Lankɛnimayɛ 17:12 - ALLALA KUMƐ

¹² “I ya kere tan min yen wo la, mansa tan de wo la minnu ma wuli wɛ mansayɛ kɛla kɔnɔ anu bi sarati sɔrɔnna hawa kelen pe le kɔrɔ anuna mansaya-koe rɔ sogo-feremɛ wo fɛ.

Lankɛnimayɛ 17:12 ပူးပေါင်းရင်းမြစ်များ

Daniyɛli 7:20

A sɔgɛ ye n na fanan, a kere tan minnu bi a kuma, n ni wonu bara-koe lɔn. A sɔgɛ ye n na fanan, kere-nɛ min yɛlɛta kere doinu tɛma ka sawa bɔ nyɔ, n ni wo wara-koe lɔn fanan. Kere-nɛ wo, a yɛ ye nyɔ, ado mankan-tugu-dɛ ye a kuma. Hali a dɔgɔ kɔnɔ a ragbɛlɛ a ta-nyɔgɛnu ko.

Daniyɛli 7:24

A ko kere tan kɛ, mansa tan de wonu na. Mansa-gbɛrɛkɛ si na minnubɛ mansɛ doi kɛnu ma kɛn. Wo si mansa sawa labui mansa tan kɛnu tɔ.

Lankɛnimayɛ 10:11

Wo kɔma, kuman-kan ya a fɔ n ye ko, “I ni wɔlɔyiyɛ kɛ mɔgɔ siyamanna ko la tun anubɛ sibolo-siyamɛ anubɛ a mansa-siyamɛ iko anuna kan faranɛ nya min.”

Lankɛnimayɛ 12:3

Kabana-ko-gbɛrɛ bɔra Arinyɛni tɔ. Ninkinanka-wulen-ba bɔra gbɛ rɔ nyɔ. A kunyɛ wɔrɔnfila. A kere tan. Mansaya-fulɛ ye a kunyɛ wo kelen-kelennamɛ-bɛɛ la.

Lankɛnimayɛ 13:1

Wo kɔma, n ya sogo-feremɛ namatoe yen bɔla kɔgɔ-yi rɔ. A kere tan. A kunyɛ wɔrɔnfila. Mansaya-fulɛ ye a kere kelen-kelennamɛ-bɛɛ la. Alla-rapɔsi-kumɛnu sɛbɛnɛ a kunyɛ wonu ma.

Lankɛnimayɛ 17:16

I ya sogo-feremɛ min kere tan yen wo la, musu-yɛlan wo si gboya kere tan wonubɛ sogo-feremɛ wo ye. Anu si a bolo-fan bɛɛ bi a bolo ka a gbu-makolɔn to. Anu si a fɛrɛ-bɔnkɛ dɔn ka a toe lakɛ tɛ rɔ.

Lankɛnimayɛ 18:10

Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”

Lankɛnimayɛ 18:17

A ara bɔnɔ ala nɔnfuli wo bɛɛ rɔ hawa kelen pe kɔrɔ!” Kulun-kun-tigi bɛɛ anubɛ kulun-tasigilɛ bɛɛ anubɛ kulun-tawɔli-kɛlɛnu anubɛ min bɛɛ ye anu beli-fan sɔrɔnna kɔgɔ-yi rɔ, wo bɛɛ ya a masɛgi ale soe wo la pon!

Lankɛnimayɛ 18:19

Anu ya gbangban kɛ anu kunyɛ rɔ yisi-tinya bolo. Anu gbele-gbelenta di-kɛ-tinɛ ko, “E, gbalo! Gbalo ye so-karantan wo kuma! Soe le nun. Kulun-tigi min bɛɛ ye kɔgɔ-yi kuma, anu bara ma nɔnfulu-tiginu na ala nɔnfuli rɔ! Kɔnɔ a ara bɔnɔ fan wo bɛɛ rɔ hawa kelen pe kɔrɔ!”