Lankɛnimayɛ 17:14 - ALLALA KUMƐ

¹⁴ Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 17:14 ပူးပေါင်းရင်းမြစ်များ

Yaburi 110:5

Mari ye ale mansɛ kɔɛn-nyimɛ wara la. A fonde wa bɔ, a si mansa-siyaman nɔ.

Yɛrɛmaya 1:15

Wati-kundu-nɛ wa tenbi, nyamanɛ minnu bi kantɔ-wara la, n si wo mɔgɛnu natugu wo ma. Nyɔ-mansɛnu si na Yerusalɛm soe tarɛ bira-a-la ka soe damasi bira-a-la Yuda nyamanɛ rɔ. Anu si na anuna mansaya-waganɛnu sigi Yerusalɛm tarɛ don-dɛnu na.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 50:44

Mari ko a si a ma, Babilɔn kɛnu ni anu buri iko yarɛ wa bɔ Yorodan-ba-gbɔngbɔn rɔ ka a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye nyamanɛ marala. Mari ko ale nyɔgɔn sa nyɔ. Yon si a kɔgɔ raka a la? Kun-tigi yon si ke a rasɛla?

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Daniyɛli 7:21

“N tora wo mafɛlan kun na, n ya ale kere-nɛ wo yen Allata-mɔgɔ-sɛnimɛ wonu kɛlɛla, ado a ye anu nɔla le nun.

Sakaraya 2:8

Mɔgɔ-wo-mɔgɔ ya wole gbesi, a ara fan gbesi min di ale Mari ye iko a yɛ.” Mari Sɛnbɛ-Bɛɛ-Tigi ya sarakanɛ kɛ don n bolo sibolo-gbɛrɛnuna ko la minnu ya ala mɔgɛnu bira.

Matiyu 22:14

Yisa ya kumɛ wo kundon ko, “Mɔgɔ siyaman kelenɛ kɔnɔ minnu yabɔnɛ, wonu ma siya.”

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Romu 1:6

Wole fanan bi sibole wonu tɛma. Wo kelenɛ Alla bolo ka ma Yisa Kirasititɛ la.

Romu 8:30

Alla ara minnu yabɔ, a ya wonu denu kele. A ma a to kelelɛ wo dɔrɔn ma fɔ ka anu natelen a nyɛrɛ ye fanan, ado a ma a to latelan dɔrɔn ma fɔ ka a nyɛrɛta gbiliyɛ di anu ma fanan.

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

1 Kɔrɛnti 15:24

Ala ban si ke worɔ. Duninya-kun-tiginu wo, nyina-kun-tiginu wo, sɛnbɛ-tiginu wo, Kirasiti si sɛnbɛ sɔrɔn anu dama kuma ka mansayɛ dantɛgɛ a Fa Alla ma,

Tɔn-Fɔɛ-Fila-Nyɔgɛ 10:17

Ale wota Mari Alla tenbira bɛsɛ mumɛ bɛɛ la. Ale tenbira kun-tiginu na. Alla-makawanɛ le ale la. Ata sɛnbɛ kolo. A bɛnta wo ni a gbiliya ka yɛrɛyɛrɛn a kɔrɔ. A ti lafisayalɛ kɛ. A ti sɔn gbundu-koe ma.

1 Timoti 6:15

Mɔgɛnu bi Alla min gbiliyala, ma kun-tigi-kelan, kɔni, wo si Kirasiti labɔ gbɛ rɔ a nyɛrɛta wati-latɛgɛnɛ rɔ. Allatala le mansɛnuna Mansɛ la anubɛ marinuna Mari.

2 Timoti 2:4

Kɛlɛ-den-nyimɛ ye a fɛ ka ala kun-tigi hɛnɛ min kɛ, woletɔ kɛlɛ-den ma minnu na, a ti basan wonuna koe la.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 11:7

Anu ba ban anuta kumɛ fɔla tumɛ min, sogo-feremɛ min si na bɔ denka-dan-yenbɛlɛ rɔ, wo si anu kɛlɛ. A si anu nɔ ka anu faga.

Lankɛnimayɛ 16:14

Nyina-yoge le wonu na minnu duruta kabana-koenu kɛla. Nyina sawɛ wonu bi tala mansɛnu bara dugu-kole kan tinɛ bɛɛ rɔ ka mansɛ wonu madɛn kɛlɛ-kɛ-koe la Alla Sɛnbɛ Bɛɛ Tigi ka ma wo tele rɔ. (

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 2:13

Setanɛ ye mansayɛ la kan min, n ya a lɔn ko wo siginɛ nyɔ le. Antipasi ye a fɔla gbɛ rɔ nun ko a dɛnkɛninyanɛ n ma bɛrɛkɛ! Anu ya a faga nyɔ ka a tɛgɛ wo le ma kɔnɔ hali wo, wo ma wola dɛnkɛninyɛ boloka. Wo sɔra n ye gben!

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.