Lankɛnimayɛ 16:3 - ALLALA KUMƐ

³ Wo kɔma, melika fila nyɔgɛ ya ata pani-kunbɛ rawuya kɔgɔ-yi rɔ. Yi wo mara iko mɔgɔ-faganɛ-yele. Dali-fan bɛɛ fagara kɔgɔ-yi rɔ.

Lankɛnimayɛ 16:3 ပူးပေါင်းရင်းမြစ်များ

Ko-Dabirɛnu 7:22

Fenfen min si a niyi lafɛ, wo bɛɛ fagara tɛrr! Fɔ Nowa anubɛ minnu bi a fɛ kulɔn rɔ, wonu denu tora.

Yaburi 105:29

A ya anuna bɛnu yɛlɛma yele la alako anuna yɛgɛnu ni faga.

Yaburi 78:44

A ya ba-yinu yɛlɛma yele la ha Iyipiti kɛnu ma ke anu min-kɛ-yi sɔrɔnna.

Isikiyɛli 16:38

I wara yɛlɛnyɛ anubɛ fagalɛ min dan-natenbi, woletɔ n bara itɛ bɔ tɔn rɔ. N si i faga don, nta yisi-bɔ-wulen-bɛ la.

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Lankɛnimayɛ 10:2

Gbolo-lamininɛ-dɔgɔmɛ lafulennɛ a bolo. A ya a bolo-nyimama-kian sɔ kɔgɔ-yi rɔ ka a maranma-kian sɔ gbele ma.

Lankɛnimayɛ 11:6

Sarati ye anu bolo ka san-kole dɛ latugun. Woletɔ anu bi Allata kumɛ fɔla wati minnu tɔ, bandɛ ti na mumɛ! Sarati ye anu bolo tenkenu kuma ka anu yɛlɛma yele la. A wa diya anu ye tuma-wo-tuma, sarati ye anu bolo fanan ka dugu-kole tɔrɔ fitina-su bɛɛ la.

Lankɛnimayɛ 13:1

Wo kɔma, n ya sogo-feremɛ namatoe yen bɔla kɔgɔ-yi rɔ. A kere tan. A kunyɛ wɔrɔnfila. Mansaya-fulɛ ye a kere kelen-kelennamɛ-bɛɛ la. Alla-rapɔsi-kumɛnu sɛbɛnɛ a kunyɛ wonu ma.