Lankɛnimayɛ 16:7 - ALLALA KUMƐ

⁷ Wo kɔma, n ya kuman-kan lamɔɛn bɔla saraka-bɔ-tinɛ wara la. A ko, “Mari Alla, Sɛnbɛ Bɛɛ Tigi, i ye kiti tɛgɛla telenbagayɛ anubɛ tonyɛ le la, yɔ!”

Lankɛnimayɛ 16:7 ပူးပေါင်းရင်းမြစ်များ

Aiseya 6:6

Wo kɔma, nima-fan wo kelen gbanta ka yigi n bara. A ya ta-wɔlɔn do bi saraka-mintan-tinɛ kuma baran la.

Isikiyɛli 10:2

Linɛn-kurɛ donnɛ kei min kan na, Alla ya a fɔ wo ye ko, “A kian minnu bi nima-fan kɛnu kɔrɔ, ta wonu tɛma. Ta-wɔlɔn minnu bi nyɔ rɔ, i ni i bole lafa wonu na ka anu fui soe burɔ.” N yɛ gbalanɛ tora kei wo la ha a kera.

Isikiyɛli 10:7

Nima-fan kɛ kelen ya ta-wɔlɔn kɔ ka a kɛ kei wo bolo tɔ. Kei wo bɔra nyɔ ta-wɔlɔn la a bolo.

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.

Lankɛnimayɛ 13:10

Min si ma yɔɔn la, wonu si ma yɔɔn la serr! Min si faga, wonu si faga serr! Allata mɔgɛnu ni anu munyu ka to dɛnkɛninyɛ rɔ koe kɛ bɛɛ rɔ.)

Lankɛnimayɛ 14:10

Allata diminyɛ si wo bira iko baan. Ala diminyɛ min manɛ iko baan-sɛnbɛmɛ, a ara wo wuya ala diminya-yi-lafɛ rɔ. Min bɛɛ ye wo minna, wonu si nyankankantan sɔrɔn tɛ anubɛ munku-gbɛ bolo melika-sɛnimɛnu anubɛ saga-dan-yakɔrɔ.

Lankɛnimayɛ 14:18

Wo kɔma, tɛ min bi saraka-bɔ-tinɛ kuma, melika doi min bi kun-tigiyɛ kɛla wo kun na, wo nara ka bɔ nyɔ-wara la. A kumara wɔrɔtɔ-da-diyama-tigi wo ye a kulu-mayɛlɛnɛ la. A ko, “Ila wɔrɔtɛ bi ka dugu-kole nɔnbɔ-gbɔɛ bɛɛ tɛgɛ bawo anu bara mɔ!”

Lankɛnimayɛ 19:2

A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

Lankɛnimayɛ 6:9

Wo kɔma, saga-dan ya li-kɛɛn loli nyɔgɛ bɔ a ma ka a lafulen. Minnu fagara Allala-kumɛ-kawandili anubɛ anuna sereya-nyimɛla ko la, n ya wonu niyi yen saraka-bɔ-tinɛ kɔrɔ.