni-Sɛnimɛ tara n na sɛnbɛ la. Mansaya-sigi-fan ye Arinyɛni tɔ nyɔ, mɔgɛ do mayiginɛ a rɔ.