Lankɛnimayɛ 16:15 - ALLALA KUMƐ

¹⁵ Mari ko, “Wo ni wo tole masɔ! N bi nala wo latɛrɛnala iko kankan! Mɔgɔ-sewanɛ le wo tigi la min bi kila a ya la ka ala kurɛ makandan alako a lakolɔn kana na to tagamana miliyɛ bolo!”)

Lankɛnimayɛ 16:15 ပူးပေါင်းရင်းမြစ်များ

Bɔ-Koe-Iyipiti 32:25

Musa ya a yen Aruna ma ala kun-tigiyɛ lawɔli a kin na, woletɔ Isirɛla mɔgɛnu bara murutiya ha anu bara ma yɛlɛnma-fan la anu yogenu yala.

Aiseya 47:3

Mɔgɛnu si i makolɔn yen. I si miliya anu yala.” Mari ko a si a tayili sara i la. A ti kinikini mɔgɔ-wo-mɔgɔ ma ile Babilɔn soe burɔ.

Isikiyɛli 16:37

Ka a tɛgɛ wo ma, n si i sa-nyɔgɔn-kɔrɛ wo bɛɛ ladɛn kan-tina-kelen. Minnu di i ye wo, minnu gbo i ye wo, wonu si a mini i ma. Wo kɔma, n si i mawuran alako anu ni i lakolɔn yen.

Hoseya 2:3

Ni a ma sɔn, n si a makolonya iko a na ya a sɔrɔn nya min. A si ma iko dugu-magbalanɛ anubɛ gbangban. Kan-nagbalɛ si a faga.

Habakuku 2:15

Wole karagbɛlɛnu, wo si wota nondɔn sɔrɔn de serr! Wo ara wo dan-masa-nyɔgɛnu fɔrɔsɛ ka tɔrɔyɛ do min iko baan. Anu kun ta wa ban finna, wo si to anu nakolɔn mayɛlɛnna.

Matiyu 25:13

Yisa ko, “Nba, wo ni wo yɛ lakalan bawo wo ma n na-tele anubɛ a wati lɔn.

Matiyu 26:41

Wo ni ki wo ya la ka Alla madiya. Woletɔ nyankankantan wa na, hakɛ kana wo nɔ. Wo sɔn kɛndɛ wo burɔ kɔnɔ wo fɛrɛ-bɔnkɛ ti ko-wo-ko nɔ.”

Maraka 14:38

A ya a fɔ anu ye ko, “Wo ni ki wo ya la ka Alla madiya. Woletɔ nyankankantan wa na, hakɛ kana wo nɔ. Wo sɔn kɛndɛ wo burɔ kɔnɔ wo fɛrɛ-bɔnkɛ ti ko-wo-ko nɔ.”

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Kɛwɔlɛnu 20:31

Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

2 Kɔrɛnti 5:3

Ni wonu bilanɛ ma kan na, ma gbu-makolɔn ti taran worɔ.

1 Tɛsalonaika 5:4

Kɔnɔ ma na-kelen-nyɔgɛnu, wo sa pinpi rɔ min kɛ, wo tumɛ ti wole latɛrɛna iko kankan.

1 Tɛsalonaika 5:6

Nba, ma kana kinɔgɔ iko doinu. Ma kundennɛ ni to ka ma yɛ lakalan anubɛ ka ma hɛnkili masɔ.

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

2 Pita 3:10

Marita tele si na iko kankan. Wo tele kelan rɔ, san-kole si tenbi ka ban sɔnkɔ-sɔnkɔ-ba rɔ. San-kole anubɛ fan minnu bi a rɔ, wonu si mintan ka lee bandin! Dugu-kole anubɛ fan min bɛɛ ye a kuma, wonu bɛɛ si tenbi ka ban.

Lankɛnimayɛ 22:7

Yisa ko, “Wo ni wo tole masɔ! N bi nala tiriya! Minnu bi kitabu kɛta wɔlɔyiya-kumɛnu birala, mɔgɔ-sewanɛ le wonu na!”

Lankɛnimayɛ 3:11

N bi nala tiriya! Min bi wo bolo, wo ni wo mara gben! Woletɔ wo ara barayi min sɔrɔn ka a bɛn wola nɔlɛ ma, mɔgɔ-wo-mɔgɔ ti ke wo kankanna wo bolo.

Lankɛnimayɛ 3:18

Nba, n bi wo makawandila ko wo ni sɛnɛ-nyimɛ san n ma alako wo ni ma nɔnfulu-tigi-bɛrɛ la. Wo ni duruku-gbɛ fanan san n ma alako wo ni wo nyɛrɛ rabɛn ka wola gbu-makolonyɛ yamatogon, ado miliya-koe le wo la. Wo ni bɛsɛ do san n ma fanan min si kɛ wo yɛnu ma woletɔ wo si fen yen.