Lankɛnimayɛ 17:17 - ALLALA KUMƐ

¹⁷ Anu ya anuna sarati di sogo-feremɛ wo ma alako a ni mansayɛ kɛ ha Allata kumɛ wo ni bɔ-a-la tumɛ min, ado Alla le ya miriya kelan wo di anu ma ko anu ni a sako kɛ.

Lankɛnimayɛ 17:17 ပူးပေါင်းရင်းမြစ်များ

Ɛsira 7:27

Saraka-Masɔla Ɛsira ya a fɔ ko, “N si ma benbanuta Mari Alla tanto bawo a ara a ma, mansɛ ara kɛ nyɔgɔn sufa gbiliyɛ di Mari Bato-Bɔn ma Yerusalɛm soe burɔ.

Yaburi 105:25

A ya a ma, Iyipiti kɛnu ya ala mɔgɛnu kɔn ka yanfɛ sigi anu na.

Hɛnkilimaya-Kumɛnu 19:21

Mɔgɛ si a miri le kɔnɔ Mari, wo le ye a latɛgɛla le.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Yɛrɛmaya 32:40

A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

Daniyɛli 12:7

Melika wo ya a bolo filɛ layɛlɛ san ma ka lanyiri kiri habadan-Mari tɔgɛ rɔ. Nde, Daniyɛli ya a lamɔɛn a ye a fɔla ko, “A si san sawa ani a tala bɔ. Allata mɔgɛnuta tɔrɔya-wati wa ban tumɛ min, wo le ye a taranna ko-nya kɛ damasi ara ka-a-la.”

Luka 22:22

ado nde, Hadama-dan si faga iko Alla ara a latɛgɛ nya min kɔnɔ min si n don n yogenu bolo tɔ, gbalo ye wo mɔgɛ kuma!”

Luka 22:3

Yudasi-Isakariyati min bi Yisala karan-den tan-ni-filɛ do la, Setanɛ donta wo yisi rɔ.

Luka 22:37

Bawo n bi kɛ fɔla wo ye, min sɛbɛnɛ Allata kitabu rɔ ndela ko la, a ko anu ya a kofu ko-yogoma-kɛlɛnu ma, ado fɔ wo ni na bɔ-a-la. Min sɛbɛnɛ ndela ko la, wo ye nala bɔla a la le.”

Yɔni 10:35

Ma ya a lɔn ko min sɛbɛnɛ Allata kitabu rɔ, tonyɛ le wo la tɛban! Nba, Allala kumɛ dira mɔgɛ minnu ma, Alla ya a fɔ wonu ma ko Allala Dannu.

Yɔni 13:18

“N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’

Yɔni 13:2

Nba, Setanɛ ara ban Yisa maburi-koe donna Saimonna dan Yudasi Yisikariyɔti yisi rɔ nun. Yisa ya a lɔn ko a Fa ara sɛnbɛ-kanbalinɛ di a ma nun. A ya a lɔn fanan ko a bɔra a Fa Alla wara, ado a ye nala sɛgila nyɔ le tun. Nba, anubɛ ala karan-dannu bi fen dɔn la tumɛ min, Yisa ya a lasɔ ka bɔ tebulu wara la. A ya ala duruku-ba bɔ a kan na ka fanɛ kiri a bu tɛma.

Yɔni 19:24

Kɛlɛ-dannu ya a fɔ anu nyɔgɔn ye ko, “Ma kana a rafara wona. Ma ni korɔn lakɛ ala ko la. A si to min ye, ma ni wo lɔn.” Wo mara le alako min sɛbɛnɛ Allata kitabu rɔ, wo ni bɔ-a-la bawo a sɛbɛnɛ ko, “Anu ya nna kurɛnu fara anu nyɔgɔn tɛma ka korɔn lakɛ nna duruku-kɔrɔ-donla ko la.” Kɛlɛ-dannu denu ya wo le ma.

Yɔni 19:28

Wo kɔma, Yisa ya a lɔn ko Alla ara wɔli min bɛɛ di a ma, a ara wo bɛɛ kanbali feu! A ko, “N kan la ara gbala.” A ya wo fɔ alako min sɛbɛnɛ Allata kitabu rɔ, wo ni bɔ-a-la.

2 Kɔrɛnti 8:16

Ma si baraka bira Alla ye bawo keninteyɛ min nyɔgɔn ye male bolo, a ya wo nyɔgɔn di Taita ma wo dɛnbɛn-koe la!

Lankɛnimayɛ 10:7

Melika wɔrɔnfila nyɔgɛ wa ata buri fɛ tumɛ min, Alla si ala gbundu-ko-latɛgɛnɛ kɛ iko a ya a fɔ ala wɔli-kɛlɛnu ye nya min, ala nɛbinu, kɔni.”

Lankɛnimayɛ 15:1

Wo kɔma, n ya kabana-ko-makawani-gbɛrɛ yen Arinyɛni tɔ. Melika wɔrɔnfila ye nyɔ anubɛ anuna fitina wɔrɔnfilɛ. Fitina laban le wonu na bawo Allala diminyɛ da si fa wonu denu na.

Lankɛnimayɛ 17:13

Mansa tan wonu miriya kelen. Anu si anuna sɛnbɛ anubɛ anuna sarati di sogo-feremɛ wo ma.

Lankɛnimayɛ 19:9

Wo kɔma, melika ya a fɔ n ye ko, “Kɛ sɛbɛ. Mɔgɔ-sewanɛ le wonu na minnu kelenɛ saga-danta kɔnyɔ-masɔ-ladiyɛ wo rɔ.” Nba, melika ya a fɔ tun ko, “Allala-tonya-kumɛ le kɛnu na.”

Lankɛnimayɛ 6:11

Alla ya duruki-gbɛ di mɔgɔ-tɔrɔnɛ wonu kelen-kelennamɛ-bɛɛ ma. Alla ya a fɔ anu ye ko anu ni anu sulen wati-ni kɔrɔ fɔlɔn. Anu ni anu wɔli-kɛ-nyɔgɛnu anubɛ anu na-kelen-nyɔgɛnuna sayɛ makɔni alako anu yatɛ ma ni kofu.